1 Samwel 25:29 - Kitab Injil and Kitab Awal-Jaman

²⁹ Malaingkan minsan ka pinagturul bo' pinapatay, mbal ka magmula sabab asalamat nyawanu, tinau' pahogot e' PANGHŪꞋ ma deyom tatau'anna. Sagō' in kallum saga bantanu sapantun batu pinitikan, mbal na tapiha.

1 Samwel 25:29 ပူးပေါင်းရင်းမြစ်များ

Panagna'an 15:1

Pagubus ina'an-i, takale e' si Ibram suwala PANGHŪꞋ-Yawe magkallam ma iya hinabuna atuli, yuk-i, “O Ibram, da'a ka tināw. Aku ya anampanan ka'a, sali' hantang taming. Ahāp to'ongan panungbasku ma ka'a.”

Kalangan 66:9

Niliyusan kitam min kamatay, pineyanan kitam bo' mbal parasdas tape'tam.

Yahiya 14:19

Marai' na waktu in aku mbal ta'nda' e' saga a'a ya mbal angisbat Tuhan. Sagō' ta'nda'bi du aku ati allum du kam salama-lama pagka aku ya asal allum.

Yahiya 17:21

O Mma', angamu' aku junjung ni ka'a, bang pa'in sigām da'atay buwat kita, sabab pataptap na pa'in ka ma aku, maka pataptap isab aku ma ka'a. Mura-murahan, bang pa'in sigām pat'ttog ma kita, bang pa'in isab sigām magdakayu' atay kamemon supaya magkahagad saga a'a ma dunya in ka'a bay amapi'itu aku.

Yahiya 17:23

Hatina pataptap aku maina'an ma sigām buwat ka'a pataptap asal ma aku, bo' supaya sigām da'atay to'ongan. Jari minnē' kinata'uwan e' saga a'a ma dunya itu in ka'a bay amapi'itu aku, maka kinata'uwan isab in saga a'a magkahagad ma aku kalasahannu du buwat panglasanu ma aku.

1 Petros 1:5

Nihampanan kam pahāp sabab min kawasa Tuhan, pagka kam angandol ma iya. Tantu kam nihampanan sampay ta'abutbi kasalamatan ya pinabukis ma llaw kahinapusan.

1 Samwel 2:9

Jagahanna sasuku sigām am'nnal ma iya, sagō' in a'a jahulaka' amatay ma deyom kalendoman. Halam aniya' makapanganda'ug bang hal min kosogna.