1 Samwel 24:8 - Kitab Injil and Kitab Awal-Jaman

⁸ Pagubus, paluwas si Da'ud bo' angalingan ni si Sa'ul, yukna, “Owa', tuwan Sultan!” Paglingi' si Sa'ul, magtūy pasujud si Da'ud tanda' sin pagaddatna ma iya.

1 Samwel 24:8 ပူးပေါင်းရင်းမြစ်များ

Panagna'an 17:3

Na, pasujud magtūy si Ibram. Ya palman Tuhan ma iya,

Paglappas 20:12

“Pagaddatinbi ina'-mma'bi bo' supaya ataha' pangumulanbi ma lahat ya pamuwan ka'am e' si Yawe ya Tuhanbi.

Rōm 13:7

Subay kam amayaran sigām sukay pila-pila ya katongoranna, ai-na ka tongod ni usahabi, ai-na ka tongod ni baranbi. Pagaddatinbi sigām kamemon bang aniya' kawasa sigām patut pinagaddatan. Pagmahaltabatinbi bang patut pinagmahaltabatan.

1 Petros 2:17

Pagaddatinbi manusiya' kamemon. Kalasahinbi pagkahibi magpangandol ma si Isa, pagmatāwinbi Tuhan, pagaddatinbi sultan mahatinggi.

1 Samwel 20:41

Makala'an pa'in onde' he', paluwa' na si Da'ud min liyu batu bay patapukanna bo' pasujud mint'llu ma dahuwan si Jonatan. Manjari, maggapus sigām karuwangan maka he' sigām magtangis. Saguwā' palabi heya tangis si Da'ud min si Jonatan.

1 Samwel 24:7

Minnē' pinabukagan e' si Da'ud saga a'ana maka sinō' sigām da'a angamula si Sa'ul. Jari ala'an na si Sa'ul min songab batu he'.

1 Samwel 24:9

Ah'lling si Da'ud yuk-i, “Angay ka akale ma pamitna saga a'a ya ah'lling in aku itu magniyat angamula ka'a?

1 Samwel 26:17

Takilā magtūy e' si Sa'ul suwala si Da'ud angkan iya ah'lling, yukna, “Da'ud, oto'! Ka'a ka amissala ilu?” Anambung si Da'ud, yukna, “Aho' tuwan sultan, aku ko' itu.”

1 Samwel 28:14

Atilaw si Sa'ul, yukna, “Buwattingga luwana?” “Matto'a l'lla magjinuba,” yuk sambung d'nda inān. Manjari kinata'uwan magtūy e' si Sa'ul si Samwel na ko' inān, angkan iya pasujud.