1 Samwel 23:3 - Kitab Injil and Kitab Awal-Jaman

³ Saguwā' ah'lling ni si Da'ud saga a'ana, yuk-i, “Tuwan, minsan maitu kitam ma paglahat Yuda, landu' kitam tināw, ya lagi'na bang kitam pehē' ni Kela bahasa parugpak ni saga sundalu Pilistin.”

1 Samwel 23:3 ပူးပေါင်းရင်းမြစ်များ

1 Samwel 23:15

Dakayu' llaw, ma Hores pa'in si Da'ud, ma paslangan Sīp, tata'una in si Sa'ul song pina'an amapatay iya.

1 Samwel 23:2

Manjari angaru si Da'ud ni PANGHŪꞋ yukna, “Ya Tuhan, parugpak bahā' aku ni saga Pilistin inān?” Anambung Tuhan, “Aho'” yukna. “Dugpakun sigām bo' lappasun kauman Kela.”

1 Samwel 23:23

Ta'uhunbi kamemon patapukanna bo' kam pabalik pi'itu amissalahan aku bang maingga iya. Jari bang iya masi mahē', ameya' aku ma ka'am. Pihaku iya minsan alatag e'ku kamemon jadjahan ma sakalibut lahat Yuda.”

1 Samwel 23:26

Sakali, ina'an disi Sa'ul ma dambila' būd, ati ina'an isab si Da'ud maka saga a'ana ma dambila' magdai'-dai' bo' alahi. Na, baya-baya asekot pa'in si Sa'ul maka saga sundaluna anaggaw si Da'ud,

1 Samwel 23:4

Manjari angaru na isab pabalik si Da'ud ni PANGHŪꞋ, jari buwattitu ya sambung PANGHŪꞋ ma iya, yuk-i, “Palūd ka pehē' ni Kela sabab pamarūlku ma ka'a in da'ugan min saga bangsa Pilistin.”