1 Samwel 21:12 - Kitab Injil and Kitab Awal-Jaman

¹² Tinali'-tali' pahāp e' si Da'ud pah'lling saga a'a itu, jari sinōd iya tāw landu' aheya ma sultan Akis.

1 Samwel 21:12 ပူးပေါင်းရင်းမြစ်များ

Panagna'an 26:7

Na, tinilaw pa'in iya e' saga l'lla minna'an pasal si Ripka, ya sambungna ma sigām, “Danakanku ko' ilu.” Halam bay bontolna in si Ripka h'ndana du, sabab tināw iya. Pangannalna in iya binono' e' saga a'a inān bo' ta'ā' si Ripka e' sigām pagka ahāp d'nda sidda.

Kalangan 119:11

Tatau'ku palmannu ma deyom pangatayanku bo' supaya mbal amakay dusa ni ka'a.

Lukas 2:19

Sagō' tinau' kamemon saga pakaradja'an itu e' si Mariyam ma deyom atayna bo' tali'-tali'na pahāp.

Lukas 2:51

Jari magbeya' si Isa maka matto'ana pabīng ni Nasaret ati bineya' e'na panoho'an sigā. Malaingkan si Mariyam bay anau' pakaradja'an itu kamemon ma deyom pangatayanna.

1 Samwel 18:7

Hinabu sigām magpangigal, angalang sigām buwattitu, “Ibuhan tapatay e' sultan Sa'ul, maka hatusan ibu isab ma si Da'ud.”

1 Samwel 21:10

Jari itu palanjal na si Da'ud ma kalahina min si Sa'ul bo' pehē' ni si Akis, ya sultan ma da'ira Gāt.

1 Samwel 21:13

Angkan iya magbelaw-belaw di-na sakahaba' aniya' a'a ang'nda' iya. Hinabuna binalutan e' sigām, magbau'-bau' iya kinangog. Maggudlis iya indalupaginis ma saga tambol lawang ya ma ād da'ira inān, maka pinatū' isab bohelona ni p'ngngotna.