1 Samwel 2:8 - Kitab Injil and Kitab Awal-Jaman

⁸ Tahaun e'na saga miskin min kasigpitan sigām, tapaluwas sigām min kaiya'an. Pinatingkō' sigām magbeya' maka ba'anan kasultanan bo' supaya sigām pinagmahaldika'. Si Yawe asal tag-suku'an alam maka po'onanna, ya pamapanjarihanna dunya maka kapanyapanna.

1 Samwel 2:8 ပူးပေါင်းရင်းမြစ်များ

Panagna'an 41:14

Angkan na pinalinganan magtūy si Yusup e' Pira'un ati pinaluwas iya magdai'-dai' min deyom kalabusu. Aubus pa'in e'na amagongan p'ngngotna sampay analinan badju'na, paharap iya pehē' ni Pira'un.

Panagna'an 41:40

Ah'lling gi' Pira'un ma si Yusup, yukna, “Itiya' aku angangg'llal ka'a pagmakōkan ma pagsultananku itu. Ai-ai panoho'annu subay bineya' sadja e' saga a'aku kamemon. Luwal kawasaku ya aheya min kawasanu, sabab Pira'un aku.

Kalangan 24:2

Pinat'nna' e'na gintana'an ma t'ngnga' s'llang, pinahogot he'na ma t'ngnga' kas'llogan.

Hibrani 1:3

Takilāta sahaya Tuhan labay min Anakna, ta'nda'ta isab ma kajarihan Anak bang buwattingga kajarihan Tuhan. Tinayak na pa'in alam itu e' Anak sabab min kallamna kawasahan. Aubus pa'in e'na angahinang lawang pamasussi manusiya' min dusa sigām, aningkō' iya ma bihing Tuhan Sangat Kawasa, tampal ni kowan.

Yakub 2:5

Pakale kam, saga dauranakanku kinalasahan. Tapene' asal e' Tuhan saga a'a ya binista miskin ma dunya itu, bo' aniya' karaya sigām b'nnal, hatina pangandol sigām ma iya. Pinene' isab sigām bo' binuwanan palsuku'an ma deyom pagparintahanna, buwat asal panganjanji'na ma sasuku alasahan iya.

Pamabukisan 1:6

Tahinangna kitam bangsa sultan, tumpukan kaimaman maghinang ni Tuhan, ya Mma'na. Angkan subay sanglitantam Al-Masi itu, in iya sangat kawasa sampay ni kasaumulan. Amin.

Pamabukisan 22:5

Halam aniya' sangomna mahē' maka mbal sigām magkagunahan palita'an atawa mata llaw sabab Panghū' Tuhan ya amaranta' sigām. Maka sigām ya ang'ntan pagparinta sampay ni kasaumulan.

Pamabukisan 3:21

Sasuku anganda'ug maka mbal tabowa e' sasat-manasat, buwananku du kapatut magsamatingkō' maka aku ma tingkō'anku bangsahan. Pasali' du iya ni aku pagka tara'ugku palbantahanku ati aningkō' aku ma bihing Mma'ku, ma paningkō'anna bangsahan.

Pamabukisan 5:10

Tahinangnu sigām tubu'an sultan, tumpukan imam maghinang ni Tuhantam. Ati sigām ya magbaya' ma babaw dunya itu ma sinosōng.”

1 Samwel 15:17

Ah'lling si Samwel yukna, “Areyo' kabantugannu arai' bang ma bistahannu, malaingkan in ka'a pagmakōkan ma saga kapanubu'an bangsa Isra'il. Tapene' ka e' si Yawe magsultan ma sigām.