1 Samwel 17:43 - Kitab Injil and Kitab Awal-Jaman

⁴³ Yukna ma si Da'ud, “Hōy! Ai pangannalnu ma aku? Ero' bahā', angkan ka pi'itu ni aku maka kayu-kayunu ilu?” Sinabbut isab e'na saga tuhan ya pagtuhanan bangsa sigām Pilistin bang pa'in si Da'ud taluwa' sukna'.

1 Samwel 17:43 ပူးပေါင်းရင်းမြစ်များ

Panagna'an 27:29

Bang pa'in kapagbaya'annu saga kabangsa-bangsahan, bang pa'in sigām pasujud ma ka'a. Bang pa'in ka magnakura' ma kakampungannu kamemon, bang pa'in isab pasujud ma ka'a kapanubu'an ina'nu. Bang pa'in kataluwa'an mulka' sasuku anabbut ōnnu ni kala'atan. Bang pa'in binuwanan kahāpan sasuku anabbut ōnnu ni kahāpan.”

Maghuhukum 9:27

Ta'abut pa'in musim pagk'ttu' buwa' anggul, pehē' na saga a'a Sekem ni kabbun sigām, ati pin'gga' buwa' anggul nihinang binu. Pagubus, bay sigām amaniya' paglami-lami ma langgal tuhan-tuhan sigām. Sabu sigām magkakan maka maginum, sinapdahan e' sigām si Abimelek.

1 Samwel 14:12

Jari angolang saga a'a ma pustu inān ni si Jonatan maka ni magbobowa pakokosna he', “Pasōng kam pi'itu bo' kam l'ggahan!” Angkan ah'lling si Jonatan ni sehe'na inān yukna, “Paturul ka ma aku. Tuman pamuwan in da'ugan e' si Yawe ma bangsa Isra'il.”

1 Samwel 24:14

In ka'a sultan bangsa Isra'il, ati turulnu a'a halam aniya' pūsna? Aku itu hal sadja ko' kahantang patay ero' atawa kammut.

1 Samwel 24:15

Na baya'-baya' PANGHŪꞋ angahukum bang sai ma kita taga-kasā'an. Bang pa'in aku binogbogan e'na maka pinuwasan min komkomannu.”