1 Petros 5:7 - Kitab Injil and Kitab Awal-Jaman

⁷ Tukbalunbi kasusahanbi kamemon ni Tuhan, sabab magka'inagon du iya.

1 Petros 5:7 ပူးပေါင်းရင်းမြစ်များ

Kalangan 37:5

Pama'andolunbi kahālanbi ni PANGHŪꞋ, pasangdolinbi iya, ati tahinang e'na ya amu'bi.

Kalangan 40:17

Maka aku itu, minsan kamiskinan maka kasigpitan, kinannal isab aku he' PANGHŪꞋ. O Tuhan, ka'a ya Mananabang maka Manglalappas ma aku, Pasa'ut ka kono'.

Matiyu 6:27

Sai bahā' makapataha' umulna minsan la'a hal danjām, ma sabab kasusahanna?

Matiyu 6:28

“Angay isab kam magmasusa ma pasal pan'mmekbi? Nda'unbi saga sumping ma deyom kaparangan bang buwattingga katomo'na. Mbal magsangsā' maghinang, mbal magt'nnun.

Matiyu 6:31

“Angkanna kam subay mbal magmasusa. Da'a kam magupama buwattitu: ai pagkakanta, ai paginumta, ai bahā' pas'mmekta?

Markus 4:38

Bo' si Isa iya ina'an ma buli', atuli pasandig ma ū'an. Na, binati' iya e' saga mulidna, yuk-i, “Tuwan Guru, mbal ka bahā' asusa? Itiya' kitam song abuhaw!”

Lukas 12:22

Jari amissala gi' si Isa ma saga mulidna, yukna, “Angkan kam soho'ku da'a sakit magsusa pasal kallumanbi bang ai kakanbi, atawa pasal ginhawa-baranbi bang ai kapan'mmekbi.

Lukas 12:26

Manjari bang mbal tapataha'bi umulbi minsan dangkuri', angay pagsusahanbi ai-ai kasehe'?

Yahiya 10:13

Ya angkan a'a inān alahi sabab ginadjihan sadja iya. Halam aniya' pagka'inoganna ma saga bili-bili.

Pilipi 4:6

Da'a kasusahinbi ai-ai, saguwā' amu'unbi ai-ai kagunahanbi ni Tuhan sakahaba' waktu pangaharapbi iya. Pagsukulinbi iya ma waktu kapangamu'-ngamu'bi.

1 Samwel 30:6

Aheya isab kasusahan si Da'ud sabab pinagbambahan iya binantung e' saga a'ana kabowa astol sigām ma pasalan kasaggaw saga anak sigām d'nda-l'lla. Malaingkan pakosog iman si Da'ud ma sabab pangandolna ma si Yawe ya Tuhanna.