1 Kurintu 3:15 - Kitab Injil and Kitab Awal-Jaman

¹⁵ Sagō' bang atunu' ya bay nihinang e'na, alugi' iya. Bo' arapun in iya baranna lappasan du, sali' hantang a'a bay makal'ppa min deyom tunu'.

1 Kurintu 3:15 ပူးပေါင်းရင်းမြစ်များ

Kalangan 66:10

Bay kami sulayannu, Tuhan, bay kami tatabnu, sapantun pilak tinatab ma panarulan.

Kalangan 66:12

Makahantak pa'in kami, bay tugutannu saga a'a angura' palabay min kōk kami. Bay kami palabay isab min deyom api maka min bohe', arak amatay, manda' kami paluwasnu bo' pinasampay ni lahat magdayas-dayas ma kinakan.

Kahinangan 27:21

Sakali itu, pagka at'ggol saga a'a inān halam bay makakakan, an'ngge si Paul ma t'ngnga' sigām amissala. “Saga bagay,” yukna, “arapun bay beya'bi kagara'an da'a subay atulak min pū' Kerete. Bang bay aku beya'bi mbal kitam bay magka'at maka halam aniya' ai-ai alungay.

Kahinangan 27:44

Saga a'a kasehe'an sinō' paturul, ameya' pagūng ma papan atawa ma kayu bay magka'at ma kappal inān. Manjari tabuwattē' kami kamemon, makatandan ni bihing, halam ainay.

1 Petros 4:18

Buwat yukna ma deyom Kitab, “Bang a'a adil mbal agon lappasan, luba'-lagi'na na a'a baldusa, ya mbal angisbat Tuhan!”

2 Yahiya 1:8

Halli'inbi sigām bo' mbal kaliman bay pagsangsā'antam ati bo' tasambutbi kamemon ya panungbas ka'am.

Judas 1:23

Liyusunbi saga a'a ya song magnikala'atan, ibarat a'a song ahūg ni api. Ka'ase'inbi pahāp saga a'a kasehe'an, sagō' tangkisinbi kala'atan sigām bo' kam mbal kalaminan. Kab'nsihinbi napsu sigām, ya sali' hantang l'mmis makatupak badju'.

Pamabukisan 3:18

Angkan kam hūganku gara' buwattitu: b'llihunbi min aku bulawan halam aniya' simbugna bo' kam manjari dayahan. B'llihunbi min aku pakayan pote' pamakaybi bo' katambunan tamparasabi. B'llihunbi isab tambal min aku panambal matabi bo' kam maka'nda'.