1 Kurintu 14:21 - Kitab Injil and Kitab Awal-Jaman

²¹ Tasulat ma deyom Kitab ya bay pamissala Tuhan ma bangsa Isra'il, yuk-i. “Ka'am saga a'aku itu, yuk Tuhan, aniya' soho'ku bangsa liyu amissala ni ka'am, a'a amissala saga bahasa saddī. Minsan sigām amalatun lapalku ni ka'am, mbal aku kalebi.”

1 Kurintu 14:21 ပူးပေါင်းရင်းမြစ်များ

Yahiya 10:34

Yuk si Isa ni sigām, “Na, tasulat asal ma deyom Kitab Tawrat ya pamissala Tuhan ni saga manusiya'. Yuk-i, ‘Ka'am ilu saga tuhan.’

Kahinangan 2:4

Manjari kamemon sigām inān kahōpan Rū Sussi ati anagna' sigām magbissala ma ginisan bahasa. Ai-ai pamuwan ma sigām min kawasa Rū Tuhan, ya na he' pamissala e' sigām.

Rōm 3:19

Kata'uwanta asal, ai-ai panoho'an ma deyom sara' inān bay pinat'nna'an saga a'a ya ma deyo'an sara', supaya halam aniya' makapanganda'awa bang katōngan dusa. Manjari tabowa manusiya' kamemon pinat'nna'an hukuman e' Tuhan.

1 Kurintu 14:34

saga d'nda subay pahantap sabu sigām ma palhimpunan. Mbal sigām pinalamud magsambung himumūngan sabab bang ma dakayu' sara' Yahudi, “kar'ndahan subay magmaluluy sadja.”