1 Kurintu 11:28 - Kitab Injil and Kitab Awal-Jaman

²⁸ Subay kam angaliling di-bi dahū bo' yampa kam amangan tinapay maka anginum min sawan.

1 Kurintu 11:28 ပူးပေါင်းရင်းမြစ်များ

Matiyu 26:22

Magtūy landu' asusa saga mulid he', ati atilaw sigām ma si Isa magsunu'-sunu', yuk-i, “Ngga'i ka bahā' aku, tuwan?”

1 Kurintu 11:29

Sabab sai-sai amangan atawa anginum ma halam tasilangna baran Panghū' Isa bang ai hatina, amat'kkahan iya di-na hukuman Tuhan pagka buwattē' pamanganna maka panginumna.

1 Kurintu 11:31

Bang kita ganta' angaliling di-ta dahū, mbal kita taluwa' hukuman.

2 Kurintu 13:5

Ananding kam di-bi, anumariya kam di-bi, bo' kata'uwanbi bang b'nnal ajatu pangandolbi ma Al-Masi. Halam bahā' kata'uwanbi? Ilu si Isa Al-Masi pat'nna' ma deyom ataybi. Bang hati' halam, halam aniya' kajatuhan pangandolbi.

Galatiya 6:4

Subay kam ananding di-bi kaniya-kaniya, bo' tata'ubi bang buwattingga kaul-pi'ilbi. Bang hati ahāp, makajari kam magkōg-koyagan di-bi. Da'a kam magbantug-bantug ma sabab aniya' hinangbi labi ahāp min hinang a'a dangan.