Taitos 2:5 - Gooti Toolluro Yogalokwono

⁵ Aki abewalo su ton pi'mwo kuudo tokwe neya yomjomwekovlavopi pasudo kaiya'no mollugolamo'nyo'moneyokwe su toorogai yiuno nonagutokwe to'no neya imo'numwalpinogano. Aki kemoro ago tovida'ai yiuwi'nokai womdo wo'dopure tonyu neya mollomwalmwalpinogano. Aki yiuwi'nokai a'mwo abolo tonyu ilaiyo neya igolmwalpinogano. Aki kemi kwolo toorai kwako tomuu'aro neya wipuro. Su toro tomgu'aro amjumovlapi tov a'mwo abolo kwa'mguda'ai ton Gooti toolluro kuuguudo tovino kaiya'no yogalo mabwolomodomorumwogapiyapinogano. Abolo yadainyunodo ton su toro tonyuno neya yodubwasumwalpinogano.

Taitos 2:5 ပူးပေါင်းရင်းမြစ်များ

Muuduko 18:9

Toruda'ai a'mwo su tooro Eburaiyamollu aro kuudoganoporogano. “Gumoro abolo Sarav gadomuu domwallo?” Toro kuudoganopo toorai Eburaiyamol kuudokaikono. “Sel ago akavi nomwallo.”

Muuduko 3:16

Toro wuujuno sumaiyokwe aki abolo tovi aro kuudokaikono. “Guu gabakuto toollu kaduko kwimado tovino tov tabunyuwuulo akav gubwemo'guugono. Kwolaiyo yomallo'mo tobuuku tuko bwotonyo ibwosunmwalbinobuukugano. Toro ibwosuno'bi kuu'guu kuruv gumi kwolo toolluno ilaiyo kuuno gujunumwalono'guugono. Toro tool gumi mollogumwalowo'ji guu kwollu dolago tomuu mwalmwalbinobuukugano. Toro tov gubwemonyugono.” Gooti Yawel abolo tovi toro kuudokaikono.

Kuurotokwe 9:36

To'no'gwowi wagwolago Joopada'ai abolo puruv Jisasolluro uumjunyokwe su tovino yovo tov Tabitaveyokwono. Yovo su tov Grik yogaljo tovida'ai Dookasoveyokwono. Toro tov sugudo to'no yomjomwekovla'mdowo a'mwo abolo apoo'nyaiyo pubuurai kwiyo'mwojajukokwono.

Kuurotokwe 9:39

Toro kuudoganolo tovi Pital wuu'nyuno sumaiyokwe yovraimwonyo'no a'mwo su toorake avlavokaikono. Toro tooro plaino sumaveyokwe wagwolago Joopa toru ai'movoporogano. Toro ki'mo'mno sumaveyokwe Pitallu abebwiyo sulomorosopo ago amodumunyuto'mellungiko muunyu su tomuuno mokaila'mno sulai'movoporogano. Toro ilai'mo'mdopure toga abolo kanyu pubuuro ago su tovi aulomwallajupo ton Pitallu wobo toru'no bino sumaveyokwe kumdo adopogano. Aki toro ton youro pugai mokabo'mno Pitallu kuuduuwallopogano. Youro su ton sumdomgu Dookasov yere maboloduke toga abolo kanyu su tobuuraiyo'mo agiwolbweyajukogano. Toro te youro su tonyu abuuduuwallopogano.

Room 14:16

Toro te kevu wosamujuko tonyuno, sugudodeyo, kuudo yau'dupudo togaikul a'mwo kumako mwalodowodo toolluro sumdo tovi anpi tov a'mwo su tekwo nobwolorawonekono. Toro abwolorawo'ji toollu kwa'mguda'ai pun wonopi kemino kaiya'no yogalo aro dupinogano. “Oo a'mwo abolo su ton ma'no ma'no sadokwovo.” Kemino su toro nodumwalpiyokwe tovino wako neya dou'nogaulo.

Room 2:24

Su toro tovino Gooti toolluro yogalo sakwollungiko puruv aro dodowodokwono. “Kevu Juu toorekulluro ma'no ma'no yodopure tonyu a'mwo Juu miyawosunodupudo tooro ikwonopi Gooti toolluno yovo tovi bwolomorumwogapiyodapudorogano. Su toro bwolomorumwogapiyodapudo tov kemoro tovasuda'aiyokwono.” Gooti toolluro yogalo sakwollungiko puruv toro dodowodokwono.

1 Koorin 11:3

Toro kuvi kuruv kevu aro tovino kuudo neya jouromarogaulo. Yiuwi'nokai a'mwo tooravuro mido tool Krais tookono. Aki abolo puvuro mido tool gami kwolo tookono. Aki Krais toolluro mido tool Gooti tookono.

1 Koorin 14:34

kev kugaikul kuruv aval'nodo tomgu'aro neya ju'bwo'nogaulo. Kevu su toro su'bwo'nupi toga kemoro abolo ton yogalo nodumwalpiyo. Toro kun kuruv a'mwo toorai dolago tomuu neya amwalogapuro. Aiyoga abolo ton kemi kwolo toorai dolago tomuu neya amwalogapureyokwe tovino Moosesolluro loowo puruv sakwollungikokwono. Su toro to'busuko kubalno aga kuga kuruv abolo ton kemi kwolo toorai dolago tomuu neya amwalogapuro.

Efesos 5:33

Aki puruv nevu kwolabolo yoma'nodowado tonolluno dodowodokwono. Su tov arokwono. Kevu yiuwi'nokai a'mwo pwolno pwolnodo toorekul kemi abolo tonyuno kalo buuropino neya domollogaulo. Kevnokwerekulluro kulako tovino kalo buuropino ikullunodowodo to'busuko kubalno domollogaulo. Aki abolo togaikul kemi kwolo toorai dolago tomuu ilaiyo neya jomjomwekovlavogaulo.

Kooloosi 3:18

Abolo me'no yoma'nodupudo togaikul kemi kwolo toorai dolago tomuu neya domwalogaulo. Su tov Aguto toolluro sumdo tovi kuvi kuuno uumjunmwalpinogaikikono.

1 Timooti 5:10

Aki abekanyo su tobuuro womdo sugudo aro tonyu neya yodupudodeyokwe kemino yovo tov nokwo yakwollupinokwono. Abekanyo su tobuuravuro pubuul gami kwoloraiyo tonyu yiuno ilaiyo to'no mollumwojumelabodowodobuukono. Aki a'mwo abolo pun gamoro ago tovi buuru'ma'dopure tonyu ilaiyo mollomarowo'ji po'dogalo mollomwalodowodobuukono. Toro tobuul Gooti toolluro a'mwo abolo abuuru'mapi su tonyu kwako tomuu'aro wiyowo'ji kemoro suvlo tonyu wonyo tokwe mollal'mo'mdowodokwono. Aki a'mwo abolo jul'nyokwe tonyu po'dogalo wiyo'mwojodowodokwono. Aki toro tobuul sugupasudo go'no go'nodo ton mujumovla'mdowodobuukono. Abekanyo womdo su toro mujumovla'mdupudodeyo adupi tobuuraino yovo tov kevu nokwo yakwollumwalpinogaikikono.

1 Timooti 6:1

Jisasolluro a'mwo abolo pun a'mwo pworai ki'nato womdo wiyodupudo su ton kemi mido mollomwalokwe su toorai yiuwi'nokai tonyuno kwako tomuu'aro neya wimwalpinogano. Su tov a'mwo abolo kwa'mguda'ai pun Gooti toolluro yovo tokwe'aro gamoro kuuguudo yodubwasodowado tokwe'aro tovalluno kaiya'no yogalo nobwolomodomorumwogapiyapiyokwe tovinokwono.

Taitos 2:4

Su toro neya ibwasumwalpino tov aro tovinokwono. Abolo yadainyunodo su ton abewalo tonyu aro tonyuno neya yodubwasumwalpinogano. Abewalo ton kemi kwolo toorogai'aro kwoloraiyo togai'aro tonyu kalo buuropino neya amollogapuro.