Aki Jisasol aro kuudokaikono. “A'mwo aguto pwol gami a'mwo ki'nato womdokwe pwolluno aro kuudo yauronekono. Oo moro ki'nato womdokwe akal mi pi'mwono numjunodowo aki pi'mwo kuudokweyoldeyo. Su toro kuudo sauro'ji toollu a'mwo aguto tool gamoro womdo muuduko aro tov uubweyonekono. Yiuwi'nokai a'mwo abolo ki'nato womdokwe pun gamoro ago tovi anakuuto tomuu womdo kuullodupudo su tonyu mido mollomwallo'moneyokwe womdo tov wiyonekono. Aki wosamujuko togai yado uumwodeyo'moneyokwe womdo tov wiyonekono. A'mwo aguto tool womdo su toro tovallu gami ki'nato womdokwe toollu uubweyowo'ji ago pumuuno yagwoto yogallo'moneyokwe plawonekono.
Taitos 2:10 - Gooti Toolluro Yogalokwono10 Aki toro ton kuuko mipinono. Toro kun kuruv kemi jukwo tooravuro yogalo wuudodopure tonyu kaduko to'no ilaiyo neya wimwalpinogano. Ki'nato womdokwe su ton kaduko ilaiyo kwipi toga nemi mollurolovonekumokalokwiyokwe Gooti toolluno nebaikuuguudo tokwe ilaiyo mollovaisu'nupinogano. Su toro yovaisu'nodopure tovi kemi mido mollomwalokwe tooro wonopi aro nokwo ilomodomoropiyapinorogano. “Oo Gooti toolluno kuuguudo ibwasodupudo tov ilaiyo'mdeyo.” Nokwo ilomodomoropiyapinorogano. အခန်းကိုကြည့်ပါ။ |
Taitos 2:10
29 ပူးပေါင်းရင်းမြစ်များ
Toro to'busuko kubalno kevu sugupasudo tokwe kuu'maiyo toru'no neya domjumovlavogaulo. Toro supi togaikullu a'mwo abolo pun ikwonopi toga kemi Tellunumiyago muunyu kai'muuda'ai toolluno nokwo ilomoropiyapinogano. Kevu toro supi togaikul a'mwo abolo tonyu bako to'busuko wimo'nopi nokwo luvomokavla'mwalpinogaikikono.”
Kevu mino kuudo nyanuu'mwakovo. Nuu Aguto toolluro womdo tovi wiyodumdo toonyuno tov wuulo killo'mo ago tovi aulomeranubweyoponyugono. Toro tovi kuule'na'dumdo kwonyu kuruv Aguto toolluro womdo tovino'gwowi kuuno wimovla'mdumdonyugono. Toro te kemoro nyomjomwekovla'mwalpino'moneyokwe tovino mi neya donuu'nyulo. Yiuwi'nokai kuuguudo me'no aikudumo tovino tov kemi guureji aro ikudumo'monyugono. Gooti tool gamoro a'mwo abolo kuunodo wimo'nyo'moneyokwe kemi me'no dekuma'dowodekono. Toro dekuma'dowodo toollu kevu ilaiyo to'no igollo'moneyokwe jomjomwekovlavogaulo.
Kevu aro neya jogaulo. Krais toolluro kuuguudo sugudo tovino wuuduuwallo'moneyokwe kemoro pasudo tov pi'mwono to'no neya domjumovlavogaulo. Kemoro pasudo toro amjumovlapi tov nuu nobaikwonmonyudukono oo mabaikwonmonyudukoneyokwe tovino kuudo miyau'mwakono. Toro kuvi kuruv kemino kuuguudo pun kuu'numi toga aro kuudo nokwo yaikuu'mwalmonyugono. Oo a'mwo abolo judo'no judo'nodo su ton jurogudo da'mdupudodeyo. Aki yiuwi'nokai su ton kuudo puru'mono to'no yau'dupudodeyo. Toro ton kuuguudo sugudo tokwe moruujo'moneyokwe avaiwomdo yodupu imgu amgu sobanyo molluulnoda'mdupudodeyo. Toro yodopure tovida'ai a'mwo abolo pun kuuguudo sugudo su tovino kuudo nokwo uubwepinogano. Toro tovino'mo womdo su tovi guureji yodupudodeyo.
Mi avalobuuravoo, nuu aiyowo'mo yogalo akav ikudumo'mokwono. Kevu noonyumwonyu nebal'no pasudo togai'aro pasudo punyuno ilaiyodeyo dodupudo togai'aro pasudo idopto'nodo togai'aro kaiya'no nonagutokwe pasudo togai'aro pasudo sugumaluko togai'aro ilaiyo jugollo'mo pasudo togai'aro yiuwi'nokai pasudo su tonyuno kuudo neya jou'movlavogaulo. Aki noonyumwonyu pasudo kuuroollumaluko togai'aro aki ilomodomoropiyo'mo pasudo togai'aro kunyuno kuruv kuudo neya jou'movlavogaulo. Yiuwi'nokai pasudo su tollovo kemoro kuudo tonyu neya aullo'movaikwopiyogapuro.
Nuu Poolonyugono. Toro toonyu Krais Jisasolluro kuurotokwe pwonyugono. Nuu kuurotokwe kuvinono imo'nyo'moneyokwe Gooti tooke'aro Krais Jisaseke'aro tooral me'no ajanubweyolonyugono. Gooti su tool nemi ma'no ma'nodo tovuro kirumwallo tovida'ai bomollurolovonekumokalokwodowodekono. Aki Krais Jisasol aikomgu wolabwono toolluno sogwollo kinodowadekono.
Jisasolluro a'mwo abolo pun a'mwo pworai ki'nato womdo wiyodupudo su ton kemi mido mollomwalokwe su toorai yiuwi'nokai tonyuno kwako tomuu'aro neya wimwalpinogano. Su tov a'mwo abolo kwa'mguda'ai pun Gooti toolluro yovo tokwe'aro gamoro kuuguudo yodubwasodowado tokwe'aro tovalluno kaiya'no yogalo nobwolomodomorumwogapiyapiyokwe tovinokwono.
Toruda'ai a'mwo kuunano ibwasokwe pworo kemi kuuguudo gabovo tokwe yodekubwasupinorogano. A'mwo su tooravuro kuunano ibwaso su tov nemi Aguto Jisas Kraisolluno nebaikuuguudo yodubwasodowado tovino aro dodowodokwono. “Kuvimaiyo.” Dodowodokwono. Aki kuunano yogalo su tov nevu Gooti toolluro ilaiyo winodowodo tovi uumjunyo'moneyokwe jurogudo madanekullumwojodowodokwono.
Toro tovino tov Gooti toolluro me'no ajesungiko toga gamoro subuu'yamju tov suwiyo imwojuno sumaiyokwe Gooti nekullo'mwojokwe tool gamoro kuuguudo tokwe a'mwo abolo tonyu modomollo'moneyokwe mi amonuwopiyabokaikono. Su toro amonuwopiyaboka tool mino aro kuudo me'no sanuurokaikono. “Oo a'mwo akal moro kuuguudo tokwe nokwo modomollonoldeyo.” Su toro kuudo yanuu'no sumaiyokwe anubweyokaikono.
Kevu a'mwo abolo Jisasolluno kuudo muubweyodopure tonyuro akuuto tomuu amwalpi toga yiuno sugupasudo tollovogai to'no jogaulo. Su tov aro tovinokwono. A'mwo abolo Jisasolluno kuudo muubweyodupudo ton kemi bwolomekumwogapiyo'mo winodopure toga kemoro sugupasudo su tollovai wonopi lukomgu Gooti tool kuu'maiyo abiyalo'no'ji toga gamino yovo tov nyulomoropiyapinogano.
Sugupasudo su tov kemoro poowokalago tovi me'no kuulaikwo'dowodokwono. Toro tovi kuvinono neya duumjunogaulo. Toro togaikul kavo bemwojopiyopi kevnokwe togaikul kwako tomuu'aro bwolomorumwogapinogaulo. Su toro tomgu'aro kemoro sogwollo kinodupudo tovino kavlo tov kuu'maiyo toru neya dodelukuulludapiyogaulo. Toro te kevu Krais toollu me'no uuguro'mwonyodupudo togaikulluro sugupasudo yomjomwekovla'mdopure su tovino a'mwo abolo pun nobwolomekumwogapiyapinogano. Toro abwolomekumwogapiyapi kuvi kuruv kevnokwe ton wogulo to'no yowo'gallunmwalpinogano.
A'mwo pwol Krais toolluno kuuguudo sodekubwasajuuwo tovi ku'nono magudupolaro'ji tov Gooti tool a'mwo su tooke mamwalodowodekono. Toro kuvi kuruv a'mwo pwol Krais toolluno kuuguudo sodekubwasajuuwo tovi kuvinono agudupolaro'ji toolno'gwowi Gooti Ganumiyago tooke'aro gamoro Kwolaiyo tooke'aro yiuwi'nokai tooral a'mwo su tooke mwalodubulorakono.
ကြော်ငြာတွေ