Room 8:1 - Gooti Toolluro Yogalokwono

¹ Krais Jisasol me'no abomollurolovonekumokalokwoka tovino tov aga'no'gwowi nevu kwollu me'no uuguro'mwonyodowado tonollu Gooti tool maironekumwallononogano.

Room 8:1 ပူးပေါင်းရင်းမြစ်များ

Joon 14:20

Aki nuu aiyo aiko te me'no aduka'mi toga kevu aro tovino kuudo nyouronumapinorekikono. Nuu mi Nyunumiyago toollu uuguro'mwonyodumdonyugono. Aki kevu mi nuguro'mwonyodupudorekikono. Aki nuu kwonyu kuruv kemi ikuguro'mwonyodumdonyugono. Kevu su toro tonyuno kuudo nyouromapinorekikono.

Joon 15:4

Nuu kemi ikuguro'mwonyumwalmonyugono. Toro toonyuge kevu kworekul kuruv neya donuguro'mwonyumwalogaulo. Kuudo neya jaullulo. Ipilo pwol ikavlo toollu muumgu'mo'no'ji tov ikulsulo ku'nono mai'nonekono. Su toro to'busuko kubalno kevu numi manumgu'mo'nupi tov ikulsulo ku'nono mai'numwalpinorekikono.

Joon 5:24

Nuvu nebal'no kuunodo aro ikudumo'mokwono. A'mwo pwol moro yogalo tovi wuu'nowo'ji mi amonuwopiyaboka toolluno kuudo kuubweyo'ji su tool aiyo yiunokuudo mujomwekovla'mwalonekono. A'mwo kuudo me'no kuubwengiko su tool kooti yogalo tovida'ai jul'nyogalo tov mamaronekono. Toro kwol kuruv bolnodo tovi me'no wuugollu'mo'mdowo aiyo yiunokuudo mujomwekovlaiyo'moneyokwe tovi anakuuto tomuuno'gwowi me'no kuulai'mo'mdowodekono.

Room 16:3

Aki nuu Prisilakwe Akwila'weke teyaullu, “Ilaiyokwonoo,” adopiyamono. A'mwo kwolabolo su teyaul Krais Jisasolluro womdo tovi nuuge aval'no yodubuleyaukono.

Room 16:7

Aki moro iko avalo tovasuda'ai Adroonikoseke Juuniyaseke tooral nuuge wuulo killo'mo ago tovi aule'nallajuuwolorakono. A'mwo su tooral yovo ilaiyo kurukweyorakono. Toro tooral nuu Krais toolluno kuudo yere muubweyodore toga kworalda'ai me'no kuubweyajulorakono. Aki toro tooralluno Jisasolluro kuurotokwe tooro kuudo me'no youroma'dupudorakono. Toro toorallomno moro, “Ilaiyokwonoo,” tov kuuwopiyamono.

Room 5:1

Toro te nevu Krais toolluno kuudo me'no uubweyodowado tonolluno Gooti tool, “Sugudogano,” danekubweyoduke tovida'ai gamoro sumdo tovi sugudo wimo'nodowadonogano. Toro tovino tov nevu Gooti toolluro ikomago mwimo'nodowadonogano. Toro kuvi kuruv nemi Aguto Jisas Kraisol nekullo'mwojo'moneyokwe womdo tov me'no sopiyokaikono. Toro sopiyoka tovino Gooti tool kuudo yaurowo'ji gamoro sumwoluko tov nemino kavo nekubweyodowodekono.

Room 5:16

Toro te Gooti toolluro sugudo nekullabodowodo su tokwe'aro Adamolluro ma'no ma'no soka tovida'ai nekullabodowodo tokwe'aro toval aval'nodo tomgu'aro miyanekullugolodubulovakono. Adamolluro tovasuda'ai Gooti tool nemi, “Nerekumwallumorekikono.” Anekujajukekono. Toro kuvi kuruv a'mwo abolo tonol ma'no ma'no bwotonyo mujumovla'mdowore toga Gooti tool gamoro yasuwa'wino tov nekullabodowo gamoro sumdo tovi sugudo wimo'nodowadonogano. Toro tonollu aro nekujokwekono. “Kemi mairekumwallumonyugono.” Nekujokwekono.

Room 7:17

Toro te moro kaiya'no mujumovla'mdumdo su tooro nuvnokwe toonyu miyodumdorogano. Toro kuvi kuruv moro poowokalago tovida'ai ma'no ma'no kuulanuwo'dowodo su tov mollerovonyudapiyodowo'jure to'gwowi mujumovla'mdumdonyugono.

Room 7:20

Kaiya'no mujumovla'mdumdo su toorai nuvnokwe toonyu kuvinono yo'mo manyunodowodorogano. Toro manyunodowo'jure kuvi kuruv ma'no ma'nodo tov moro poowokalago tovi kuulanuwo'dowodo tovida'ai to'no yodumdonyugono.

Room 8:11

Gooti su tool Krais Jisasollu aiyo aiko te amodukavoka toolluro Kuullo tool kemi poowokalago tovi kuulekumwalodowodekono. Toro te lukomgu kemoro kulako abolpi tonyu Gooti tool aiyo aiko te nomodukawonekono. Gamoro Kuullo tool kemi poowokalago tonyu me'no kuulekumwalodowodo su toollu'aro kuvinono modukawonekono.

Room 8:14

Su tov aro tovinokwono. Yiuwi'nokai Gooti toolluro kwoloraiyo ton gamoro Kuullo toollu uumjunyo'moneyokweyogano.

Room 8:2

Su tov aro tovinokwono. Nevu Krais Jisasollu uuguro'mwonyodowado tonollu Gooti toolluro Kuullo tool gamoro jurogudo tokwe nemi aiyo me'no nekullabodowodekono. Aki ma'no ma'nodo tokwe bolnodo tokwe tovalluro dolago tomuuda'ai me'no abomollurolovonekumokalokwokanogano.

Room 8:34

Aki a'mwo abolo pun nemino tov, “Nerekumwallo'moneyokweyogaikikono,” ku'nono majanekwonpinogano. Su tov aro tovinokwono. Nemi kironekumwallo'moneyokwe tov Krais Jisas gavnokwe tool nemoro aiko toru maro'no abolokaikono. Toro bolno sumaiyokwe aiyo aiko te dukavo'no Gooti toolluro anato toru sulomwalokaikono. Toro tool nemoro mago tovi'aro mollodavowo'ji nemi nekullo'mwojo'moneyokwe Gooti toollu wuudoganodowodekono.

Room 8:39

Aki kwako tovi muunyu tomuu wo'dupudo toorogai'aro kwako tovi dolago tomuu wo'dupudo toorogai'aro kworo kuruv ku'nonodo'moromaiyo. Aki Gooti toolluro yiuwi'nokai sokwollosoka kworo kuruv ku'nonodo'moromaiyo. Yiuwi'nokai su tooro Gooti toolluro nemino kalo buuropino winodowodo tovi ku'nono mamolloru'mdovonekwapipinorogano. Gooti toolluro kalo buuropino winodowodo su tovi anakuuto tomuu me'no kuulomwalodowadonogano. Su tov nemi Aguto Krais Jisasollu'aro nonekullumo'nodowodokwono.

Room 8:4

Ma'no ma'nodo tovuro jurogudo tovi amodukwopiyoka su tov nevu sugudo to'no mujumovla'mwalano'moneyokweyokwono. Nevnokwe tonol Gooti toolluro loowo tonyu ku'nono muumjunanonogano. Toro kuvi kuruv nevu kwako akavida'ai kuudo toorai muu'nyubusuko yowa'ji yiuno Gooti toolluro Kuullo tool mollubworonekumokavla'mdowo'jure tovi kuumjuna'ji to'gwowi sugudo to'no nokwo mujumovla'mwalanonogano. Nevu Gooti toolluro Kuullo toollu toro kuumjuna'ji tov loowo tovi uumjunyokwe tonolbusuko imo'nanonogano. Su toro tov neya imo'noneyokweyo'mo Gooti toolluro Kwolaiyo tool ma'no ma'nodo tovuro jurogudo tovi amonekudukwopiyokaikono.

Room 8:9

Toro kuvi kuruv kevno'gwowi kwako akavida'ai kuudo toorai dolago tomuu mamwalodupudogaikikono. Toro togaikul Gooti toolluro Kuullo kuulekumwalodowodo su toollu uumjungovla'mdupudogaikikono. Krais toolluro Kuullo su tool pugaikullu maulekumwalo'ji tov Krais toolluro kuunodo mwimo'nupinogaikikono.

1 Koorin 1:30

Yiuno Gooti judo toolluro kemi ilaiyo yaikullugoloduke tovida'ai kevu Krais Jisaseke me'no uuguro'mwonyodupudo togaikul kweke mujomwekovla'mdupudogaikikono. Toro mujomwekovla'mdupudo su toollu'aro Gooti tool gamoro pi'mwo kuudo ton nekuduuwallodowodekono. Aki Krais Jisas su toollu'aro nevu Gooti toolluro sumdo tovi sugudo imo'nodowa gamoro a'mwo abolo kuunodo wimo'nodowadonogano. Aki toro toollu'aro Gooti tool nemi mobiyonekuma'dowodekono.

1 Koorin 15:22

Nevu yiuwi'nokai Adamolluda'ai bodowado tonol bolmovla'mdowadonogano. Su toro to'busuko kubalno nevu yiuwi'nokai Krais toollu uuguro'mwonyodowado tonol aiyo aiko te nodukawanonogano.

2 Koorin 12:2

14-pela kworomo tobuul me'no abawoka toga nuu Krais toollu uuguro'mwonyodumdo toonyu Gooti tool gamoro ago muunyu kai'muuno anumokailokanyugono. Toro numokailno sumaiyokwe sulugumdo puruvallu uuwolokailano sulugumdo naba 3 tovi sulai'movonyugono. Su toro sulai'movo toga nuu moro kulako tokwe sulai'movonyudukono oo moro kuullo tooke sulai'movonyudukono. Su toro tovino nuu kuudo miyau'mwakono. Yiuno Gooti toolno'gwowi kuudo nyau'mwallo.

2 Koorin 5:17

Toro tovino tov a'mwo pwol Krais toollu me'no uuguro'mwonyodowodoldeyokwe a'mwo su tool muuduko me'no imo'nodowodekono. A'mwo muuduko imo'nodowodo su toolluro sumdomguda'ai somjomwekovlaiyajuko ton me'no yovla'mdupudogano. Toro tool Gooti toolluro muuduko sokwollosungiko toolbusuko imo'nodowodekono. Aki gamoro pasudo kun kuruv muuduko me'no imo'nodupudogano.

Galesiya 3:13

Toro te nevu Moosesolluro loowo su tovi kisuvolo me'no yodowore tonollu Gooti tool kaiyako sanekullugolowo'jujukekono. Toro kuvi kuruv nemino tov kaiyako nomapiyokwe Krais tool aro abiyonekumorabokaikono. Krais su tool nemoro aiko toru malluno sumaiyokwe i'noguropte tovi ilejuku'na'duke toollu Gooti tool kaiyako sugolokaikono. Su toro tovino Gooti toolluro yogalo puruv aro sakwollungikokwono. “Yiuwi'nokai a'mwo iko te sulejuku'napi toorai Gooti tool kaiyako igolodowodorogano.” Sakwollungikokwono.

Galesiya 3:26

Kevu Krais Jisasolluno kuudo kuubweyopo togaikul kwollu me'no uuguro'mwonyodupudogaikikono. Toro togaikulluno tov Gooti toolluro kwoloraiyo me'no sumo'nopogaikikono.

Galesiya 3:28

Toro togaikulluno tov go'no go'no mimo'nodupudogaikikono. Kevu Juu togaikike'aro Juu miyawosunodupudo togaikike'aro togaikul go'no go'no mimo'nodupudogaikikono. Aki ki'nato womdokwe togaikike'aro me'no birolo'nugolokwodupudo togaikike'aro togaikul go'no go'no mimo'nodupudogaikikono. Aki a'mwo toorekike'aro abolo togaikike'aro togaikul go'no go'no mimo'nodupudogaikikono. Kevu yiuwi'nokai su togaikul Gooti toolluro sumdo tovi go'no go'no mimo'nodupudo su tov aro tovinokwono. Kevu yiuwi'nokai Krais Jisasollu uuguro'mwonyodupudo togaikul a'mwo abolo yiuno puru'mono togaikulbusuko me'no imo'nodupudogaikikono.

Galesiya 5:16

Moro yogalo tov aro aikudumwakono. Kevu Gooti toolluro Kuullo tool mollubworekumokavla'mdowo'jure tovi neya duumjunogaulo. Kevu kuvinono kuumjunpi tov kemoro kuudo uumdo toolluro noonyumwonyu ikullunodowodo su toorai muumjunpinogaikikono.

Galesiya 5:25

Toro te nevu Gooti toolluro Kuullo toollu'aro aiyo me'no imo'nodowadonogano. Toro tonolluno tov Kuullo su toolluro mollubworonekumokavla'mdowo'jure tovi neya uumjungovla'mwalanonogano.

Efesos 1:1

Nuu Poolonyugono. Gooti tool gavnokweyolluro ilaiyo winoduke tovi uumjuno'no nuu Krais Jisasolluro kuurotokwe wimo'nyo'moneyokwe me'no ajanubweyokanyugono. Toro te moro pas sakwollumo akav kevu Efesosda'ai Jisasolluro a'mwo abolo togaikul Krais Jisasollu guureji uumjunyokwe togaikullomno sakwollumwakono.

Filipai 3:9

Aki Krais toollu yiuno'no uuguro'mwonyo'moneyokwe to'nodonyugono. Toro te nuvnokwe toonyu Moosesolluro loowo tovi'aro Gooti toolluro sumdo tovi sugudo wimo'nodumdonyumaiyo. Toro kuvi kuruv nuu Krais toollu kuudo kuubweyo tovi'aro Gooti toolluro sumdo tovi sugudo wimo'nodumdonyugono. Kuudo neya jaullulo. Yiuno Krais toolluno kuudo uubweyodowa'jure tovida'ai to'no nevu Gooti toolluro sumdo tovi sugudo wimo'nodowadonogano.