Room 7:1 - Gooti Toolluro Yogalokwono

¹ Nuuge avalobuuravoo, kevu Gooti toolluro loowo tonyuno kuudo me'no youroma'dupudogaikikono. Toro togaikulluno tov moro kuuguudo akan ikudodo'mure kugai'aro nokwo youromapinogaikikono. A'mwo abolo ton yere mabolodopure toga Gooti toolluro loowo tovi dolago tomuu mwalodupudogano. Toro kuvi kuruv a'mwo abolo ton me'no abolpi toga'no'gwowi loowo su tovi dolago tomuu mamwalodupudogano.

Room 7:1 ပူးပေါင်းရင်းမြစ်များ

Room 1:13

Miyobuuravoo, nuu kemino kuudo miyaikullulo'gwonodumdonyugono. Bwotonyago toga kemi bekuru'mallo'mo yodumdo kwonyu kuruv buro'nyo buro'nyodeyo pun nuumjuku'dupudonyugono. Nuu a'mwo abolo Juu toonolluro miyawosunodowado togai womdo yodore tovida'ai sulo pun me'no ai'nadokwopogano. Toro to'busuko kubalno kev kugaikul kuruv moro womdo ikullodo'mure tovida'ai sulo pun neya ai'nupureyokwe anyunadopiyo.

Room 10:1

Toro te nuugeyobuuravoo, moro avalo Isuraiyolda'ai tonyuno kuudo yau'dumdonyugono. A'mwo abolo su ton Jisasolluno kuudo kuubwepi tonyu Gooti tool kemi ma'no ma'nodo tovuro kirumwallo tovida'ai abomollurolovomokalokwoneyokwe tovino moro poowokalago tokwe ilaiyo nyunodowodonyugono. Aki su toro neya wimo'noneyokwe tovino subusu'nyogalo wuudodumdonyugono.

Room 10:4

Nevu kuudo nyau'mwakuuwono. Krais tool nemi nekullo'mwojo'moneyokwe womdo tov me'no sopiyokaikono. Su toro sopiyoka toga loowo tovuro womdo tov abimwogapiyokakwono. Toro tovino tov aga'no'gwowi a'mwo abolo yiuno Krais toolluno kuudo kuubwepi ton Gooti toolluro sumdo tovi sugudo nokwo wimo'nupinogano.

Room 6:14

Toro togaikullu ma'no ma'nodo tov kemi aki aiko te mido nomollekumwalmwalo'jo. Su tov aro tovinokwono. Kevu Moosesolluro loowo tonyu dolago tomuu mamwalmwakovo. Toro kugaikul kuruv Gooti toolluro yasuwa'wino sugumaluko ikubweyodowodo tovino'gwowi dolago tomuu aulomwakovo.

Room 6:3

Kevu aro kuudo me'no youroma'nodupudogaikikono. Nevu yiuwi'nokai Krais Jisasolluno kuudo uubweyodowado tonol kwollu me'no uuguro'mwonyodowadonogano. Aro to'busukokwono. A'mwo pwol wonyo kuuvolluno'ji toga wonyo tovi dolago tomuu kuula'dowo'jure toollu wonyo tov bu'duvoloma'dowodokwono. Su toro to'busuko kubalno Gooti tool nemi nekumaro'no Jisasollu tomuu yiunokuudo aulomonekumwallokaikono. Toro aulomonekumwalloka tonol Krais Jisasol aboloka toga ne kunol kuruv kweke abolowonogano.

Room 7:6

Aki su toro toga Gooti toolluro loowo ton wuulo nekugullodopure tovi ki'nato womdo kwiyajuwonogano. Toro kuvi kuruv nevu Jisasollu uuguro'mwonyowono kweke abolowo toga'no'gwowi loowo su tovida'ai me'no abirolo'nugolokwowonogano. Toro tonolluno tov aga loowo tonyuro puukwollo sakwollungiko tomgu'aro ki'nato womdo mwimovla'mwalanonogano. Toro kunol kuruv Gooti toolluro Kuullo tool muuduko tomgu'aro mollubworonekumokavla'mdowo'jure tovino'gwowi nokwo uumjungovla'mwalanonogano.

Room 9:3

Toro toonyu aro kuudo yau'dumdonyugono. Oo nuuge avalo kuunodo Isuraiyol tobuuro kemi ma'no ma'nodo tovuro kirumwallo tovida'ai neya abirolo'nugolokuupureyokweyo'mo anyunadopiyo. Su toro kuudo yauro'mi aki aro kuudo yau'dumdonyugono. Nuvnokwe toonyu Krais tooke yeru'mdeyapino'mi wiyo'mwojo'moneyokwe kemoro aiko toru kirumwallo tov nokwo ma'monyudukono? Awiyo, mi avalo tobuurai su toro tomgu'aro wiyo'mwojo'moneyokwe puuto puruv nonagutokwono. Su toro kuudo yau'dumdonyugono.

1 Koorin 9:8

Yogalo su tov nuvu kwako akavida'ai a'mwo pworavuro kuudo tovi uumjunodum maikudadokwono. Toro kuvi kuruv kevu kuudo pun jaullulo. Gooti toolluro loowo Moosesollu kwiyoka puruv yogalo su to'busuko aval'no dodowodokwono.

Galesiya 4:21

Kevu a'mwo abolo pugaikul Moosesolluro loowo tovi dolago tomuu kuuno mwallo'mo ikullunodowodogaikikono. Toro ikullunodowodo togaikul loowo su tovuro yogalo tovino kavlo tov kuudo po'dogalo miyouroma'dupogaikikono.