Room 5:16 - Gooti Toolluro Yogalokwono

¹⁶ Toro te Gooti toolluro sugudo nekullabodowodo su tokwe'aro Adamolluro ma'no ma'no soka tovida'ai nekullabodowodo tokwe'aro toval aval'nodo tomgu'aro miyanekullugolodubulovakono. Adamolluro tovasuda'ai Gooti tool nemi, “Nerekumwallumorekikono.” Anekujajukekono. Toro kuvi kuruv a'mwo abolo tonol ma'no ma'no bwotonyo mujumovla'mdowore toga Gooti tool gamoro yasuwa'wino tov nekullabodowo gamoro sumdo tovi sugudo wimo'nodowadonogano. Toro tonollu aro nekujokwekono. “Kemi mairekumwallumonyugono.” Nekujokwekono.

Room 5:16 ပူးပေါင်းရင်းမြစ်များ

Matyuu 6:14

Toro te kevu neya duu'nyulo. A'mwo abolo kemi kaiyako yaikullugolodupudo tonyuro ma'no ma'nodo tonyu kevu yiunokuudo amodukwopipi tov kemi muunyu kai'muuda'ai Tellunumiyago tool kev kugaikullu kuruv kemoro ma'no ma'nodo tonyu yiunokuudo nokwo maikudukwopiyonekono.

Room 8:1

Krais Jisasol me'no abomollurolovonekumokalokwoka tovino tov aga'no'gwowi nevu kwollu me'no uuguro'mwonyodowado tonollu Gooti tool maironekumwallononogano.

1 Koorin 11:32

Aki Aguto tool punollu kuudo anekuuteyo'ji kuruv nemi mollanekudo'meyo'moneyokweyokwono. Su tov lukomgu kwako akavida'ai a'mwo abolo ton Gooti toolluro kirumwallo tovi ma'dopure toga nekunollu kuruv kuudo nonekuuteyo'jokwe tovinokwono.

Galesiya 3:10

Neya duu'nyulo. A'mwo abolo pun aro kuudo yau'dupudogano. Oo nevu Moosesolluro loowo tovi kuumjuna'ji tomgu'aro Gooti toolluro sumdo tovi sugudo imo'nanonoldeyo. Yiuwi'nokai su toro kuudo yau'dupudo ton Gooti toolluro jul'nyogalo tovi dolago tomuu mwalodupudogano. Neya duu'nyulo. Gooti toolluro yogalo sakwollungiko puruv aro dodowodokwono. “A'mwo pwol Moosesolluro loowokwe buukiyo tonyuda'ai yiuwi'nokai yogalo judo'no judo'no sakwollungiko su tonyu ku'nono muumjuno'ji tov Gooti tool a'mwo su toollu kaiyako nyugolonekono.” Sakwollungikokwono.

Jems 2:10

A'mwo pwol Gooti toolluro yiuwi'nokai loowo tonyu uumjunowo'ji kwol kuruv loowo yiuno pullugwonodo kullugwoji kisuvolo so'ji su toolno'gwowi yiuwi'nokai loowo tonyu kisuvolo wiyodowodo pwolbusuko imo'nonekono.