Room 16:22 - Gooti Toolluro Yogalokwono

²² Aki nuu Tetiyosolonyu Poololluro mago tovida'ai molloda'mdum pas akavi sakwollumo kwonyu kuruv Aguto toolluro yovo tovida'ai kemi, “Ilaiyokwonoo,” aikudumono.

Room 16:22 ပူးပေါင်းရင်းမြစ်များ

Room 16:8

Aki moro ibwoto'nyo Ampliyatosol nemi Aguto toolluro kuunodo me'no wimo'nodowodo su toollomno moro, “Ilaiyokwonoo,” tov kuuwopiyamono.

1 Koorin 16:21

Nuvu Poolonyu nuvnokwenyuro ato tokwe pas akavi sakwollomwako toonyu kemi, “Ilaiyokwonoo,” adekwopiyamono.

Galesiya 6:11

Pas akavuro aiyowo'mo do'gwapiyo toruda'ai puukwollo tov nuvnokwe toonyu sokwollaikubwemono. Kevu doonyulo. Nuvnokwenyuro ato tokwe puukwollo judo'no judo'no sakwollumo akaro bwotonyorogano. Su toro toorogai sokwollaikubwemono.

Kooloosi 3:17

Aki kevu buro'nyo buro'nyo yogalo jo'mo'mdeyo oo womdo yo'mo'mdeyo kemoro yiuwi'nokai amjumovlapi su ton yiuno Aguto Jisasolluro yovo tovi'aro neya domjumovlavogaulo. Aki Jisasollu'aro kevu gami Ganumiyago Gooti toollu, “Nenoloo,” nokwo wuudumovla'mwalpinogaikikono.

Kooloosi 4:18

Nuu Poolonyugono. Nuvnokwe toonyuro ato tokwe, “Ilaiyokwono,” yakwollodum aikwopiyamono. Nuu wuulo killo'mo ago tovi anakuuto tomuu kuule'na'dumdo toonyuno kevu kuudo nyallulo'gwonmwalpiyo. Oo Gooti toolluro yasuwa'wino sugumaluko tov kemi nekwo'movla'mwalonokwono.

2 Tesaloonaika 3:17

Nuu Poolonyu moro, Ilaiyokwonoo, tov pas akavi nuvnokwenyuro ato tokwe sakwollumono. Moro su toro yodumdo tov aro tovinokwono. A'mwo abolo ton moro puukwollo tovi kwonpi toga dupinogano. “Oo pas akav Poololluro'mdeyo.” Dupinogano.

Filemoon 1:19

Pas akav nuvnokwe Poolonyuro ato tokwe sokwollogwopiyamono. Toro te nebal'no gudumo'mokwono. Oonesimosolluro dinau agujajuko su ton nuvnokwe toonyu aikomgu nogubimonyugono. Guu aro tovino kuudo neya jaurogawono. Sumdomgu nuvu kuuguudo sugudo tokwe moruudodore tovida'ai guvu wuu'nono guvnokwekujuro poowokalago tov aiyo sumo'nokakwono. Su toro sumo'noka tovino tov guu numi dinau bwotonyo to'gwowi guuwo'dowodekugono. Gumi dinau guuwo'dowodo su tovino nuu kuuguudo bwotonyago gujo'mo manyunadopiyo. Toro kweku kuruv Oonesimosolluro jul'nyo su tovino'gwowi neya domodukwopiyono.