Room 16:20 - Gooti Toolluro Yogalokwono

²⁰ Oo Gooti tool nemi sumwoluko kavo wosunyo'moneyokwe tov nekullabodowodekono. Gooti su tool Satanyolluro jurogudo tovi kaiyako mollounapiyo'mo wobo togakono. Su toro me'no amollounapiyo'ji toga kevu Satanyollu suvlo ilomavekupinekono. Nemi Aguto Jisas Kraisolluro yasuwa'wino sugumaluko wiyodowodo tov kemi nokwo ikubwemovla'mwalonogaikikono. Nuu su toro tovino ilaiyo anyunadopiyo.

Room 16:20 ပူးပေါင်းရင်းမြစ်များ

Muuduko 3:15

Aki toro tooku abolo tovi ikomago wimo'numwalbinekugono. Aki abolo tov gumi ikomago gujumo'numwalonokwono. Aki gumida'ai sumo'nugelabupi kworo kuruv abolo tovuro kwolaiyo toorai ikomago wimo'nupinorogano. Toro yopi puga abolo tovuro kwikweyago kwolaiyo pwol imo'nonekono. Toro toolluro suvlo wuuduwago tovi tuko dowa'do'bure kwekuji kuruv kwolaiyo su tool gumoro mido tovi gurojagubweyonekugono. Su toro tabunyuwuulo tov agubwemono.” Gooti Yawel gabakuto toollu toro kuudokaikono.

Matyuu 4:10

Toro kuudoka kuvi kuruv Jisasol aro kuudokaikono. “Gooti toolluro yogalo tov aro sakwollungikokwono. “Yiuno gumi Aguto Gooti toolluno to'no neya ilomoropiyabinekugono. Aki yiuno kwolluno to'no neya uumjunmwalbinekugono.” Sakwollungikokwono. Toro tovino tov, Satanyol guu dovlavono.” Kuudokaikono.

Luuk 10:19

Toro te neya duu'nyulo. Moro jurogudo ikubweyodumdo tokwe kevu gabakuto toorogai'aro akullo toorogai'aro toorai suvlo nokwo ilomaveku'mwalpinorekikono. Aki moro jurogudo ikubweyodumdo tokwe kevu nemi ikomago Satanyolluro jurogudo tovi nokwo uuwolo'mwalpinorekikono. Toro toorekullu kaiyako yaikullugollo'mo puruv nonagutokwono.

Room 15:33

Oo sumwoluko kavo wosunyo'moneyokwe nekullabodowodo Gooti su tool kevuge nokwo mujomwekovla'mwalonekono. Nebal'nodokwono.

Room 16:23

Aki Gaiyosol kemiyomno, “Ilaiyokwonoo,” aikwopiyamokaikono. A'mwo su tool gamoro ago tovi mi ilaiyo to'no mollonumwalodowodekono. Toro tool akawaida'ai yiuwi'nokai Jisasolluro mollu'bwoto kunyu kuruv mollomwalodowodekono. Aki Erastosol gamoro, “Ilaiyokwonoo,” tov kemiyomno aikwopiyamokaikono. A'mwo su tool wagwolago akavuro gavman nuugwiyo tonyu mollomwalodowodekono. Aki Jisasolluro a'mwo pwekwo nemi nellugwai'yago toolbusuko nekullumo'nodowodo Kwartosol kwol kuruv kemiyomno, “Ilaiyokwonoo,” aikwopiyamokaikono.

Room 8:37

Toro te buro'nyo buro'nyo tabunyuwuulorodeyo su tooro nobaneki'mo'mdopure toga ku'nono manekuuwolo'mwalpinorogano. Toro kuvi kuruv nemino kalo buuropino winodowodo Jisasollu'aro to'gwowi yiuwi'nokai toga nuuwolo'mwalanonogano.

1 Koorin 16:23

Oo nemi Aguto Jisasolluro yasuwa'wino sugumaluko tov kemi nekubwemwalonekono.

2 Koorin 13:14

Oo aro tovino nyunodowodonyugono. Nemi Aguto Jisas Kraisolluro yasuwa'wino sugumaluko tov kemi nekubwemwalonekono. Aki Gooti toolluro kalo buuropino winodowodo tov kemi nekwo'mwalonokwono. Aki Gooti toolluro Kuullo tool kemoro yiuwi'nokai poowokalago go'no go'nodo tonyu aval'no moguro'mwojaikubweyowo'ji kevu puru'mono nokwo guro'mwonyumwalpinogaikikono.

Galesiya 6:18

Mi avalobuuravoo, nemi Aguto Jisas Kraisolluro yasuwa'wino sugumaluko tov kemoro kuullo tobuurai nokwo ikubwemwalonekono. Nebal'nodokwono.

Filipai 4:23

Oo nemi Aguto Jisas Kraisolluro yasuwa'wino sugumaluko tov kemoro kuullo tobuurai nokwo ikubwemovla'mwalonokwono.

1 Tesaloonaika 5:28

Oo nemi Aguto Jisas Kraisolluro yasuwa'wino sugumaluko tov kemi nokwo ikubwemwalonekono.

2 Tesaloonaika 3:18

Nemi Aguto Jisas Kraisolluro yasuwa'wino sugumaluko tov kevu yiuwi'nokai togaikullu nokwo ikubwemovla'mwalonekono.

2 Timooti 4:22

Oo Aguto tool gumoro kuullo tekwoji nokwo mollogumwalmwalonekono. Gooti toolluro yasuwa'wino sugumaluko tov kemi nekwo'movla'mwalonokwono.

Filemoon 1:25

Oo Aguto Jisas Kraisolluro yasuwa'wino sugumaluko tov kemi kuullo tobuurai nokwo ikubwemovla'mwalonekono.

1 Joon 3:8

Toro kuvi kuruv a'mwo abolo puno'gwowi ma'no ma'no pasudo mujumovla'mdupudogano. Ma'no ma'no pasudo su tovi wonopi kuudo youromapinogaikikono. Oo a'mwo abolo su ton Satanyollurodeyo. Kuudo youromapinogaikikono. Su tov aro tovinokwono. Satanyol muudu'nodo togada'ai ma'no ma'no pasudo mujumelabino mujumelabino yodowo aga kuga kuruv kuuno mujumovla'mdowodekono. Aki Satanyolluro womdo mujumelabodowodo su tovi Gooti toolluro Kwolaiyo tool kaiyako mollounapiyo'moneyokwe kuu'maiyo toru me'no abiyalo'nokaikono.

Adodolukuu'nosungiko 12:10

Aki toruda'ai yogaimaguurai bwotonyo puruv Gooti toolluro ago anakuuto tomuuda'ai deko aro doduke tovi kuu'nonyugono. “Oo nemi Gooti tool gamoro a'mwo abolo tonollu ma'no ma'nodo tovuro kirumwallo tovida'ai bomollurolovonekumokalokwiyo'moneyokwe tov aga me'no abai'mopso. Aki gamoro jurogudo kuruv aga me'no abai'mopso. Aki aguto kig Gooti toolluro mido mollomwalo kurukwe'aro aga me'no abai'mopso. Aki gamoro amonekwopiyaboka Krais su toolluro jurogudo tov aga kuu'maiyo toru abomollolupto'nosadopiyo. Su tov aro tovinokwono. Krais su tool Satanyollu me'no kwolomowopiyabingikekono. Satanyol nevuge avalo Jisasolluro a'mwo abolo tobuurai kaiyako igollo'moneyokwekono. Aki toro tool yiuwi'nokai iruko togake'aro surakuuto togake'aro toga Gooti toolluro sumdollu toru da'mdowo kooti yogalo mojokuu'nosokwekono.

Adodolukuu'nosungiko 22:21

Nemi Aguto Jisasol gamoro yasuwa'wino sugumaluko tov yiuwi'nokai Gooti toolluro a'mwo abolo togaikullu aikubwemovlavogawono. Nebalokwono.”