Room 13:5 - Gooti Toolluro Yogalokwono

⁵ Toro tovino tov kevu gavman mido mollomwalokwe su toorai dolago tomuu neya jomjomwekovlavogaulo. Su toro yomjomwekovla'mwalpino tov kavlo puruval tovallunokwono. Kavlo puruv gavman tooro kemi nerekumwallo'jokwe tovinokwono. Aki puruv kuudo sugudo pun kemi poowokalago tovi me'no kuulaikwo'dupudo tonyu kuvinono uumjunyo'moneyokwe gavman su toorai kisuvolo nuuwimwalpiyo. Kavlo su toro tovalluno kevu dolago tomuu neya jomjomwekovlavogaulo.

Room 13:5 ပူးပေါင်းရင်းမြစ်များ

Kuurotokwe 24:16

Toro tovino tov nuu Gooti toolluro sumdo toruke'aro a'mwo abolo tonyuro sumdo toruke'aro tomuu sugudo to'no ingovlaiyo'moneyokwe yiuwi'nokai toga nuvnokwenyuro poowokalago tov nyudodowo'jure tovi uumjungovla'mdumdonyugono.

Room 13:6

Aki kavlo su tovalluno tov kevu takis nuugwiyo neya uubimwalpinogaikikono. Gavman mido mollomwalokwe su toorai Gooti toolluro molludapiyoduke tovida'ai womdo momjumovla'mdupudorogano. Toro tovino tov kevu takis nuugwiyo nokwo uubimwalpinogaikikono.

Hibruu 13:18

Gooti tool nemi anekullo'mwojoneyokwe tovino kevu subusu'nyogalo neya duudogaulo. Aki Gooti toolluro sumdo tovi nevu aro me'no yainyunodowadonogano. Oo nemi poowokalago tovi kuulanekwo'dupudo tonyu kuvinono uumjunodowadonoldeyo. Yainyunodowadonogano. Aki nevu yiuwi'nokai toga pasudo idopto'nodo tonyu mujumovlaiyo'mo nekullunodowodonogano.

1 Pita 2:19

Kevu pugaikul Gooti toolluno kuudo yauropi gamoro pasudo tonyu uumjunodopure togaikulluno tov kemi mido mollekumwalokwe su tooravuro ato tovida'ai danyu'nyuwuulo pun yasuwa'no nomapinogaikikono. Danyu'nyuwuulo amapi su toga kavo nokwo mokavla'mwalpinogaikikono. Kevu danyu'nyuwuulo yasuwa'no amapi su toorai kavo amokavlapi to'gwowi Gooti tool kuudo yaikuurowo'ji kemoro pasudo su tovino ilaiyo to'no winonekono.

1 Pita 3:16

Sugupasudo su tov kemoro poowokalago tovi me'no kuulaikwo'dowodokwono. Toro tovi kuvinono neya duumjunogaulo. Toro togaikul kavo bemwojopiyopi kevnokwe togaikul kwako tomuu'aro bwolomorumwogapinogaulo. Su toro tomgu'aro kemoro sogwollo kinodupudo tovino kavlo tov kuu'maiyo toru neya dodelukuulludapiyogaulo. Toro te kevu Krais toollu me'no uuguro'mwonyodupudo togaikulluro sugupasudo yomjomwekovla'mdopure su tovino a'mwo abolo pun nobwolomekumwogapiyapinogano. Toro abwolomekumwogapiyapi kuvi kuruv kevnokwe ton wogulo to'no yowo'gallunmwalpinogano.