Toro tool aro kuudo yauronekono. Oo Gooti Yawellu wiroudapiyo'moneyokwe akal duko tovi yiunokuudo nopiyonekono. Toro kuudo sauro'ji tool aro neya yonekono. Yiuno buulmokau kwolo pwolluno mokabwonekono. Aki toro toollu yiuno kaiya'no puru'monodo kuruv migolamo'nyungiko toolluno neya yenyubworomokabwonekono. Toro yenyubworomokabowo'ji nuu a'mwo su toollu ilaiyo mollomallo'moneyokwe a'mwo su tool buulmokau toollu ilomonuwopiyo'moneyokwe sel anoullo toru'no neya mokaulabwonekono.
Pris Womdo 16:3 - Gooti Toolluro Yogalokwono3 Toro te Eroonol moro pwekwapto kuunodo toru'no kuullo'moneyokwe sumdomgu aro neya imwalonekono. Ma'no ma'nodo tonyuno tov buulmokau kwolo pwollu miyo'mo neya nyuroudapiyonekono. Aki sipsip kwolo pwollu duko tovi yiunokuudo nopiyono'moneyokwe miyo'mo neya nyuroudapiyonekono. Toro suroudapiyo'ji toga'no'gwowi mujako tokwe moro pwekwapto kuunodo toru'no nokwo mokaulawonekono. Toro neya duudono.” Kuudokaikono. အခန်းကိုကြည့်ပါ။ |
Pris Womdo 16:3
13 ပူးပေါင်းရင်းမြစ်များ
Toro te Krais tool muunyu kai'muuda'ai Gooti toolluro pwekwapto kuunodo su toru yiuno puru'monodo toga'no aulokaikono. Toro tool meme toorogai'aro buulmokau taiyo toorogai'aro tooravuro mujako tokwe amokaulokalmaiyo. Toro kwol kuruv gavnokweyolluro mujako abwoloka tokwe amokaulokaikono. Gamoro mujako abwoloka su tovi'aro a'mwo abolo tonol aiyo yiunokuudo mujomwekovlaiyo'moneyokwe nemi ma'no ma'nodo tovuro kirumwallo tovida'ai abomollurolovonekumokalokwokaikono.
Toro kuvi kuruv sel ago su tovuro lukomguda'ai adovarojungiko toru'no'gwowi yiuno pris aguto toolno aullajukorukono. Toro kuvi kuruv pris aguto su tool yiuwi'nokai toga maullajukekono. Yiuno kworomo tovuro iruko pullugwonodo toga'no aullajukekono. Aki toro kwol kuruv yasuwa'no maullajukekono. Yiuno sipsip meme tooravuro mujako tokwe to'no amokaullajukekono. Mujako amokaullajuko su tov pris aguto gavnokwe toolluro ma'no ma'nodo togai'aro a'mwo abolo ton kuudo po'dogalo miyouroma'dupu ma'no ma'no yodopure togai'aro su tonyo'mo amokaullajukekono.
ကြော်ငြာတွေ