Pris Womdo 1:2 - Gooti Toolluro Yogalokwono

² “Guu Isuraiyolda'ai a'mwo abolo tonyu duudono. “Kevu Gooti Yawellu wiyo'moneyokwe aro neya jogaulo. Kemida'ai a'mwo pwol Gooti Yawellu wiyo'moneyokwe gami sipsip meme buulmokau ki'duvolodowodo tooraida'ai pwollu neya mokabwonekono.

Pris Womdo 1:2 ပူးပေါင်းရင်းမြစ်များ

Muuduko 4:3

Toro todoral mwalno sumaleyokwe iruko pullugwoji Kenol gami womdo tovida'ai wosamujuko pun mulomokabino sumaiyokwe Gooti Yawellu abuuwiyokaikono.

Muuduko 4:5

Toro kuvi kuruv Keneke'aro gamoro wosamujuko kwiyoka togai'aro tonyuno'gwowi ilaiyo mamollomarokaikono. Toro tovino tov Kenol surodo bwotonyo kuunokaikono. Toro wuunyuno sumaiyokwe mesubuuto to'no airowopiyokaikono.

Mollurolovomato 20:24

Toro kugaikul kuruv miyo'mo iroudapiyo'moneyokwe dukwagupto puruv kwako tovida'ai neya jakwollulo. Toro sakwollupi tovi kemi sipsip buulmokau tooro mokabopi juroudapiyogaulo. Toro suroudapipi tooro pworo duko tovi yiunokuudo nonopiyono'moneyokwerogano. Aki pworo sumwoluko puru'mono wosunyo'moneyokwe wiroudapiyo'morogano. Toro te kevu mi ilomonuwopiyo'moneyokwe moro kwako go'no go'no ajaikubwemi tomuu nuu wolabo'mi kemi sugudo pun nekubwemonyugono.

Kuuguudo Sugudo akav Makolluro sakwollokakwono Mak 7:11

Toro ajakwolloka kuvi kuruv kevno'gwowi aro dodupudorekikono. “A'mwo pwol gami ganumiyago ganeyago teyaul supto yodo'bule teyaullu gami nuugwiyodeyo togai wiyo'mwojo'mo mwino'ji tool aro wuudonekono. “Oo nuugwiyo akakwe nokwo aikullo'mwojo'mujuko kwonyu kuruv Gooti toollu wiyo'mo me'no ajesungikokwono.”

Room 12:1

Miyobuuravoo, Gooti tool nemino kalo mamwonyodowodo tovino tov nuu kemi aro ikujo'mo anyunadopiyo. A'mwo abolo pun sipsiporodeyo tooravuro kulako togai Gooti toollu kwiroudapiyajupo to'busuko kubalno kevnokwe togaikul kemi kulako ton Gooti toollu duuwiyogaulo. Sipsiporodeyo kwiyajupo su toorai sumdomgu me'no romiyodupu abolpi toga kemoro kulako ton Gooti toollu kwiroudapiyajupogano. Toro kuvi kuruv kevno'gwowi yere mabolopi aiyo kuuno mwalodopure toga kemoro kulako ton Gooti toollu yere neya duuwiyogaulo. Kemi poowokalago kuunodo togai Gooti toollu ilomoropiyo'moneyokwe su toro tomgu'aro kwipi tov Gooti toollu ilaiyo igolpinogaikikono.

Room 12:6

Toro te pwolno puru'monodo tonollu Gooti toolluro womdo go'no go'no nekullabodowodo su tonyu neya amjumovlavogawano. Womdo su ton Gooti gavnokwe toolluro yasuwa'wino sugumaluko tovida'ai nekullabodowodogano. Toro te womdo go'no go'no nekullabodowodo su ton arogano. Punol gamoro kuuguudo tokwe a'mwo abolo punyu moruudomollo'moneyokwe nekullabodowodonogano. Toro nekullabodowodo su tonol nemoro Krais toolluno kuudo uubweyodowado tomgu'aro to'no neya uumjunowa'ji kuuguudo tov a'mwo abolo punyu amoruudomollogawano.

Efesos 5:2

Aki Krais tool nevu yiuwi'nokai tonolluno kalo buuropino winodowodekono. Toro toolluno tov nemi nonekullo'mwojo'moneyokwe Gooti toollu sipsip pwolbusuko wiroudapino'no Gooti toollu wobeya sudo kuunyokwe to'busuko kwimo'nokaikono. Krais tool nemino kalo buuropino wino'no toro sokaikono. Su toro to'busuko kubalno kev kugaikul kuruv yiuwi'nokai a'mwo abolo tonyuno kalo buuropino neya domollogaulo.