Muuduko 6:2 - Gooti Toolluro Yogalokwono

² Toro sumo'nopo toga Gooti toolluro iko tovasuda'ai tooro a'mwo yasuwa'no mwalodupudo tooravuro sujuraiyo sugumaluko tonyu kwonyajuporogano. Toro tonyu ilaiyo sumdo kinuwiyodupu kevnokweravuro kuudo tovida'ai nokwo malluno malluno sajuporogano.

Muuduko 6:2 ပူးပေါင်းရင်းမြစ်များ

Muuduko 12:11

Toro ton Ijup'no ki'meyo'mo wobo toru Eburamol gami abolo Saraiyovi kuuguudo aro amadokaikono. “Duu'nono. Moro abolo sugumaluko'guugono.

Muuduko 24:3

Toro subi toga sulugumdo tokwe kwako tokwe tovallu sokwollosoka Gooti Yawelluro sumdo tovi aro tovino subuu'yamju donyono. Guu moro muugunyo toollu abolo puruv yo'mgonomallo'moneyokwe Kenanda'ai a'mwo abolo amwakuuwo akanyuro abolo puruvi yo'mgonomaro'bi muumasubinekugono.

Muuduko 26:35

Toro amaroka su toval gami kuunum kwolabolo Aisakeke Rebekakwe teyaullu kaiyako sugollajulovakono. Toro igolodole tovino tov Aisakeke Rebekakwe teyaul wosamujuko po'dogalo maulonallajuleyaukono.

Muuduko 27:46

Toruda'ai Rebekav Aisakollu aro auluudokakwono. “Moro muugunyo Isoo'wolluro abolo Hitda'ai su tovalluno ilaiyo manyunadopiyo. Jekoopol kwol kuruv Hitolluro iko avalo su tovasuda'ai abolo puruv amaro'ji to'gwowi nuu aiyo mwallo'mo manyunone'gono.” Kuudokakwono.

Muuduko 3:6

Toro wuujuno sumaiyokwe abolo tov ikulsulo tovi wonoma'no sumaiyokwe toga kuudo saurokakwono. Oo iko akal sugumalukekono. Aki toro toolluro ikulsulo ton ilaiyo nokwo nonyo'mogano. Toro tovi nuu amanmi tov pi'mwo kuudo tov nokwo youroma'mo'mideyo. Kuudo saurokakwono. Toro kuudo yau'no sumaiyokwe toga ikulsulo tov muudanyuno sumaiyokwe pun gami kwolo tool gavuge mwaloduke toollu wiyo'no amanokaikono.

Muuduko 4:26

Toro te Setol kwol kuruv aguto gulluno sumaiyokwe kwolaiyo pwol yawosuno'no Inoosolo sowarokaikono. Su toro togada'ai a'mwo tooro Gooti toolluno yovo Yaweloo tovi muuduko wuudodupu sulomoropiyajuporogano.

Muuduko 6:1

To'no'gwowi a'mwo abolo bwotonyago ton billumo'nyuno sumaveyokwe yiuwi'nokai tomuu so'mowopiyopogano. Toro yo'mowopiyo'mno taiyo togai'aro sawosunopogano.

Muuduko 6:3

Toro mujumovla'mdopure toga Gooti Yawel sumdo wono'no adokaikono. “Moro Kuullo tool a'mwo toorogai yiunokuudo mamjomwekovla'mwalonekono. A'mwo su tooro kwako akavida'airogano. Toro tooravuro poowokalago ton lumdo kuulopiyodupudo tovino tov kemoro aiyo mujomwekovlaiyo'mo tov yiuno 120 kworomo to'no uubwemorogano.” Gooti Yawel toro adokaikono.

1 Koorin 7:39

Aki puruv abolo tov gami kwolo tool kuuno mwalodowo'jure toga abolo su tov kweke neya mujomwekovla'mwalonokwono. Toro kuvi kuruv gami kwolo su tool me'no abolo'ji toga'no'gwowi abekanyo su tobuul gami kwolo toollu dolago tomuuda'ai nobirolo'nugolokwonokwono. Yowo'ji a'mwo muuduko pwollu uuma'nyo'mo kwino'ji tov nokwo uuma'nonokwono. Toro kuvi kuruv abekanyo su tov a'mwo yasuwa'nodo pwollu nuuma'no'jo. A'mwo pwol Aguto toolluno kuudo me'no uubweyodowodo pwollu neya uuma'nonokwono.

2 Koorin 6:18

Aki nuu kemi Tellunumiyago ikullumo'numwalmonyugono. Aki kevu moro kwolaiyo taiyo togaikulbusuko nonyumo'numwalpinogaikikono. Nuu Aguto Jurogudo Kuunodokwe toonyu subuu'yamju toro me'no adosumono.” Adokaikono.

2 Pita 2:14

A'mwo kuunano ibwasokwe su tooro kemi sumdo togai kwonyalabolo punyu yo'mgonomallo'mo guureji ya'mgonodupudorogano. Aki su tooro aro to'busukorogano. A'mwo sumwoluko manyuto'nodowodo pwol yiuwi'nokai toga wosamujuko tov guureji nugovlaiyo'mo winodowodekono. Toro toolbusuko kubalno a'mwo su tooro ma'no ma'no pasudo tonyuno yiuwi'nokai toga nonyuto'nugovlaiyo'moneyokwe guureji winodupudorogano. Aki a'mwo su tooro a'mwo abolo pubuurai ki'nomallokwerogano. A'mwo abolo su tobuuro Gooti toolluno kuudo me'no uubweyodupudo kuvi kuruv guureji magudupola'dupudogano. Toro magudupola'dupudo tobuurai ma'no ma'no ipureyokweyo'mo a'mwo kuunano ibwasokwe su tooro ki'nomallokwerogano. Aki a'mwo kuunano ibwasokwe su tooravuro poowokalago tonyu nuugwiyo bwotonyago ki'nomallo'mo kuudo tov kuullo'mowopiyodowodokwono. A'mwo su tooro Gooti toolluro tabunyuwuulo nuubweyono tovi dolago tomuu me'no mwalodupudorogano.

1 Joon 2:16

Kuudo neya jaullulo. Kwako akavida'ai pasudo tooro arorogano. Kulako tobuuravuro ilaiyo igollunyo'mo pasudo tokwono. Aki kwanyu sumdo kinuwiyo'mo pasudo tokwono. Aki ilomoropunyo'mo pasudo tokwono. Yiuwi'nokai pasudo su toro tooro nemi Nellunumiyago Gooti toolluda'ai mabodupudorogano. Toro kuvi kuruv yiuwi'nokai pasudo su tooro kwako akavida'ai bodupudorogano.