Muuduko 6:14 - Gooti Toolluro Yogalokwono

¹⁴ Toro wuudo'no Noowallu kuuguudo aro aduuwiyokaikono. “Guu iko jurogudo tokwe sip bwotonyo puruv domodono. Toro modo'bi anakuuto tomuu go'no go'no dovarojubinokwono. Aki wonyo tov noulawo'jokweyo'mo gwomalo tokwe yiuwi'nokai kwa'mgu tomuuge anakuuto kumuuge aiyowomno luvomuugutowopibinokwono.

Muuduko 6:14 ပူးပေါင်းရင်းမြစ်များ

Muuduko 6:13

Gooti tool toro yau'no sumaiyokwe Noowallu aro kuudokaikono. “Yiuwi'nokai a'mwo abolo kwako akavi mwalodupudo ton ma'no ma'no sopiyopogano. Toro ton magu'nyo bwotonyo amjumawakwovo. Toro tovino tov nuu kwako akavi aiyowomno kaiyako mollounapiyo'mi a'mwo abolo kugai'aro romiyebuuropimonyugono.” Kuudokaikono.

Muuduko 6:15

Sip su toollu mojo'moneyokwe tov moro agudumi tomgu'aro neya modubinekugono. Gamoro ga'bworoso'mo kumi'yago tov 130 mita wosubinekugono. Aki ga'bworoso'mo supto tomgu 22 mita wosubinokwono. Aki ido'nyu wuudapiyo tomgu 13 mita toru'aro wosubinokwono.

Mollurolovomato 2:3

Toro kuuwolo'noka toga'no'gwowi yiulo ku'nono mamollokakwono. Toro te kwolaiyo su toollu ganeyago tov basket puruv maro'no kwolaiyo toollu basket tovi anakuuto tomuu kuullurosuno sumaiyokwe wonyo Nailovi wolo toru yemiyo womdo tomuu aulopuurosokakwono. Basket su tovi wonyo noulawo'jokwe gwomalo tokwe aluvomuugutowopiyokakwono.

Matyuu 24:38

Noowalluro toga buuru'allako bwotonyo tov yere mabai'mo'mduke toga a'mwo abolo ton lubullu doto yanodupu, wain wonyo nodupu, kwolabolo yoma'nodupu abomjumoullajupogano. Aki Noowal sip toollu kuullo'mo yoduke kuga kuruv a'mwo abolo ton kuuno abomjumoullajupogano.

Luuk 17:27

Noowalluro amwallajuko su toga a'mwo abolo ton lubullu doto yanodupu wain wonyo nodupu kwolabolo yoma'nodupu tono tono abomjumoullajupogano. Aki Noowal sip toollu kuullo'mo yoduke kuga kuruv kuuno abomjumoullajupogano. Noowal sip toollu auloka iruko su tollugwoji buuru'allako tov bo'no yiuwi'nokai a'mwo abolo su tonyu kaiyako amollounapiyokakwono.

1 Pita 3:20

Wuulo aule'nallajupo kuullo su tooro aiyoga Noowalluro togasuro a'mwo abolo amwallajupo tonyurogano. Aiyoga Noowal sip toollu mododuke toga Gooti tool a'mwo abolo su tonyu kemi ma'no ma'no pasudo tonyuno yere mairumwallajukekono. Toro te a'mwo abolo su ton Gooti toollu kisuvolo to'no kwiyajupogano. Toro kuvi kuruv yiuno 8-pela a'mwo abolo tobuurono'gwowi sip toollu aulomwalopogano. A'mwo abolo pwolno puru'monodo aulomwalopo su tobuurai wonyo tov nome'nyudapiyo'jokweyo'mo Gooti tool wonyo tovida'ai luvomato to'busuko amollurolowapiyokaikono.