Muuduko 46:5 - Gooti Toolluro Yogalokwono

⁵ Toruda'ai Jekoopeke tonumdoto wagwolago Biyasiba toru kuugollu'movoponumdotogano. Toro wuugollu'mo'mno sumaveyokwe Jekoopolluro muugunyo tooro kemi kuunumiyago tooke'aro kemi julkwolaiyo togai'aro tonyu Feroo toolluro nomokwolabiyo'mo karis toorai ilomorumwalluno sumaveyokwe Ijup'no kwolaponumdotogano.

Muuduko 46:5 ပူးပေါင်းရင်းမြစ်များ

Muuduko 21:14

Toro te iruko aikomguda'ai tollugwoji lomwo iru'mago toga Eburaiyamol dukavo'no wosamujuko pugai'aro wonyubiyokwe kulakuto puuwake'aro malluno sumaiyokwe Hegaiyovi kwiyokaikono. Toro wino sumaiyokwe Hegaiyovuro yagwo te ilomorubweyo'no gamoro kwolaiyo tooke'aro tonallu amorapiyokaikono. Toro te Hegaiyov wuugollu'mo'mno sumaiyokwe kwako a'mwomaiyo kuu'maiyo toru'no avlavokakwono. Kwako su toru'no yovo tov Biyasibareyorukono.

Muuduko 45:19

Gumi judai'yago toorai toro wuudo'bi aki aro duudono. “Kevu kemi tellunumiyago tooke'aro kemi julkwolaiyo togai'aro tonyu mokwolabiyo'mo Ijupda'ai karis pugai domokavlaiyulo. Toro amokavlapi tonyu kemi kuunumiyago tooke'aro julkwolaiyo tobuurogai'aro tonyu ilomorumwallopi akawai'no aikomgu domokwolabilo.

Muuduko 45:21

Feroo toolluro toro kuudoka tovi Jekoopolluro muugunyo tooro kuvinono kuumjunoporogano. Toro tooro novlaiyo'mo toga Joosepol a'mwo aguto Feroo toolluro kuudoka kuvinono karis pworo maro'no gami gadai'yago toorai kuumallokaikono. Aki puuto tovi mujonugovlaiyo'mo wosamujuko pugai kuumallokaikono.

Muuduko 45:27

Toro kuulopiyoduke kwollu kuruv gamoro muugunyo tooro Joosepolluro yiuwi'nokai kuudoka tonyuno kuudoporogano. Toro wuudodopure tovi kemi kuunumiyago Jekoopol kuu'nokaikono. Toro wuu'nyuno sumaiyokwe gavnokweyollu Ijup'no mokwollo'mo karis Joosepolluro amorapiyoka toorai wono'no gamoro kuudo tov iroto kuumwogapiyokaikono.

Mollurolovomato 10:24

Toruda'ai Feroo tool Moosesollu doma'no sumaiyokwe aro kuudokaikono. “Kevu kemi Gooti Yawellu ilomoropiyo'moneyokwe kemi julkwolaiyo togai nokwo mokavlapinogaikikono. Toro kugaikul kuruv kemoro sipsip meme buulmokau tooraino'gwowi mamokavlapinogaikikono.” Kuudokaikono.

Mollurolovomato 10:26

Toro tovino tov nemoro sipsip meme buulmokau tooro pwolnodo kwol kuruv mworowo'ji yiuwi'nokai toorai neya mokavlawanonogano. Toro tov aro tovinokwono. Nevu Gooti Yawellu ilomoropiyo'moneyokwe toru yere mai'mo'mdowa'jure toga Gooti Yawellu wiroudapiyo'moneyokwe pworai ku'nono majesanonogano. Toro kuvi kuruv nevu me'no ai'mowa'ji toga'no'gwowi wiroudapiyo'moneyokwe pworai nokwo jesanonogano. Toro tovino tov nevu yiuwi'nokai toorai neya mokavlawanonogano.” Kuudokaikono.

Kuurotokwe 7:15

Toro wolabino sumaveyokwe Jekoopol Ijup towai mwalno mwalno sumaiyokwe su towai abolokaikono. Aki nemi nellukweyago kworo kuruv avalo su towai aboloporogano.