Muuduko 45:3 - Gooti Toolluro Yogalokwono

³ Joosepol kumdato me'no dopino sumaiyokwe gami gadai'yago toorai aro kuudokaikono. “Nuu Jooseponyugono. Mi nyunumiyago tool kuuno dukomwallo?” Toro kuudoka tovi gadai'yago tooro wuu'no'mno luko bwotonyo soporogano. Toro ino sumaveyokwe Joosepolluro kuudoganoka tovi kemoro yogalo puruv muudoporogano.

Muuduko 45:3 ပူးပေါင်းရင်းမြစ်များ

Muuduko 37:20

Mekono, nevu yere neya yano. A'mwo su to kuvasi romiyosowa'ji buuso tovi wolomoropiyowano. Toro yowa'ji kuunano yogalo aro youkuu'nuudanokwono. “I'womdo tomuuda'ai ibesa'aiyo kuulludaiyo pwol me'no adovanokaikono.” Toro youkuu'nuudowa'ji toga gamoro wojo nekudodowodo ton kuvinono imo'nono'mdukoneyokweyo'mo muugonaranokwono. Toro amuugonara'ji kuvi kuruv gamoro wojo ton ku'nono mimo'nupinogano.” Sajunoporogano.

Muuduko 42:21

Toro todoroto aro sajunoporogano. “Nevu aiyoga nemi nellugwai'yago toollu kaiyako sugolowo tovino tov aga jul'nyo akav aboneki'mo'maiyo. Toro tekwo tabunyu ma'dowo, “Donyo'mwojulo,” nekudoduke kwekwojo kuruv muu'nyubusuko to'no sowo tovino tov tabunyu akav ama'mawonogano.” Sajunoporogano.

Muuduko 42:22

Toro yajunyuno sumaveyokwe Ruubenol aro kuudokaikono. “Nuu muudu'nodo toga me'no aikudonyugono. “Kwolaiyo toollu kaiyako mwipinono.” Toro aikudo kworekul kuruv muu'nyubusuko soporekikono. Toro sopo tovino tov aga kwolaiyo su toolluro aboloka tovino mido anekuma'maiyo.” Kuudokaikono.

Muuduko 43:27

Toro wino sumaveyokwe Joosepol kuudokaikono. “Kuujunaptokwono.” Toro wuujuno sumaiyokwe aro samuugojokaikono. “Muudu'nodo toga kemi tellunumiyago yadaiyo tekwojuno anyudopo tekwo nobollo pun maro'no me'no abolokaldukono oo ilaiyo kuuno dukomwallo?” Samuugojokaikono.

Kuuguudo Sugudo akav Makolluro sakwollokakwono Mak 6:50

Toro pla'mduke toollu yiuwi'nokai tooro wono'mno luko bwotonyo soporogano. Luko toro jodopure toorai Jisasol yere kuudokaikono. “Kemi poowokalago ton jurogudo nokwo jumo'nyulo. Nuu toonyugono. Toro te luko mipinono.” Kuudokaikono.

Luuk 5:8

Toro yodole tovallu Saimoon Pital wonyuno sumaiyokwe toga Jisasolluro suvlo tovi dolago toru bomuulo'naro'no aro kuudokaikono. “Agutoloo, nuu ma'no ma'nodokwe tekwonyuno tov mi donyugollu'movono.” Kuudokaikono.

Kuurotokwe 7:13

Aki toro tooro lukomgu wosamujuko purukwe'aro wolobiyomollo'mo tooro wolodopure toga'no'gwowi Joosepol gami gadai'yago su toorai gavnokweyolluno kuu'maiyo toru'no adodowiyoku'bworosunokaikono. Toro adodowiyoku'bworosunoka tovida'ai Joosepollu gadai'yago tooro kemi kuugwai'yago Joosepolluno, Oo kwoldeyo, kuudo sauroporogano. Aki su toro toga Feroo tool Joosepollu gadai'yago tooraino, Oo kworodeyo, kuudo souromarokaikono.

Kuurotokwe 9:5

Toro tovi wuu'nyuno sumaiyokwe Soolol aro kuudokaikono. “Agutoloo, guu ala'mwekudeyo?” Toro samuugojoka tovi yogaimaguurai tov kuudokaikono. “Nuu Jisasonyugono. Gumoro kaiyako sugolamo'mwakudo su tov nuu kwonyuda'ai sugolanumo'mwakuno.” Yogaimaguurai su tov toro wuujuno sumaiyokwe aki aro kuudokaikono.

Adodolukuu'nosungiko 1:7

Neya duu'nyulo. Jisas Kraisol sulu'wo tovi anakuuto tomuu yanekulo'nowo'ji noolabwonekono. Toro wolabodowo'jure toollu yiuwi'nokai a'mwo abolo ton sumdo noonpinekono. Aiyoga a'mwo mollurogudo pwol takubwopto tokwe Jisasolluro suumdo tovi juulowosoduke toga a'mwo abolo pun nokwo wonyapino to'no sopo su to kun kuruv noonpinekono. Toro kwonpi toga kwako akavida'ai yiuwi'nokai a'mwo abolo yovodolobunyo go'no go'nodo tonyuda'ai ton aro dupinogano. “Oo neronekumwallonoldeyo.” Su toro dopi kumdato dupinogano. Su tov kuvinono nyumo'nonokwono. Nebalokwono.