Muuduko 45:21 - Gooti Toolluro Yogalokwono

²¹ Feroo toolluro toro kuudoka tovi Jekoopolluro muugunyo tooro kuvinono kuumjunoporogano. Toro tooro novlaiyo'mo toga Joosepol a'mwo aguto Feroo toolluro kuudoka kuvinono karis pworo maro'no gami gadai'yago toorai kuumallokaikono. Aki puuto tovi mujonugovlaiyo'mo wosamujuko pugai kuumallokaikono.

Muuduko 45:21 ပူးပေါင်းရင်းမြစ်များ

Muuduko 45:19

Gumi judai'yago toorai toro wuudo'bi aki aro duudono. “Kevu kemi tellunumiyago tooke'aro kemi julkwolaiyo togai'aro tonyu mokwolabiyo'mo Ijupda'ai karis pugai domokavlaiyulo. Toro amokavlapi tonyu kemi kuunumiyago tooke'aro julkwolaiyo tobuurogai'aro tonyu ilomorumwallopi akawai'no aikomgu domokwolabilo.

Muuduko 45:20

Toro ton nuugollu'meyo'mo toga kemi yiuwi'nokai kuto ivito tonyuno kuudo miyourukwapipinono. Nokwo dukwopino yopi Ijupda'ai sugudo kwokopo tonyuro pun kemiyo'mo nokwo bwolomapinokwono.” Gumi judai'yago toorai toro duudono.” Feroo tool Joosepollu toro kuudokaikono.

Muuduko 45:27

Toro kuulopiyoduke kwollu kuruv gamoro muugunyo tooro Joosepolluro yiuwi'nokai kuudoka tonyuno kuudoporogano. Toro wuudodopure tovi kemi kuunumiyago Jekoopol kuu'nokaikono. Toro wuu'nyuno sumaiyokwe gavnokweyollu Ijup'no mokwollo'mo karis Joosepolluro amorapiyoka toorai wono'no gamoro kuudo tov iroto kuumwogapiyokaikono.

Muuduko 46:5

Toruda'ai Jekoopeke tonumdoto wagwolago Biyasiba toru kuugollu'movoponumdotogano. Toro wuugollu'mo'mno sumaveyokwe Jekoopolluro muugunyo tooro kemi kuunumiyago tooke'aro kemi julkwolaiyo togai'aro tonyu Feroo toolluro nomokwolabiyo'mo karis toorai ilomorumwalluno sumaveyokwe Ijup'no kwolaponumdotogano.

Mollurolovomato 17:1

Toruda'ai yiuwi'nokai Isuraiyolda'ai a'mwo abolo ton Gooti Yawelluro wuudoduke tovi uumjunodupu kwako a'mwomaiyo kuu'maiyo Sen toru kuugollu'movopogano. Toro wuugollu'mo'mno sumaveyokwe kwokado amjo'movlaiyajupogano. Toro ton Gooti Yawel “Dovlaiyulo” wuudoduke toga wuugollu'mo'mdupu muuduko puwai'no avlaiyajupogano. Tono tono mujo'movla'mno sumaveyokwe kwako Refidim toru ki'movo'mno kemi woromollo'mo sel ago ton amodopogano. Kwako amodopo su toru wonyo nonyo'mo tov nonagutorukono.