Muuduko 45:16 - Gooti Toolluro Yogalokwono

¹⁶ To'no'gwowi a'mwo aguto Feroo tooke'aro gamoro a'mwo womdokwe pworogai'aro tooro kuuguudo aro tov kuu'noporogano. “Joosepollu gadai'yago tooro me'no abai'mo'maporogano.” Kuuguudo su tovi wuu'no'mno ilaiyo soporogano.

Muuduko 45:16 ပူးပေါင်းရင်းမြစ်များ

Muuduko 16:6

Toro kuudoka tovi Eburamol kuudokaikono. “Gumoro ki'nato womdokwe abolo su tov guvnokwe to'guujuro ato tovi aguuwoso. Buro'nyo buro'nyo wimokwe kuudo sau'bi tov nokwo mollubino'guugono.” Toro kuudoka tovi Saraiyov Hegaiyovi kaiyako sugolokakwono. Toro igoloduke tovino Hegaiyov lukado avlavokakwono.

Muuduko 20:15

Toro wino sumaiyokwe Abimelekol aro kuudokaikono. “Moro yiuwi'nokai kwako tomuu nooso. Toro kwosuko tonyuda'ai puvi guu gumi kuudo tovida'ai puruv maro'bi nokwo mwalmwalbinekugono.”

Muuduko 41:33

Toro te aga guu Feroo tooku a'mwo pi'mwo kuudokwe pwollu yo'mgonomaro'bi yiuwi'nokai kantri Ijup toru mido mollomwalo yono toollu neya jesubinekugono.

Muuduko 41:37

Joosepol toro wuudoduke tovi Feroo tooke'aro gamoro a'mwo aguto toorogai'aro tooro wuu'no'mno ilaiyo subwosunoporogano.

Muuduko 45:15

Toro juno sumaleyokwe Joosepol gami gadai'yago tooravuro suwado tonyu molluduuduulo mollo'no kumdo amadokaikono. Toro majuno sumaiyokwe gadai'yago tooro Joosepeke kuuguudo adoporogano.

Muuduko 45:17

Toro ino sumaveyokwe a'mwo aguto Feroo tool Joosepollu aro kuudokaikono. “Guu gumi judai'yago jugwai'yago toorai aro duudono. “Kemi kuto ivito ton kemi doonki toorai muunyu toru ilomorosopi kwako Kenan'no aikomgu plapinorekikono.

Kuurotokwe 6:5

Kuurotokwe tooravuro toro kuudopo tovi yiuwi'nokai Jisasolluro a'mwo abolo ton ilaiyo sopogano. Toro tonyuro a'mwo ajesopo pwolluno yovo tov Stivenolekono. A'mwo su tool kuudo noullo maullo miyau'dowo Jisasolluno kuudo tov guureji agudupolallajukekono. Aki Gooti toolluro Kuullo tool mollado'mo'mduke tovi guureji kuumjunyajukekono. Toro toollu jesuno sumaveyokwe aki a'mwo pworogai'aro ajesopogano. A'mwo ajesopo su tooraino yovo tov Filipeke Prookooroseke Nikanooreke Timooneke Pamenaseke aki wagwolago Antiyookda'ai Nikoolaseke'aro toorai ajesoporogano. Muudu'nodo toga Nikoolasol Juu a'mwolmaiyo. Toro kwol kuruv lukomgu Juu tooravuro pasudo tomgu'aro uumjuno'no Juu a'mwo pwolbusuko sumo'nokaikono. Aki toro tool Jisasolluro a'mwo kuunodo me'no kwimo'nokaikono.

Kuurotokwe 7:13

Aki toro tooro lukomgu wosamujuko purukwe'aro wolobiyomollo'mo tooro wolodopure toga'no'gwowi Joosepol gami gadai'yago su toorai gavnokweyolluno kuu'maiyo toru'no adodowiyoku'bworosunokaikono. Toro adodowiyoku'bworosunoka tovida'ai Joosepollu gadai'yago tooro kemi kuugwai'yago Joosepolluno, Oo kwoldeyo, kuudo sauroporogano. Aki su toro toga Feroo tool Joosepollu gadai'yago tooraino, Oo kworodeyo, kuudo souromarokaikono.