Muuduko 45:1 - Gooti Toolluro Yogalokwono

¹ Toruda'ai Joosepol kalo bwotonyo wino'no kumdo jo'mo kwinokaikono. Toro tool a'mwo amuugonodaiyajupo pworai aro amodapiyokaikono. “Kevu yiuwi'nokai Ijupda'ai toorekul kwa'mgu tomuuno dolokwilo.” Amodapiyokaikono. Toro modapino sumaiyokwe a'mwo gabovo pworo mamwalodopure tomuu Joosepol gami gadai'yago toorai gavnokweyolluno kuu'maiyo toru'no wuujo'mo kwinokaikono.

Muuduko 45:1 ပူးပေါင်းရင်းမြစ်များ

Muuduko 42:24

Toro te Joosepol gadai'yago tooro kuuguudo yajunodopure tovi wuu'no'no pumuu wuugollu'mo'mno sumaiyokwe kumdo adokaikono. Toro tool kumdo me'no dopiyogalno sumaiyokwe aikomgu bo'no abuuru'marokaikono. Toro buuru'ma'no sumaiyokwe gamoro womdokwe pworai Simiyoonollu galamworapino'moneyokwe amodapiyokaikono. Toro amodapiyoka tooro yiuwi'nokai Joosepolluro gadai'yago gabovo tooro muugona'dopure toga Simiyoonollu wuulo amerosopekono.

Muuduko 44:34

Toro kuvi kuruv muugunyo akal akawai mwalodowo'jure nuu judo tekwonyu plavo'mi mi nyunumiyago toollu kuuru'ma'mi to'gwowi kaiyako bwotonyo i'nonekono. Toro su'no'ji toollu wonyo'mo manyunadopiyo. Toro tovino tov muugunyo su tool nonagutonyudeyokwe to'gwowi mi nyunumiyago tool kaiyako nyu'no'jokweyo'mo nuu ku'nono mavla'monyugono.” Juuda'wol Joosepollu toro kuudokaikono.

Matyuu 18:15

Aki Jisasol aro kuudokaikono. “Guvu gumi avalo Jisasolluro a'mwo pwekwo kaiyako sagujugolo'ji tov guu yiulo tomuu'aro kwollomno bo'bi gamoro kaiyako sagujugolo'ji su tovino kuu'maiyo toru neya dodolukuurubweyono. Gumoro su toro adodolukuurubwebi tovi a'mwo tool wuu'nowo'ji gami poowokalago kuunodo tokwe adodowiyoku'bworosuno'ji tov a'mwo su tekwo gumi jugwai'yago aki aiko te gujumo'nowo'ji nokwo ibwoto'numwalbullunorakikono.

Kuurotokwe 10:41

Toro kwol kuruv yiuwi'nokai a'mwo abolo tonyu mwiyalo'nokaikono. Yiuno nevu kuu'maiyo toru'no dodoluwoso'moneyokwe Gooti toolluro me'no ajonekubweyoka toonolluno sanekulo'nokaikono. Toro tool aiyo aiko te me'no dukaino sumaiyokwe nevu kweke wosamujuko pugai'aro wonyo togai'aro anomwalowekono.

Kuurotokwe 7:13

Aki toro tooro lukomgu wosamujuko purukwe'aro wolobiyomollo'mo tooro wolodopure toga'no'gwowi Joosepol gami gadai'yago su toorai gavnokweyolluno kuu'maiyo toru'no adodowiyoku'bworosunokaikono. Toro adodowiyoku'bworosunoka tovida'ai Joosepollu gadai'yago tooro kemi kuugwai'yago Joosepolluno, Oo kwoldeyo, kuudo sauroporogano. Aki su toro toga Feroo tool Joosepollu gadai'yago tooraino, Oo kworodeyo, kuudo souromarokaikono.

1 Koorin 13:5

Aki a'mwo pwol a'mwo abolo punyuno kalo buuropino kwino'ji su tool a'mwo abolo tobuurai wogulo iwo'gallo'moneyokwe pasudo ton miyonekono. Aki toro tool gavnokweyolluro kuudo tovi uumjungovlaiyo'mo mwinmwalonekono. Aki a'mwo su tool sumwoluko su'mno yere mimo'nowo'ji a'mwo abolo punyuro kaiya'no igolodopure tonyuno aki aiko te kuudo miyau'mwalonekono.