Muuduko 43:18 - Gooti Toolluro Yogalokwono

¹⁸ Joosepolluro ago tovino toro mollubworomokwoduke toga Joosepollu gadai'yago tooro luko yo'mno aro sajunoporogano. “Awi, sumdomguda'ai nuugwiyo ton nemoro kuto tonyu aki aiko te muna'duke kwonowo tonyuno tov dobaneki'mo'maiyo. Toro toonollu galonekumworaropi ki'nato womdo wiyo'mo meronekubwepino'mo tooro ago akavi donekumokaulmwolavo. Aki nemoro doonki kworogai'aro kemiyo'mo mapinorodeyo.” Sajunoporogano.

Muuduko 43:18 ပူးပေါင်းရင်းမြစ်များ

Muuduko 42:21

Toro todoroto aro sajunoporogano. “Nevu aiyoga nemi nellugwai'yago toollu kaiyako sugolowo tovino tov aga jul'nyo akav aboneki'mo'maiyo. Toro tekwo tabunyu ma'dowo, “Donyo'mwojulo,” nekudoduke kwekwojo kuruv muu'nyubusuko to'no sowo tovino tov tabunyu akav ama'mawonogano.” Sajunoporogano.

Muuduko 42:27

Toro plaino sumaveyokwe sa wollo'moneyokwe towai ai'movoporogano. Toro ki'mo'mno sumaveyokwe a'mwo su todorotaida'ai pwol gami doonki toollu wit sulo pun wuudaluviyo'moneyokwe gami kuto tovida'ai kuudaluviyokaikono. Toro wuudaluvino sumaiyokwe gami nuugwiyo adukwopiyoka ton kuto tovi aiko te muna'duke kwonokaikono.

Muuduko 42:28

Toro wonyuno sumaiyokwe gavuge todorotai yere kuudokaikono. “Awi, moro nuugwiyo adukwopimwa'jo tov aikomgu amullanubwemapokwono. Toro tov moro kuto te amunasuko akavi kevu bwonyulo.” Toro kuudoka tovi wuu'nyuno sumaveyokwe kemoro kalo ton mouguurotowosi soporogano. Toro tooro bu'buto ino sumaveyokwe sajunoporogano. “Awi, Gooti tool akaro anekubweyadopiko akav adado yanekullogolono'mo'mdukono?” Sajunoporogano.

Muuduko 42:35

Toro wuujuno sumaveyokwe kemoro wit kuto ton luptowoso'mno go'no go'nodo todorotavuro nuugwipweyo ton kemi kuto tonyu muna'dopure kwonoporogano. Toro te kevnokwe toorogai'aro kemi kuunumiyago tooke'aro tonumdoto kemoro nuugwiyo me'no adukwopiyopo su ton aiko te muna'dopure tonyu wono'mno luko soporogano.

Muuduko 43:17

Joosepol toro kuudoka tovi gamoro womdokwe tool kuvinono uumjuno'no Joosepollu gadai'yago toorai ago tovino amollubworomokwokaikono.

Muuduko 43:19

Toro yajunyuno sumaveyokwe anoullo toru'no ila'mno Joosepolluro agwapto toruda'ai womdo tovi mollomwalokwe toollu aro kuudoporogano.

Muuduko 44:8

Guu kuudo nyau'mwakuno. Muudu'nodo togasuro nuugwiyo ton nemoro kuto tonyu amullosopo tonyu Kenanda'ai aikomgu amokwolabowonogano. Toro me'no sowo toonol gumoro a'mwo aguto toolluro ago tovida'ai silvadeyo goolodeyo ton kuuko nokwo mokavlawanonoldukono? Awiyo, ku'nono mamokavlawanonogano.

Kuuguudo Sugudo akav Makolluro sakwollokakwono Mak 6:16

Pworo toro junodopure kuvi kuruv Herootolno'gwowi wuu'no'no aro ajajukekono. “Nuu Joonollu mido tovi me'no adovalugulo su tool aduka'mokaldeyo.” Ajajukekono.

Room 7:8

Toro te Gooti toolluro loowo aro dodowodo tov, “Kevu a'mwo pworavuro noonyumwonyu punyuno kwanyu sumdo mainuwipinono,” su toro dodowodo tov ilaiyokwono. Toro kuvi kuruv nuu yogalo su tovi wuu'nodumdo toga kwanyu sumdo kinuwiyo'moneyokwe tov moro poowokalago tovi womdo bwotonyo anyajukonyugono. Toro toonyu kwanyu sumdo ainuwiyajonyugono. Toro tovino tov loowo tov nonaguto'mno'juki ma'no ma'no pasudo gavnokwe tov me'no abollungiko to'busuko nyumo'nowo'ji ku'nono mame'nonumokavlavowo'jujukokwono.