Muuduko 42:9 - Gooti Toolluro Yogalokwono

⁹ Toro te Joosepol gami gadai'yago tooro kwako tovi kuuno wolomuulo'na'dopure toorai wono'no gami aiyogasuro wojo suwo'noka tovino aki aiko te kuudo saurokaikono. Toro kuudo yau'no sumaiyokwe aro soukuu'nuudokaikono. “Kevu nemoro kantri akavi jurogudomaiyokwe pumuuno wonomollo'mo domokadokwe toorekul abadokwoporekikono.” Soukuu'nuudokaikono.

Muuduko 42:9 ပူးပေါင်းရင်းမြစ်များ

Muuduko 37:11

Toro tovino gami gadai'yago tooro kwekuullu kuudo yau'dupu Joosepolluno ilaiyo mwinyajuporogano. Toro kuvi kuruv gami ganumiyago toolno'gwowi Joosepolluro wojo kuudoka tovino kuudo kwolallo sourukwapiyajukekono.

Muuduko 42:16

Toro te kevudorotekulluda'ai pwol tellugwai'yago wuullako su toollu neya ilomorawono. Toro pla'mdowo'jure toga pworekul wuulo killo'mo ago tovi kuule'na'dupinorekikono. Toro kuule'na'dopure toga kemoro tellugwai'yago wuullako toollu kwonmi tov kuudo yaikuu'monyugono. Oo kemoro kuuguudo tov nebalo'mdeyo. Toro kuvi kuruv nuu tellugwai'yago su toollu mwonmi to'gwowi kemino tov, Domokadokwerodeyo, kuudo yekuu'movla'monyugono. Ijup tooravuro Feroo toolluno yovo tovida'ai toro aikudumono.” Kuudokaikono.

Muuduko 42:34

Lukomgu kemi tellugwai'yago wuullako toollu miyomno neya domokabilo. Toro supi tov kuudo yaikuu'monyugono. Oo nebalo anyudoporodeyo. Kuudo yaikuuro'mi nuuge mwalodowo'jure toollu aikomgu nokwo irolowapimekono. Toro surolowapimi toga kevu kantri akavi nokwo yomollomwalpinorekikono.” Anekudokaikono.” Kemi kuunumiyago toollu toro kuudoporogano.

Jagillo 13:2

“Guu kwako Kenan toru wonomollo'moneyokwe Isuraiyolda'ai a'mwo domokwe pworai domorapiyono. Kwako su tov nuu kemi nekullamokwono. Toro te kemoro yiuwi'nokai 12-pela iko tovasuda'ai a'mwo aguto yovokwe pwolno pwolnodo toorai dojesono. Toro ajesubi su tooro kwako Kenan toru'no plavopi wonomollupinorogano.” Kuudokaikono.

Luuk 20:20

Toro te a'mwo mido mollomwalokwe su tooro Jisasollu amuugonallajuporogano. Toro tooro a'mwo domokwe pworai Jisasollomno amoropiyaboporogano. A'mwo amoropiyabopo su tooro Jisasollu kuunano youkuu'nuujo'mo gamoro sumdo tovi a'mwo nebalo pworobusuko kwimo'nyajuporogano. Toro tooro Jisasol gamoro yogalo tov kaiya'no ado'ji tovi'aro galomworaropi a'mwo aguto gavona toolluro ato tovi morubweyo'mo kwinoporogano. A'mwo aguto gavona su tool womdo aguto mujumovlaiyo'moneyokwe yovo aguto kurukwekono.

Hibruu 11:31

Aki aiyoga kwonyalabolo Rahapov Gooti toolluno kuudo kuubweyokakwono. Toro kuudo kuubweyoka su tovi'aro wagwolago Jerikoo kuurupto tovi anakuuto tomuu mwalodowodo kuvi kuruv a'mwo abolo Gooti toolluno kuudo muubweyajupo togai mabolokakwono. Su tov aro tovinokwono. Isuraiyolda'ai a'mwo domokwe pworal abuuru'marolo toorallu Rahapov ilaiyo amollomaroka tovinokwono.