Muuduko 42:38 - Gooti Toolluro Yogalokwono

³⁸ Toro kuudoka kuvi kuruv Jekoopol aro kuudokaikono. “Awiyo, moro muugunyo akal kevuge mwolawonekono. Gami gadai'yago tool me'no abolokaikono. Aki muugunyo akal gami ganeyago tovuro aiyowo'mo wuullako tookono. Toro tool kevuge puuto tomuu plawo'ji kaiyako somaro'ji tov nuu yadaiyo kuunodo tekwonyu kalo kalo'mo yo'mi a'mwo bolodupudo tooravuro tomuu yiuno'no pla'monyugono.” Kuudokaikono.

Muuduko 42:38 ပူးပေါင်းရင်းမြစ်များ

Muuduko 37:33

Toro te Jekoopol youro tovi wonoma'no sumaiyokwe adokaikono. “Oo moro kwolaiyo Joosepollurokwono. Ibesa'ai kuulludaiyo pwol moro muugunyo Joosepollu me'no adovanokaldeyo.” Adokaikono.

Muuduko 37:34

Toro juno sumaiyokwe Jekoopol kalo wino'no gami youro tov roju'nyuno sumaiyokwe kanyu sa wollo'mo youro togai amollosokaikono. Toro tool gami kwolaiyo toolluno kanyu sa wo'dowo iruko bwotonyago kworomwalokaikono.

Muuduko 37:35

Toro wo'duke toollu gamoro yiuwi'nokai kwolaiyo taiyo ton kalo dugoga wireyo'mo abuuru'mallajupogano. Toro buuru'ma'dopure kuvi kuruv Jekoopolluro kalo tovi dugoga mwireyajupogano. Toro tool aro kuujajukekono. “Awiyo, kanyu sa wo'dumdo tekwonyu kumdato mimwogapimonyugono. Yiuno abolmi tekwonyu a'mwo bolodupudo tooravuro tomuu moro muugunyo toollu kuuru'ma'mi toga'no kumdato tov imwogapimonyugono.” Kuujajukekono. Toro wuujuno yodowo gami kwolaiyo toolluno kumdato to'no ajajukekono.

Muuduko 42:13

Toro kuudoka tovi aro kuudoporogano. “Awiyo, kuvimaiyo. Nevu gumi dolago tomuu amwakuuwo tekwojonol a'mwo Kenanda'ai avalo pwolluro 12-pela muugunyo todorotonogano. Toro todorotonolluro aiyowo'mo wuullako tool nemi nellunumiyago tooke amwallo. Aki pwolno'gwowi me'no sovlavokaikono.” Kuudoporogano.

Muuduko 42:37

Toro kuudoka tovi Ruubenol gami ganumiyago Jekoopollu aro kuudokaikono. “Nuu Bejamenollu gumiyomno aikomgu mamokami tool kaiyako amaro'ji to'gwowi guu moro kwolaiyo toorallu nokwo romiyosubinekugono. Toro te guu Bejamenollu neya donyabono. Nuu kwollu po'dogalo mollomwalo'mi aikomgu kuvinono nogumokamonyugono.” Kuudokaikono.

Muuduko 42:4

Jekoopol toro toorai amodapiyoka kuvi kuruv Joosepolluro gagwai'yago Bejamenolluno'gwowi kaiyako pun nomaro'jokweyo'mo mamodapiyokaikono.

Muuduko 43:13

Aki kemi tellugwai'yago wuullako tool kweke momworaropi a'mwo aguto toollomno aikomgu yere dooloulo.”

Muuduko 44:20

Toro anekudoganodo tookuji nevu agudowonogano. “Agutoloo, nemi nellunumiyago yadaiyo kuunodo tekwo nomwallo. Aki kwolaiyo wuullako pwol nemi nellunumiyago tekwo yago mwalo'no aiyowo'mo sawosunoka tool nomwallo. Kwolaiyo su toollu ganeyago tov kwolaiyo pworal somaroka kuvi kuruv sumdomguda'ai tool me'no sovlavokaikono. Toro te yiuno wuullako judo toolno amwallo. Toro toollu gami ganumiyago tool kalo buuropino mollodowodekono.” Agudowonogano.

Muuduko 44:22

Toro anekudodo tovi nevu guu a'mwo aguto tookuji aro agudowonogano. “Nellugwai'yago wuullako su tool ganumiyago toollu kuugollu'mowo'ji tov ganumiyago tekwo yiuno'no bolno yonekwogano.” Agudowonogano.