Muuduko 42:22 - Gooti Toolluro Yogalokwono

²² Toro yajunyuno sumaveyokwe Ruubenol aro kuudokaikono. “Nuu muudu'nodo toga me'no aikudonyugono. “Kwolaiyo toollu kaiyako mwipinono.” Toro aikudo kworekul kuruv muu'nyubusuko soporekikono. Toro sopo tovino tov aga kwolaiyo su toolluro aboloka tovino mido anekuma'maiyo.” Kuudokaikono.

Muuduko 42:22 ပူးပေါင်းရင်းမြစ်များ

Muuduko 4:10

Toruda'ai Gooti Yawel Kenollu kuudokaikono. “Burowo'nyo sumadekudeyo? Jugwai'yago toolluro mujako tov kwako tovi me'no kuumokakwono. Toro tov a'mwo deko to'busuko anyudumoka tovi kuu'numokwono.” Kuudokaikono.

Muuduko 42:23

Toro todoroto kemi yogalo tovida'ai yajuno'mno aro kuudo sauroporogano. Aguto tool nemoro yogalo tovi muu'nonoldeyo. Kuudo yauro'mno kuu'maiyo toru'no nokwo yajunyuno soporogano. Toro yajunodopure kuvi kuruv Joosepol kavo au'nallajukekono. Aro tovinokwono. Sumdomgu Joosepol gami gadai'yago su toorai kuuguudo wuujo'mo tool Ijupda'ai tooravuro yogalo tovida'ai wuudoduke toga a'mwo pwol amollovodo'mwojuujajukekono.

Muuduko 45:3

Joosepol kumdato me'no dopino sumaiyokwe gami gadai'yago toorai aro kuudokaikono. “Nuu Jooseponyugono. Mi nyunumiyago tool kuuno dukomwallo?” Toro kuudoka tovi gadai'yago tooro wuu'no'mno luko bwotonyo soporogano. Toro ino sumaveyokwe Joosepolluro kuudoganoka tovi kemoro yogalo puruv muudoporogano.

Luuk 23:41

Namoro kirumwallo ama'mwakuuwolo to'gwowi nami ma'no ma'nodo tovida'ai kuvi kuuno ama'mwakuuwolo. Toro kuvi kuruv a'mwo akalno'gwowi ma'no ma'no puru'monodo kuruv miyodowodekono.” Kuudokaikono.

Kuurotokwe 28:4

Toro wimo'noduke tovi a'mwo aku'momdo tovida'ai mwalodupudo tooro amuugonaropogano. Toro tooro gabakuto Poololluro ato tov mogudupolopiyoduke toollu wono'mno aro sajunoporogano. “Oo a'mwo akal a'mwo pworai romiyosodowodoldeyo. Toro tool soolwara tovi me'no surolo'nugomoka kwollu kuruv nemoro gooti to'mono'gwowi gami mido marowo'ji yiuno'no bolonoldeyo.” Sajunoporogano. A'mwo su tooro kemi kuunano gooti su tovino aro dodupudorogano. “Nemi Gooti tov Yiuwi'nokai A'mwo Abolo Tonyu Mido Mallokweyokwono.” Dodupudorogano.

Room 2:15

Toro te loowo nonagutokwe tooravuro yodupudo su tov kuu'maiyo toru'no aro tovino anekuduuwalladopiyo. Loowo tovi uumjunyo'moneyokwe kuudo tov Gooti tool kemoro poowokalago tonyu kuulubweyodowodekono. Toro kuulubweyodowo'jure tovi a'mwo gavnokwe tool wonowo'ji aro tovalluno mollodo'movomaronekono. “Oo pasudo akav sugudo'mdeyo oo ma'no ma'nodo'mdeyo.” Toro mollodo'movomallo'moneyokwe kuudo ton kemoro poowokalago tonyu me'no kuuluuwo'dowodorogano.

Adodolukuu'nosungiko 13:10

Gooti tool a'mwo pwollu wuulo killo'mo ago tovi kuulomeroso'mo me'no ajeso'ji su toollu wuulo killo'mo ago tovi kuvinono nomerosupinekono. Aki Gooti tool a'mwo pwollu molo'mo kwallu'mopto tovida'ai bolono'moneyokwe ajeso'ji su toollu kwallu'mopto tovida'ai kuvinono nobolonekono. Toro tovino tov Gooti gavnokwe toolluro a'mwo abolo ton buro'nyo buro'nyo kaiya'nodo tov abwi'mowo'ji toga jurogudo neya da'mwalpinogano. Toro davopi kemi Gooti toolluno kuudo uubweyodupudo tovi guureji neya gudupola'mwalpinogano.

Adodolukuu'nosungiko 16:9

Toro bekuroma'duke kuvi kuruv a'mwo abolo su ton Gooti toollomno kuudo youragunyumo'nyo'mo mwinyajupogano. Aki tabunyuwuulo su tonyu moropiyabiyo'moneyokwe jurogudo tov yiuno Gooti toollu uuwo'duke kuvi kuruv a'mwo abolo ton Gooti su toolluno yovo aguto mwiyajupekono. Aki gamino yovo tovi bwolomorumwogapiyo'moneyokwe kaiya'no yogalo dodupu kemi ma'no ma'nodo pasudo toorai kuuno kuumjungovlaiyajupogano.