Muuduko 42:21 - Gooti Toolluro Yogalokwono

²¹ Toro todoroto aro sajunoporogano. “Nevu aiyoga nemi nellugwai'yago toollu kaiyako sugolowo tovino tov aga jul'nyo akav aboneki'mo'maiyo. Toro tekwo tabunyu ma'dowo, “Donyo'mwojulo,” nekudoduke kwekwojo kuruv muu'nyubusuko to'no sowo tovino tov tabunyu akav ama'mawonogano.” Sajunoporogano.

Muuduko 42:21 ပူးပေါင်းရင်းမြစ်များ

Muuduko 41:9

Lukomgu Feroo toolluro wain wonyo willokwe tool aro abuudokaikono. “Oo aga moro kaiya'no so puvino kuu'maiyo toru'no dodowiyoku'bworosumo'mokwono.” Abuudokaikono.

Muuduko 44:16

Toro wuujuno sumaiyokwe Juuda'wol aro kuudokaikono. “Agutoloo, nevu ma'no ma'no mimawonogano. Toro tovino gujo'moneyokwe kuuguudo puruv nonagutonogano. Nemoro ma'no ma'nodo tov Gooti tool kuu'maiyo toru'no me'no abomollolupto'nosumokaikono. Toro tovino tov yiuwi'nokai todorotonollu gumoro ki'nato womdo yo'mo meronekumwallubinonogano. Muugunyo kapwo tovi so'mgonoma'mapo tooke'aro nev kwonogai'aro todorotonollu meronekumwallubinonogano.” Kuudokaikono.

Muuduko 45:3

Joosepol kumdato me'no dopino sumaiyokwe gami gadai'yago toorai aro kuudokaikono. “Nuu Jooseponyugono. Mi nyunumiyago tool kuuno dukomwallo?” Toro kuudoka tovi gadai'yago tooro wuu'no'mno luko bwotonyo soporogano. Toro ino sumaveyokwe Joosepolluro kuudoganoka tovi kemoro yogalo puruv muudoporogano.

Matyuu 7:2

Su tov aro tovinokwono. Kevu a'mwo abolo tonyuro pasudo tooraino jainyubworopi adomdukuurosupi tov Gooti tool ikumjunowo'ji yiuno aval'nodo tomgu'aro kemoro pasudo tooraino jainbworowo'ji nodomdukuuraikubweyonekono.

Kuuguudo Sugudo akav Makolluro sakwollokakwono Mak 9:48

A'mwo du'muudo su tomuu pla'mdupudo tooravuro kulako tovi avluko maluko'nyo tooro lu'mulonugoulno lu'mulonugoulno yapi mallu'mulonopipinorogano. Aki su tomuu duko tov manebuulopiyowo'ji yiunokuudo mujonugovla'mwalonokwono.”

Luuk 16:28

Nuuge avalo atobuul todoroto nuvu amwako danyu'nyuwuulokwe akamuuno nobupiyokwe duudapi yogalo domodapiyono.”

Kuurotokwe 19:18

Aki su toro toga a'mwo abolo Jisasolluno kuudo muudu'no kuubweyopo bwotonyago ton bo'mno a'mwo abolo pun muugona'dopure toru abododowiyoku'bworosunopogano. Toro tobuuro kemi ma'no ma'nododeyo oo bula'yogalodeyo sajupo tonyuno kuu'maiyo toru'no adodoluwosunopogano.

Jems 2:13

Neya duu'nyulo. A'mwo pwol a'mwo gabovo pwekwojuno kalo mamamwonyo'ji tov Gooti kwol kuruv kooti yogalo aduuwiyo'ji toga a'mwo kalomaiyo su toolluno kalo mamamwonyonekono. Toro kuvi kuruv a'mwo pweku a'mwo abolo punyu kalo amamwonyubi su tookujuno'gwowi Gooti tool kooti yogalo adagujo'ji toga gumino kalo nomagumwonyonekono.

1 Joon 1:9

Toro kuvi kuruv nevu Gooti toollu nemoro ma'no ma'no pasudo tonyuno kuu'maiyo adodowiyoku'bworosuna'ji to'gwowi Gooti tool nemoro yiuwi'nokai ma'no ma'no pasudo tonyuro kirumwallo tovi nomodukwopiyonekono. Aki yiuwi'nokai kaiya'no pasudo mollugolanekumo'mdupudo kworai kuruv nomollol'movanekudukwopiyonekono. Gooti tool pasudo idopto'nodo tovi uumjunowo'ji su toro kuvinono yonekono.