Muuduko 41:8 - Gooti Toolluro Yogalokwono

⁸ Toro tool lomwo toga dukaino sumaiyokwe kuudo kwolallo sourukwapiyokaikono. Toro yourukwapino sumaiyokwe yiuwi'nokai Ijupda'ai pi'mwo kuudokwe tooro abupureyokweyo'mo amodapiyokaikono. Toro te Feroo tool Ijupda'ai pi'mwo kuudokwe toorogai'aro kuuloka toorogai'aro toorai me'no doma'no sumaiyokwe gamoro wojo tovalluno kuuguudo kuudokaikono. Toro kuudoka kuvi kuruv wojo su tovalluro kavlo tovino a'mwo pwolnodo kwol kuruv ku'nono muudoporogano.

Muuduko 41:8 ပူးပေါင်းရင်းမြစ်များ

Muuduko 40:6

Toro iwo'nyuno sumaleyokwe lomwo toga Joosepol abuuru'marokaikono. Toro buuru'ma'no sumaiyokwe a'mwo tooral kemoro sumdomago tov irorako mimwanyodole toorallu abwonokaikono.

Muuduko 40:8

Toro samuugojoka tovi aro kuudolorakono. “Nami wojo suwo'numawolo tovalluno kavlo tov a'mwo nonakujo'mo pwol nonagutomuugono.” Kuudolorakono. Toro wuujuno sumaleyokwe Joosepol kuudokaikono. “Yiuno Gooti toolno wojo tovuro kavlo tov kuu'maiyo toru'no nokwo mollouruudonekono. Toro te kemoro wojo suwo'numalo tovalluno mi nokwo nyudubullunorakikono.” Kuudokaikono.

Muuduko 41:15

Toro mokabino sumaveyokwe Feroo tool Joosepollu aro kuudokaikono. “Moro wojo kwonmo tovino kavlo tovi yowa'no nyudono pwol mamwallo. Toro kuvi kuruv a'mwo pworo aro anyudumaponyugono. “Joosepolno'gwowi wojo tonyuro kavlo ton kuvinono jokwekono.” Anyudumaponyugono.”

Muuduko 41:24

Aki toro muugona'dore toga nabwa'juko muulogulluko ailopingopo su tooro 7-pela no bwotonyo toorai me'nyudapiyodopure kwonmonyugono. Wojo su toro tovi kwonmonyugono. Toro kwonmo tovino a'mwo kuuloka toorai kuudumo kworo kuruv wojo tovalluro kavlo tovino ku'nono manyudumaporogano.” Kuudokaikono.

Muuduko 41:7

Toro muugona'duke toga nabwa'juko muulogulluko ailopingopo su tooro 7-pela no bwotonyo toorai me'nyudapiyodopure kwonokaikono. Feroo tool toro wonyuno sumaiyokwe dukavo'no adokaikono. “Oo nuu wojo tov juwo'nadokwono.” Adokaikono.

Mollurolovomato 7:11

Toro sumo'noka tovi wonyuno sumaiyokwe Feroo tool a'mwo pi'mwo kuudokwe toorogai'aro kuuloka toorogai'aro toorai adomarokaikono. Toro adomaroka tooro Eroonolluro soka to'busuko kubalno Ijupda'ai kevnokweravuro bula'yogalo tokwe sopo tov aval'no sumo'nokakwono.

Mollurolovomato 7:22

Toru sumo'noka kuvi kuruv Ijupda'ai a'mwo bulaptokwe tooro Eroonolluro soka to'busuko kubalno kevnokweravuro bula'yogalo tovida'ai sopo ton aval'no sumo'nokakwono. Feroo tool toro tovi wonyuno sumaiyokwe gamoro poowokalago tovi lumdo kuulopiyo'no Mooseseke Erooneke todorallu kaduko mwiyokaikono. Gooti Yawelluro me'no adoka kuvinono Feroo tool toro sokaikono.

Mollurolovomato 8:7

Toro sumo'noka to'busuko kubalno Ijupda'ai a'mwo bulaptokwe kworo kuruv kevnokweravuro bula'yogalo sopo tovida'ai nabuulo tooro Ijupda'ai kwako tovi abillumo'noporogano.

Mollurolovomato 9:11

Toro kwimo'nopo toga yiuwi'nokai Ijupda'ai a'mwo abolo ton gajuko su tooro amaropo kubalno a'mwo bulaptokwe kworai kuruv aval'no kwimo'noporogano. Toro wimo'nyuno sumaveyokwe a'mwo bulaptokwe su tooro gajuko bwotonyagokwe tooraino tov Moosesol da'mduke wobo toru ku'nono mabodavoporogano.

Matyuu 2:1

Mariyav Jisasollu wagwolago Betelem toru somarokakwono. Wagwolago su tov kwako Juudiya tomuu wo'dowodokwono. Aki su toro toga a'mwo aguto kig Herootol mido amollomwallajukekono. Toro te Mariyav Jisasollu me'no somaroka toga a'mwo pi'mwo kuudokwe pworo kuujo tool sulopiyamoka tomuuda'ai aboporogano. Toro bino sumaveyokwe wagwolago Jeruusalem toru abai'movoporogano. Toro bai'mo'mno sumaveyokwe aro abuudoganomolloporogano.

Kuurotokwe 17:18

Toro adomwalopo tovino tov Poolol kavlo tov aro sodubwasokaikono. “Jisasol bolo'no aiyo aiko te adukavokaikono.” Sodubwasokaikono. Toro yodubwasoduke tovino tov a'mwo ibwasokwe pworo Pooleke yogalo aullajunoporogano. Ibwasokwe su tooraino yovo tov pworo Epikuuriyanoravo dodupudorogano. Aki pworo Stoowikoravo dodupudorogano. A'mwo ibwasokwe su tooravuro pworo Poolollu bwolomorumwogapiyo'moneyokwe aro adoporogano. “A'mwo kuudo maiyo akal gavnokweyol ilomoropunyu yokwekono. Toro tool buro'nyo kavlo tov nekudono'mo duukwinadopiyo?” Adoporogano. Aki pworo aro adoporogano. “Oo a'mwo akal a'mwo pumuuda'ai pworavuro gooti tooraino amoruudomolladopikekono.” Adoporogano.

Kuurotokwe 7:22

Toro mollumwojoduke toollu yiuwi'nokai Ijupda'ai a'mwo pi'mwo kuudokwe tooro bodupu kuuguudo sodubwasajuporogano. Toro yodubwasodopure tovi Moosesol wuu'nodowo yogalo pi'mwono jokwe sumo'nyajukekono. Aki toro tool womdo judo'no judo'nodo ton yo'mo jurogudokwe sumo'nyajukekono.

1 Koorin 1:19

Su toro tovino Gooti toolluro yogalo puruv aro sakwollungikokwono. “Nuvu a'mwo abolo kuudo do'moptokwe tonyuro pi'mwo kuudo tovi kaiyako nomolloujulowapimonyugono. Aki toro tonyuro kuudo yovo'dogallau'dopure kullovai kuruv yiunokuudo nuumjuku'monyugono.” Sakwollungikokwono.