Muuduko 41:25 - Gooti Toolluro Yogalokwono

²⁵ Toro kuudoka tovi Joosepol Feroo toollu aro kuudokaikono. “Gumoro wojo tovalluro kavlo tov yiuno puru'monodo tovino kwonmadokwono. Gooti tool gamoro nyono tovino aguduuwallumokaikugono.

Muuduko 41:25 ပူးပေါင်းရင်းမြစ်များ

Muuduko 40:8

Toro samuugojoka tovi aro kuudolorakono. “Nami wojo suwo'numawolo tovalluno kavlo tov a'mwo nonakujo'mo pwol nonagutomuugono.” Kuudolorakono. Toro wuujuno sumaleyokwe Joosepol kuudokaikono. “Yiuno Gooti toolno wojo tovuro kavlo tov kuu'maiyo toru'no nokwo mollouruudonekono. Toro te kemoro wojo suwo'numalo tovalluno mi nokwo nyudubullunorakikono.” Kuudokaikono.

Muuduko 41:16

Toro kuudoka tovi Joosepol Feroo toollu kuudokaikono. “Awiyo, nuvnokwe toonyu ku'nono magudumonyugono. Toro kuvi kuruv Gooti toolno'gwowi gumi gujumo'nono tovino kavlo tov nokwo gudonekono. Toro gudodowo'jure tovida'ai kavo nokwo mwalbinekugono.” Kuudokaikono.

Muuduko 41:26

Toro te 7-pela buulmokau bwotonyo toorogai'aro 7-pela wit no bwotonyo toorogai'aro tooro 7-pela kworomo tobuullunokwono. Yiuwi'nokai su tooro kavlo puru'monodo su tovino kwonmadokwono.

Muuduko 41:28

Toro wuujuno sumaiyokwe aki aro kuudokaikono. “Nuu sumdomgu agudumo tov kuvinono agujumo'nadopiyo. Toro te Gooti tool gamoro lukomgu nyono tonyuno guu Feroo tookuji yiuno'no aguduuwallumokaikugono. Toro tov aro tonyunokwono.

Muuduko 41:32

Aki guu Feroo tooku wojo pugasal suwo'numado tovino tov Gooti toolluro aguduwallumoka tov kuvinono nyumo'nonokwono. Aki toro tov nyumo'nono'mo wobo togakono.

Mollurolovomato 9:14

Guu manuu'nyubusuko subi tov nuu tabunyuwuulo pugai'aro nekubwemonyugono. Sumdomguda'ai tabunyuwuulo ton gumoro a'mwo womdo tovi mollomwalokwe toorogai'aro gumoro a'mwo abolo togai'aro tonyuno to'no uubweyodumdo kuvi kuruv aga'no'gwowi guu kwekuge'aro yiuwi'nokai togaikullu ikubwemonyugono. Toro aikubwemi tovi'aro kevu aro kuudo yanuupinogaikikono. Oo Gooti Yawel su toolbusuko gabovo pwol kwako akavi nonagutomuugono. Kuudo yanuupinogaikikono.

Matyuu 24:40

Su toro toga a'mwo pworal kemi wosamuju'womdo anakuuto tomuu womdo yodo'bule toga Gooti tool pwollu molluduvolowo'ji pwollu nomokailawonekono.

Kuuguudo Sugudo akav Makolluro sakwollokakwono Mak 13:23

Yiuwi'nokai nyumo'nono su tonyuno nuu duudapi yogalo me'no aikullumonyugono. Toro tovino tov kevu wako neya dou'nogaulo.” Jisasol toro kuudokaikono.

Efesos 1:17

Toro kwonyu kuruv nemi Aguto Jisas Kraisolluro Gooti toollu kuuno wuudumovla'mwalmonyugono. Gooti su tool bako bwotonyo pwopiyodowodo tomuuda'ai Nellunumiyago kuunodekono. Toro toollu nuu aro tonyuno subusu'nyogalo wuudodumdonyugono. Gooti toolluro Kuullo tool pi'mwo kuudo tov kemi nokwo ikubwemwalonekono. Gamoro pi'mwo kuudo ikubweyodowo'jure tokwe kevu Gooti toolluno kuudo bwotonyago nyouroma'mwalpinogaikikono.

Adodolukuu'nosungiko 4:1

Toruda'ai nuu Joononyu sumdo yenomolluno sumoneyokwe aro tovi kwononyugono. Gooti toolluro ago muunyu kai'muu kudo'aiko tov ausodavokakwono. Aki yogaimaguurai sumdomgu me'no kuu'no tov aki aiko te aval'no anyudokakwono. Yogaimaguurai su tov biugel guureji ki'nodowodo to'busuko tovi kuu'nonyugono. Toro te yogaimaguurai su tov aro anyudokakwono. “Guu akawai'no julabono. Toro sulabi tookuji aro tov guduuwallumonyugono. Yiuwi'nokai lukomgu nyumo'nugobupino tonyuno guduuwallumonyugono.” Anyudokakwono.