Muuduko 41:1 - Gooti Toolluro Yogalokwono

¹ Toruda'ai kworomo pullal me'no kuuwolo'noka toga Feroo tool wojo puruv iwo'no'no aro tovi kwonokaikono. Feroo gavnokwe tool wonyo Nailovi wolo toru davo'no kwonokaikono.

Muuduko 41:1 ပူးပေါင်းရင်းမြစ်များ

Muuduko 20:3

Toro kuumokabopo kuvi kuruv surakuuto su tollugwoji Gooti tool Abimelekollu wojo tovi'aro bwiyalo'no'no aro kuudokaikono. “Abolo ama'mwakudo su tov a'mwo pwollurokwono. Toro tovi guu ama'bi tov nobolbinekugono.” Kuudokaikono.

Muuduko 28:12

Sa wolluno sumaiyokwe wojo tov aro suwo'nokaikono. I'deko puruv kwako tovi'aro i'muu Gooti toolluro ago tomuu'aro wo'duke tovi kwonokaikono. Toro te Gooti toolluro ensel pworo i'deko su tovi ilno wolabino yodopure toorai kwonokaikono.

Muuduko 40:23

Toro kuvi kuruv a'mwo wain wonyo willokwe tool Joosepolluno kuudo sallulo'gwonyajukekono.

Muuduko 40:5

A'mwo su tooral surakuuto pullugwoji wuulo killo'mo ago tovi kuuno kuule'narolno yiuwi'nokai tooral wojo suwo'nolorakono. Ijupda'ai a'mwo aguto kig Feroo toolluro wain wonyo willodowodo tooke'aro bret doto yodowodo tooke'aro tooral wojo puruval kavlo go'no go'nodokwe tovallu suwo'nolorakono.

Muuduko 41:2

Toro muugonoda'duke toga 7-pela buulmokau bwotonyo inuuguutowopinodo tooro wonyo Nailovida'ai ilabo'mno gwo'gwopto ton bilomulanodopure toorai kwonokaikono.

Mollurolovomato 1:22

Toro te Feroo tool yiuwi'nokai Ijupda'ai a'mwo abolo tonyu aro aduuwiyokaikono. “Isuraiyolda'ai tonyuro kwolaiyo muudogarodeyo adupi tov wonyo Nailovi domorumikapiyogaulo. Toro kuvi kuruv taiyodeyo adupi to'gwowi nokwo wonyapino jogaulo.” Aduuwiyokaikono.

Mollurolovomato 4:9

Toro kuvi kuruv yiuwi'nokai duuwallo su tovallu me'no kwonpi toga gumi kuudo magubweyopi aki kaduko magujupi to'gwowi guu aro ibinekugono. Guu wonyo Nailovida'ai pun iromaro'bi kwako yalukullo toru kimowosubinekugono. Wonyo aimowosubi su tov muja'buugo imo'nowo'ji kwako tovi muunyu toru woronokwono.” Kuudokaikono.

Matyuu 27:19

Toro te Pailatol kooti yogalo duuwiyo'mo sia aguto puvi ilomwaloduke toga gamoro abolo tov yogalo aro adopiyabokakwono. “Guu a'mwo ma'no ma'nodo maiyokwe su toollu kaiya'no migolbinono. Su tov aro tovinokwono. Nuu surakuuto toga a'mwo su toolluno wojo kaiya'nodo puruv me'no suwo'nyugo'migono.” Adopiyabokakwono.