Muuduko 4:5 - Gooti Toolluro Yogalokwono

⁵ Toro kuvi kuruv Keneke'aro gamoro wosamujuko kwiyoka togai'aro tonyuno'gwowi ilaiyo mamollomarokaikono. Toro tovino tov Kenol surodo bwotonyo kuunokaikono. Toro wuunyuno sumaiyokwe mesubuuto to'no airowopiyokaikono.

Muuduko 4:5 ပူးပေါင်းရင်းမြစ်များ

Muuduko 39:19

Toro soukuu'nuudoka tovi wuu'nyuno sumaiyokwe Joosepolluro a'mwo aguto tool kuudo saurokaikono. Oo Joosepol moro abolo tovi ilaiyo migolmokaldeyo. Kuudo yau'no sumaiyokwe Joosepolluno surodo kuunokaikono.

Matyuu 20:15

Nuvu moro nuugwiyo tokwe buro'nyo buro'nyo yo'mo kuudo sau'mi tov nuvnokwe toonyu anuwoso. Toro tovino tov nuu a'mwo abolo punyu yanyago wiyo'mo yodo'mure tovino kevu kwekuullu kuudo nyaupiyo.” Jukwo tool kuudokaikono.”

Kuurotokwe 13:45

Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano.

Hibruu 11:4

Aiyoga Ebelol Gooti toolluno kuudo kuubweyajukekono. Toro kuubweyajuko su tovi'aro gamoro Gooti toollu kwiroudapiyoka tov Kenolluro kwiroudapiyoka tovino'gwowi kuuwolovokakwono. Ebelol Gooti toolluno kuudo kuubweyoka tovino tov Gooti toolluro sumdo tovi sugudo kwimo'nokaikono. Toro te Gooti tool Ebelollu ilaiyo amollomaroka tovino kuu'maiyo wuuduuwallo'moneyokwe tov Ebelolluro kwiroudapiyoka kuvi kuruv ilaiyo amollomarokaikono. Ebelol me'no abolokaikono. Toro kwol kuruv Ebelolluro kuudo kuubweyoka su tovino aga kuga kuruv kuuno nekudodowodokwono.

Juut 1:11

Oo Gooti tool a'mwo su toorai kirumwallo'moneyokwe tabunyuwuulo bwotonyo tov nuubweyonorogano. Toro uubweyono tovino kavlo tov arokwono. A'mwo su tooravuro pasudo tov aiyoga Kenolluro pasudo amjumovlaiyajuko to'busuko kubalno aval'no mujumovla'mdupudorogano. Aki toro tooro nuugwiyo ki'nomallo'moneyokwe aiyoga Balamolluro kaiya'no pasudo sajuko to'busuko kubalno kaiya'no pasudo yiuno aval'nodo tonyu guureji mujumovla'mdupudorogano. Aki aiyoga Koora'weke'aro a'mwo pworogai'aro tooro kisuvolo wiyodopure toorai Gooti tool aromiyebuuropiyokarogano. A'mwo su toorai kwimo'noka to'busuko kubalno Gooti tool a'mwo kuunano ibwasokwe kworai kuruv aval'no noromiyebuuropiyonorogano.

1 Samwel 16:7

Toro kuudo sauroka kuvi kuruv Gooti Yawel Samwelollu kuudokaikono. “A'mwo aguto kig imo'nyo'moneyokwe a'mwo su toolluro kumi'yago'mdeyo oo sugumaluko'mdeyo tovi wono'bi majesubinono. Moro a'mwo ajeso tool su to kwolmaiyo. Kevu kwako tovi mwalodupudo toorekul a'mwo tooravuro kwa'mguda'ai kulako tovino to'no wonyokwerekikono. Toro kuvi kuruv nuu Gooti Yawel toonyuno'gwowi a'mwo tooravuro poowokalago kunyuda'ai wonyokwenyugono.” Kuudokaikono.