Muuduko 4:4 - Gooti Toolluro Yogalokwono

⁴ Aki Ebelol gami sipsip mulejai'nodupudo tooravuro sujuraiyo pwollu romino sumaiyokwe munollo sugudo ton dovomokabo'no Gooti Yawellu abuuwiyokaikono. Toro te Gooti Yawel Ebeleke'aro gamoro kwiyoka tokwe'aro tovalluno ilaiyo amollomarokaikono.

Muuduko 4:4 ပူးပေါင်းရင်းမြစ်များ

Muuduko 15:17

Toruda'ai kuujo tool me'no wolomwolno sumaiyokwe surakuuto ajunoka toga soospen dukworokakwe purukwe'aro gworeko purukwe'aro toval abillumo'nolovakono. Toro toval billumo'nyuno sumaleyokwe Eburamolluro buulmokau meme sipsip dokato sobimowosoka toorai imgu amgu akuuto toru'aro alokabolovakono.

Muuduko 4:3

Toro todoral mwalno sumaleyokwe iruko pullugwoji Kenol gami womdo tovida'ai wosamujuko pun mulomokabino sumaiyokwe Gooti Yawellu abuuwiyokaikono.

Mollurolovomato 13:12

kemoro yiuwi'nokai kwolaiyo sujuraiyo muudu'nodo yawosunodupudo tooro Gooti Yawello'mo neya duuwiyulo. Aki kemoro noonyumwonyu wuulo ki'duvolodupudo tooravuro muudu'nodo yawosunodupudo kwolo tooro Gooti Yawellu wiroudapiyo'morogano.

Hibruu 11:4

Aiyoga Ebelol Gooti toolluno kuudo kuubweyajukekono. Toro kuubweyajuko su tovi'aro gamoro Gooti toollu kwiroudapiyoka tov Kenolluro kwiroudapiyoka tovino'gwowi kuuwolovokakwono. Ebelol Gooti toolluno kuudo kuubweyoka tovino tov Gooti toolluro sumdo tovi sugudo kwimo'nokaikono. Toro te Gooti tool Ebelollu ilaiyo amollomaroka tovino kuu'maiyo wuuduuwallo'moneyokwe tov Ebelolluro kwiroudapiyoka kuvi kuruv ilaiyo amollomarokaikono. Ebelol me'no abolokaikono. Toro kwol kuruv Ebelolluro kuudo kuubweyoka su tovino aga kuga kuruv kuuno nekudodowodokwono.

Hibruu 9:22

Su toro tomgu'aro Moosesolluro loowo tovi dolago tomuu mwalodupudo tonyu mujako tokwe luvourokurapiyodupudorogano. Toro luvourokurapiyodupudo tov yiuwi'nokai loowo tovi dolago tomuuda'ai go'no go'nodo toorai wobo toru mollol'movodukwopiyo'mo yodowodokwono. Mujako su tov mabwolawo'jujuko'mno'juki Gooti tool ma'no ma'nodo tovuro kirumwallo tovi mamodukwopiyowo'jujukekono.

Adodolukuu'nosungiko 13:8

Toro te yiuwi'nokai a'mwo abolo kwako akavi mwalodupudo ton ibesa'aiyo kaiya'no kuumwiyo su toollu sulomoropiyajupogano. Toro sulomoropiyajupo su ton aiyoga kwako akav yere mimo'nyoduke togada'ai kemino yovo ton Buukiyo Aiyo Yiunokuudo Mujomwekovlaiyo'moneyokwe tovi miyakwollungikogano. Buukiyo su tov Sipsip Muugunyo me'no aromiyosopo toollurokwono.