Muuduko 39:21 - Gooti Toolluro Yogalokwono

²¹ Joosepol wuulo killo'mo ago tovi toro kuule'na'duke kwollu kuruv Gooti Yawel kweke mwalodowo kalo buuropino kwinyajukekono. Toro winoduke tovida'ai Joosepol ilaiyo to'no amjumovlaiyajukekono. Toro mujumovla'mduke toollu wuulo killo'mo ago tovida'ai a'mwo mollomwalokwe tool wono'no Joosepolluno ilaiyo kwinokaikono.

Muuduko 39:21 ပူးပေါင်းရင်းမြစ်များ

Muuduko 21:22

To'no'gwowi su toro toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollomno bino sumaleyokwe Abimelekol aro kuudokaikono. “Gumoro yiuwi'nokai yodumdo tonyu Gooti tool gujo'mwojodowodo tovi me'no gwonodowolonakono.

Muuduko 39:2

Toro te Joosepol Ijupda'ai a'mwo Pootifalluro agwapto toru womdo sajukekono. Toro yoduke toollu Gooti Yawel kweke mwalodowo kwiyo'mwojajukekono. Toro te Joosepolluro womdo yoduke tov ilaiyo to'no amjumovlaiyajukekono.

Muuduko 39:3

Toro mujumovla'mduke toollu Pootifal wonomaro'no aro kuudo saurokaikono. Gooti Yawel a'mwo su tooke mwalodowodekono. Toro wiyo'mwojoduke tovida'ai Joosepolluro yiuwi'nokai womdo yodowodo ton yiuno sugudo to'no jumo'nugovla'mwallo. Kuudo saurokaikono.

Muuduko 39:4

Toro kuudo yau'no sumaiyokwe Pootifal Joosepolluno ilaiyo winodowo gami do'nuwimwalono'moneyokwe ajesokaikono. Aki gamoro agwapto toruke'aro yiuwi'nokai ago tovi kuulomwalodupudo togai'aro tonyu mido mollomwalo imwalono'moneyokwe ajesokaikono. Toro ajesoka togada'ai Gooti Yawel Joosepolluno kuudo yau'dowo Ijupda'ai Pootifalluro yiuwi'nokai agwapto towaida'ai womdo tonyu sugudo kuubweyajukekono. Yiuwi'nokai ago kuulomwalodupudo togai'aro kwa'mguda'ai wosamuju'womdodeyo togai'aro tonyu sugudo kuubweyajukekono.

Muuduko 40:3

Toro wuunyuno sumaiyokwe a'mwo toorallu wuulo killo'mo ago tovi aulomerosokarakono. Wuulo killo'mo ago su tov Feroo toolluro duuwato womdokwe toorai mido mollomwalokwe toolluro wuulo killo'mo agokwono. Aki wuulo killo'mo ago avalo su tovi Joosepol ai'nallajukokwono.

Mollurolovomato 11:3

Toro kuudoka toga Gooti Yawelluro yoduke tovida'ai Ijupda'ai a'mwo abolo ton Isuraiyolda'ai tonyuno ilaiyo to'no amollajupogano. Aki kwako Ijup toru Feroo toolluro a'mwo womdo tovi mollomwalokwe toorogai'aro a'mwo abolo togai'aro ton Moosesolluno tov, Oo a'mwo aguto kuunodo pwoldeyo, kuudo saullajupekono.

Mollurolovomato 12:36

Toro te Gooti Yawelluro yoduke tovida'ai Ijupda'ai tonyuro sumdo tovi Isuraiyolda'ai ton yovo agutokwe kwimo'nopogano. Toro tovino tov, “Noonyumwonyu pun donekullabilo,” kuudoganopo toga Ijupda'ai ton nokwo wino sopogano. Toro te Isuraiyolda'ai ton Ijupda'ai tonyuro kuto ivito ton su toro tomgu'aro ajupolomokavlavopogano.

Mollurolovomato 3:21

Aki kevu kwako Ijupda'ai bolokuupino su toga yasuwa'no muugollu'mopinogaikikono. Numoro aikullo'mwojumi tovida'ai Ijupda'ai a'mwo abolo ton kemi kwako tomuu'aro ikullupinogano. Aki su toro tonyuro kuto ivito aikullabupi togai kevu nomokavlapinogaikikono.

Room 8:37

Toro te buro'nyo buro'nyo tabunyuwuulorodeyo su tooro nobaneki'mo'mdopure toga ku'nono manekuuwolo'mwalpinorogano. Toro kuvi kuruv nemino kalo buuropino winodowodo Jisasollu'aro to'gwowi yiuwi'nokai toga nuuwolo'mwalanonogano.

1 Pita 3:17

Kuudo neya jaullulo. Puga Gooti tool aro kuudo yauronekono. Moro a'mwo abolo ton tabunyuwuulo pun neya amapuro. Kuudo yauronekono. Toro te kevu gamoro ilaiyo winodowo'jure tovi kuumjunpi tovida'ai tabunyuwuulo pun mapinogaikikono. Su tov ilaiyokwono. Toro kuvi kuruv kevnokwe togaikulluro kaiya'no pasudo tooraida'ai tabunyuwuulo amapi to'gwowi ilaiyo'maiyo.