Muuduko 39:10 - Gooti Toolluro Yogalokwono

¹⁰ Joosepol toro kuudoka kuvi kuruv Pootifalluro abolo tov yiuwi'nokai iruko toga wuudoganyuno wuudoganyuno sajukokwono. Toro wuudoganoduke tovi Joosepol abolo tovi muu'nyubusuko yodowo abolo tokwe mamollallajukekono. Aki abolo tovi wobo toru'aro mwiyajukekono.

Muuduko 39:10 ပူးပေါင်းရင်းမြစ်များ

Muuduko 39:11

Toruda'ai iruko pullugwoji Joosepol ago tovi womdo kuullo'moneyokwe a'mwo pworo maulomwalodopure toga aulokaikono.

Muuduko 39:8

Toro kuudoganoka kuvi kuruv Joosepolno'gwowi kaduko mwiyo'no aro kuudokaikono. “Awiyo, moro a'mwo aguto tool gamoro yiuwi'nokai kuto ivito ton moro ato tovi nubweyodowo kuudo kwolallo miyourokwapiyokwekono.

Muuduko 39:9

Gumoro kwolo Pootifaike'aro nuuge'aro toonal ago akavida'ai mido mollomwallo'mo tov yiuwi'nokai toonal aval'nodonakono. Aki gumoro kwolo su tool yiuwi'nokai tonyuno madanumjukullokwekono. Toro kuvi kuruv gamoro abolo to'guuge mollagwollo'mo to'gwowi danumjuku'dowodekono. Toro tovino tov nuu Gooti toollu kaiya'no nyugolmiyokweyo'mo tov kirovanyuvanyu su toro tov ku'nono mimonyugono.” Joosepol Pootifalluro abolo tovi toro kuudokaikono.

1 Koorin 15:33

A'mwo su toro dodupudo tooravuro youkuu'naikudodopure tovi kevu kaduko nuuwimwalpiyo. Neya duu'nyulo. Nevu Jisasolluro a'mwo abolo tonol sugupasudo yo'mo nekullunodowo'jure kuvi kuruv a'mwo ma'no ma'nodokwe su toorogai amjonomwekovlawa'ji tov kemoro ma'no ma'no pasudo toorai uumjunanogano. Su toro tomgu'aro nemoro sugupasudo tovi kaiyako igolanekumopinorogano.

1 Koorin 6:18

Toro tovino tov kevu kwonyalo nyumwalpiyokwe tovino lukado neya dovlavogaulo. Nemoro ma'no ma'no yodowado pun yiuno kwa'mgu kulako tovida'aiyogano. Toro kuvi kuruv a'mwo pwol kwonyalo so'ji to'gwowi gavnokweyolluro kulako su tovi kaiyako igolamo'nonekono.

1 Tesaloonaika 5:22

Aki toro togaikul yiuwi'nokai ma'no ma'no pasudo judo'no judo'nodo tonyu manyu toru'aro neya delpolodavogaulo.

1 Timooti 5:14

Su toro tovino tov nuu guureji aro daikumul'mwojumo'mokwono. Abekanyo muugunyunodo ton kemi kwolo muuduko toorai yere neya yo'mgonoma'mwalpinogano. Toro ton kwoloraiyo yawosunopi kemi ago tonyu kuulomwalodopure tobuurai nokwo mollomwalmwalpinogano. Su toro supi tov ikomago pwol kemi bwolomorumwogapiyo'moneyokwe kaiya'no yogalo wuujo'mo kuruv ku'nono madonekono.

2 Timooti 2:22

Guvnokwe tooku muugunyekugono. Toro tooku muugunyo tooravuro pasudo pworo kulako tokwe ilaiyo igollunyo'moneyokwe uumjunodupudo tooraida'ai guu manyu tomuuno lukado neya dovlavogawono. Toro kuvi kuruv guu pasudo idopto'nodo tokwe'aro Gooti toolluno kuudo uubweyo'mo tokwe'aro kalo buuropino mollo'mo tokwe'aro sumwoluko noullo wosunyo'mo tokwe'aro pasudo su tonyuno'gwowi neya denamjogawono. Aki a'mwo kemi poowokalago kuunodo tokwe Aguto toollu subusu'nyogalo wuudodupudo su toorogai aval'no neya denamjogaulo.

1 Pita 2:11

Mi ibwoto'nyobuuravoo, kevu kwako akavida'aiyogaikulmaiyo. Toro te kevu kwako akavi mwalopi toga yiuno kwako pumuuda'ai a'mwo bomwallo togaikulbusuko to'no imo'nugovla'mdupudogaikikono. Toro tovino tov nuu duudapi yogalo guureji aro ikudumo'mokwono. Kevu kemi kwako akavida'ai kulako tonyuro buro'nyo buro'nyo ilaiyo igollunyo'mo ikullunodowodo su toorai nuumjunmwalpiyo. Pasudo su tooro kemoro poowokalago tobuurai molo bwotonyo wiyodupudorogano.