Muuduko 39:1 - Gooti Toolluro Yogalokwono

¹ To'no'gwowi Isumaiyololluro iko tovasuda'ai a'mwo pworo Joosepollu Ijup'no amokavlavopekono. Toro mokavla'mno sumaveyokwe a'mwo Ijupda'ai pwol Joosepollu abiyomarokaikono. A'mwo abiyomaroka su toolluno yovo tov Pootifalekono. Toro tool Ijupda'ai a'mwo aguto Feroo toollu gavman womdo agutokwe wimo'nodowo a'mwo aguto Feroo toolluro agwapto toruda'ai duuwato womdokwe toorai mido amollomwallajukekono.

Muuduko 39:1 ပူးပေါင်းရင်းမြစ်များ

Muuduko 37:25

Toro me'no wolomoropino sumaveyokwe toga wosamujuko ton anomwaloporogano. Toro tooro nomwalno sumaveyokwe a'mwo Isumaiyololluro iko tovasuda'ai pworo kemi sa'ai kemel toorai mollubworomokabodopure toorai suloonyopiyaporogano. Isumaiyololluro iko tovasuda'ai a'mwo su tooro nuugwiyo mallo'moneyokwe Giliyatda'ai bo'mno kemi wobeya sudo kuunyokwe mur togai'aro i'mujako marasin pugai'aro tonyu kemi kemel toorai muunyu toru ilomorosuno sumaveyokwe Ijup'no amokavlavoporogano.

Muuduko 37:28

Toro te kwako Midiyada'ai a'mwo Isumaiyololluro iko tovasuda'ai su tooro kuuno bodopure toga gadai'yago tooro Joosepollu buuso tovida'ai wole'nomora'mno a'mwo su toorai uumallo'mno 20-pela silva nuugwiyo tobuuke sodolovomaropekono. Toro te Midiyada'ai a'mwo su tooro Joosepollu Ijup'no ameromokavlavopekono.

Muuduko 37:36

Toro yoduke toga a'mwo Midiyada'ai tooro Joosepollu Ijup'no mokavla'mno sumaveyokwe Pootifallu ki'nato womdo wimwalono'moneyokwe wiyo'mno nuugwiyo amaroporogano. Pootifal Ijupda'ai a'mwo aguto Feroo toollu womdo agutokwe wimo'nodowo Feroo toolluro agwapto toruda'ai duuwato womdokwe toorai mido amollomwallajukekono.

Muuduko 40:3

Toro wuunyuno sumaiyokwe a'mwo toorallu wuulo killo'mo ago tovi aulomerosokarakono. Wuulo killo'mo ago su tov Feroo toolluro duuwato womdokwe toorai mido mollomwalokwe toolluro wuulo killo'mo agokwono. Aki wuulo killo'mo ago avalo su tovi Joosepol ai'nallajukokwono.

Muuduko 45:4

Toro te Joosepol gami gadai'yago toorai kuudokaikono. “Kevu wobo akaru dobilo.” Toro doma'no sumaiyokwe wobo toru abodavopo toorai aro kuudokaikono. “Nuu Jooseponyugono. Toro toonyu aiyoga a'mwo pworo kemi nuugwiyo ikubiyo'mno mi amonuwapiyoponyugono. Toro te a'mwo su tooro Ijup akaru'no anumokaboponyugono.

Kuurotokwe 7:9

Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono.