Muuduko 37:34 - Gooti Toolluro Yogalokwono

³⁴ Toro juno sumaiyokwe Jekoopol kalo wino'no gami youro tov roju'nyuno sumaiyokwe kanyu sa wollo'mo youro togai amollosokaikono. Toro tool gami kwolaiyo toolluno kanyu sa wo'dowo iruko bwotonyago kworomwalokaikono.

Muuduko 37:34 ပူးပေါင်းရင်းမြစ်များ

Muuduko 37:29

Toruda'ai lukomgu Ruubenol pumuu sogallajuko tool Joosepol buuso tovi wolomwoloduke toollu wonyo'moneyokwe abokaikono. Toro aboka kwol kuruv Joosepol me'no avlavoka toolluno tov mwonokaikono. Toro tool kalo wino'no gami youro tov aroju'nokaikono.

Muuduko 42:38

Toro kuudoka kuvi kuruv Jekoopol aro kuudokaikono. “Awiyo, moro muugunyo akal kevuge mwolawonekono. Gami gadai'yago tool me'no abolokaikono. Aki muugunyo akal gami ganeyago tovuro aiyowo'mo wuullako tookono. Toro tool kevuge puuto tomuu plawo'ji kaiyako somaro'ji tov nuu yadaiyo kuunodo tekwonyu kalo kalo'mo yo'mi a'mwo bolodupudo tooravuro tomuu yiuno'no pla'monyugono.” Kuudokaikono.

Muuduko 44:13

Toro so'mgonomaroka tovi Bejamenollu gadai'yago tooro wonyuno sumaveyokwe kalo'mo tooro kemi youro ton aroju'noporogano. Toro roju'nyuno sumaveyokwe kemi wosamujukuto ton kemi doonki toorai muunyu toru ilomorosuno sumaveyokwe wagwolago tovino aikomgu aboporogano.

Matyuu 11:21

“Aiyoo, kevu wagwolago Koorasin toruke'aro Betisaida toruke'aro tovalluda'ai mwalodupudo togaikul jul'nyo nomapino tov kula'nyo'maiyo. Bwotonyo kuunodokwono. Neya duu'nyulo. Moro duuwallo jurogudo ikuduuwallodumdo ton wagwolago Tairuke Saidoonke tovallu kuuduuwallo'mujuko'mno'juki a'mwo abolo kirovanyuvanyu kuumwiyo mwalodupudo su ton aiyogada'ai Gooti toollomno kuudo me'no souragunyumo'nopujukogano. Aki toro ton kalo winodopure tovino duuwallo'moneyokwe tov kanyu sa wollo'moneyokwe youro togai mollosopi kemi mido tonyu kwagupto tokwe aluvobwosu'naropujukogano. A'mwo abolo kirovanyuvanyokwe su ton Gooti toollomno su toro tomgu'aro kuudo souragunyumo'nopujukogano.

Matyuu 26:65

Su toro kuudoka tovi wuu'nyuno sumaiyokwe pris aguto tool, “Oo Gooti toolluno kaiya'no yogalo dodumaiyo,” do'no kalo'mo ino sumaiyokwe gavnokweyolluro youro tov aroju'nokaikono. Toro tool kuudokaikono. “Kevu a'mwo akalluro Gooti toolluno kaiya'no yogalo doduke tovi me'no kuu'numaporekikono. Toro tovino tov aga'no'gwowi a'mwo pworavuro kuuguudo pugai'aro mallo'mo tovino supto mimwakuuwono.

Kuurotokwe 14:14

Toro romiroudapiyo'mo winodopure tonyuno Pooleke Banabaseke tooral wuu'nolno ilaiyo mibwosunolorakono. Toro te kalo'mo tooral kemi youro ton roju'nyuno sumaleyokwe kwolallo tonyuro anakuuto tomuu kano kano kuuloda'mno sumaleyokwe deko aro kuudolorakono.

Adodolukuu'nosungiko 11:3

Aki a'mwo pworal moro kuuguudo tokwe kuu'maiyo toru'no dodoluwosumwalbulluno'moneyokwe nuu a'mwo su toorallu jurogudo tov nuubwemonyugono. Toro tooral kalo winodo'bule tovino tov kalo'mo youro togai yeso'bullu iruko 1,260 su tobuullu proofet kuuguudo tokwe moruudumwalbullunorakono.” Anyudokaikono.