Muuduko 37:28 - Gooti Toolluro Yogalokwono

²⁸ Toro te kwako Midiyada'ai a'mwo Isumaiyololluro iko tovasuda'ai su tooro kuuno bodopure toga gadai'yago tooro Joosepollu buuso tovida'ai wole'nomora'mno a'mwo su toorai uumallo'mno 20-pela silva nuugwiyo tobuuke sodolovomaropekono. Toro te Midiyada'ai a'mwo su tooro Joosepollu Ijup'no ameromokavlavopekono.

Muuduko 37:28 ပူးပေါင်းရင်းမြစ်များ

Muuduko 25:2

Toro tokwe Eburaiyamolluro kwolaiyo amollawosunoka tooraino yovo tov Simiraneke Jookisaneke Medaneke Midiyaneke Isibakeke Suuwaike toorai amollawosunokaikono.

Muuduko 37:25

Toro me'no wolomoropino sumaveyokwe toga wosamujuko ton anomwaloporogano. Toro tooro nomwalno sumaveyokwe a'mwo Isumaiyololluro iko tovasuda'ai pworo kemi sa'ai kemel toorai mollubworomokabodopure toorai suloonyopiyaporogano. Isumaiyololluro iko tovasuda'ai a'mwo su tooro nuugwiyo mallo'moneyokwe Giliyatda'ai bo'mno kemi wobeya sudo kuunyokwe mur togai'aro i'mujako marasin pugai'aro tonyu kemi kemel toorai muunyu toru ilomorosuno sumaveyokwe Ijup'no amokavlavoporogano.

Muuduko 37:36

Toro yoduke toga a'mwo Midiyada'ai tooro Joosepollu Ijup'no mokavla'mno sumaveyokwe Pootifallu ki'nato womdo wimwalono'moneyokwe wiyo'mno nuugwiyo amaroporogano. Pootifal Ijupda'ai a'mwo aguto Feroo toollu womdo agutokwe wimo'nodowo Feroo toolluro agwapto toruda'ai duuwato womdokwe toorai mido amollomwallajukekono.

Muuduko 39:1

To'no'gwowi Isumaiyololluro iko tovasuda'ai a'mwo pworo Joosepollu Ijup'no amokavlavopekono. Toro mokavla'mno sumaveyokwe a'mwo Ijupda'ai pwol Joosepollu abiyomarokaikono. A'mwo abiyomaroka su toolluno yovo tov Pootifalekono. Toro tool Ijupda'ai a'mwo aguto Feroo toollu gavman womdo agutokwe wimo'nodowo a'mwo aguto Feroo toolluro agwapto toruda'ai duuwato womdokwe toorai mido amollomwallajukekono.

Muuduko 40:15

Guu mi anyumo'noka tovino duu'nono. Nuu sumdomgu Hibruuda'ai tooravuro kwako tomuu mwalono toga ma'no ma'no miyodore kwonyu kuruv a'mwo pworo ameronumokaboponyugono. Aki toro toonyu Ijup akaru abomwalo toga ma'no ma'nodo puruv miyodore kwonyu kuruv wuulo killo'mo ago akavi yasuwa'no ameranubweyoponyugono.” Joosepol toro kuudokaikono.

Mollurolovomato 2:16

Kwako Midiyan su tomuuda'ai pris womdo yodowodo toolluno yovo tov Jetroo'wolekono. Iruko pullugwoji Jetroo'wolluro 7-pela taiyo tonodoto kemi kuunumiyago toolluro sipsip meme toorai wonyo willo'moneyokwe wonyo buugo allusovomwollosungiko toolluno kwolabopogano.

Matyuu 26:15

Toro tool plaino sumaiyokwe pris mido mollomwalokwe toorai kuudoganokaikono. “Nuvu Jisasollu amoraikubwemi tov kevu nuugwiyo adadobuul nyabupinorekuldeyo?” Toro kuudoganoka toollu kuudoporogano. “Nevu 30-pela silva nuugwiyo tobuul nogujabwanonogano.” Toro wuujuno sumaveyokwe nuugwiyo su tobuullu jagilo'mno kwiyopekono.

Matyuu 27:9

Su tov aiyoga proofet Jeremaiya'wolluro yogalo ajakwolloka tovi suuwiyo sumwojokakwono. Yogalo su tov arokwono. “A'mwo tooro 30-pela silva nuugwiyo tobuul amaroporogano. Nuugwiyo su tobuulluno Isuraiyolda'ai a'mwo abolo pun a'mwo su toollu biyomallo'moneyokwe me'no ajesopo tomgu'aro tovi kuvinono amaropokwono.

Kuurotokwe 7:9

Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono.