Muuduko 37:27 - Gooti Toolluro Yogalokwono

²⁷ Toro tovino tov aro to'gwowi neya yano. Nevu Isumaiyololluro iko tovasuda'ai a'mwo su toorai Joosepollu uumallowa'ji nuugwiyo anekubipuro. Nemi nellugwai'yago kuunodo Joosepollu nevnokwe toonol maromiyosa'jo.” Juuda'wol toro kuudokaikono. Toro te yiuwi'nokai todoroto Juuda'wolluro kuudoka tovi kaduko kwiyoporogano.

Muuduko 37:27 ပူးပေါင်းရင်းမြစ်များ

Muuduko 37:22

Toro duumjuku'no sumaiyokwe aro kuudokaikono. “Gamoro mujako tov nobwolawo'jokweyo'mo nevu marowa'ji a'mwomaiyo kwako yalukullo toruda'ai buuso akavi wolomoropiyowano. Toro kwolomoropiyowa'ji tov nevu kwollu yiunokuudo maromiyosanekono.” Kuudokaikono. Toro aduumjukuroka tov Ruubenol Joosepollu wiyo'mwojo'mo tool aro kuudo saurokaikono. Nuu Joosepollu wiyo'mwojo'mi gami ganumiyago toollu aikomgu uumollamekono. Ruubenol toro kuudo yauro'no gagwai'yago toorai aduumjukurokaikono.

Muuduko 42:21

Toro todoroto aro sajunoporogano. “Nevu aiyoga nemi nellugwai'yago toollu kaiyako sugolowo tovino tov aga jul'nyo akav aboneki'mo'maiyo. Toro tekwo tabunyu ma'dowo, “Donyo'mwojulo,” nekudoduke kwekwojo kuruv muu'nyubusuko to'no sowo tovino tov tabunyu akav ama'mawonogano.” Sajunoporogano.

Matyuu 16:26

Aki a'mwo pwol yiuwi'nokai kwako akavida'ai ton marowo'ji abolo'ji toga yiuwi'nokai me'no amaro'ji su ton a'mwo su tekwoji aiyo yiunokuudo mujomwekovlaiyo'moneyokwe tov nokwo wiyo'mwojupinoldukono? Awiyo. Yiuwi'nokai amaro'ji su ton ku'nono mwiyo'mwojupinogano. Aki a'mwo pwol yiunokuudo nobolmiyo kuudo yaurowo'ji aiyo yiunokuudo mujomwekovlaiyo'moneyokwe tovi mallo'mo kwino'ji tool Gooti toollu noonyumwonyu pugai nokwo biyomaronoldukono? Awiyo. A'mwo aiyo yiunokuudo mujomwekovlaiyo'moneyokwe tovi mallo'mo kwino'ji su tool Gooti toollu noonyumwonyu pugai ku'nono mabiyomaronekono.

Matyuu 26:15

Toro tool plaino sumaiyokwe pris mido mollomwalokwe toorai kuudoganokaikono. “Nuvu Jisasollu amoraikubwemi tov kevu nuugwiyo adadobuul nyabupinorekuldeyo?” Toro kuudoganoka toollu kuudoporogano. “Nevu 30-pela silva nuugwiyo tobuul nogujabwanonogano.” Toro wuujuno sumaveyokwe nuugwiyo su tobuullu jagilo'mno kwiyopekono.

1 Timooti 1:10

aki a'mwo abolo kwonyalo yodupudo togai'aro aki a'mwo tooro a'mwo pworogai kwonyalo inodupudo toorogai'aro aki ki'nato womdo neya ipureyokweyo'mo a'mwo abolo pubuurai ipolomokabodupudo toorogai'aro kuunano yogalo youkuu'nadodupudo toorogai'aro aki kooti yogalokwe toga kuunano youkuu'nadodupudo toorogai'aro aki kuuguudo idopto'nodo ibwasodopure tovi molo wiyodupudo toorogai'aro yiuwi'nokai su tooraiyomno Gooti tool gamoro loowo tov amoropiyabokaikono.

Adodolukuu'nosungiko 18:13

Aki pauda puruv sunamoonovo dodupudo togai'aro wobeya sudo kuunyokwe pauda togai'aro aki duko nosodowo'jure tovida'ai wobeya sudo kuunyokwe pauda togai'aro wobeya sudo kuunyokwe wel mur dodupudo togai'aro wobeya sudo kuunyokwe i'mujako frenkinsensovo dodupudo togai'aro wain wonyo togai'aro oolip munyupto togai'aro flauwa sugudo togai'aro wit sulo togai'aro buulmokau toorogai'aro sipsip toorogai'aro hoos toorogai'aro hoos mokavlaptokwe karis togai'aro aki ki'nato womdo yo'moneyokwe a'mwo abolo togai'aro yiuwi'nokai su tonyu abiyonekumallajuporogano.”