Muuduko 37:20 - Gooti Toolluro Yogalokwono

²⁰ Mekono, nevu yere neya yano. A'mwo su to kuvasi romiyosowa'ji buuso tovi wolomoropiyowano. Toro yowa'ji kuunano yogalo aro youkuu'nuudanokwono. “I'womdo tomuuda'ai ibesa'aiyo kuulludaiyo pwol me'no adovanokaikono.” Toro youkuu'nuudowa'ji toga gamoro wojo nekudodowodo ton kuvinono imo'nono'mdukoneyokweyo'mo muugonaranokwono. Toro amuugonara'ji kuvi kuruv gamoro wojo ton ku'nono mimo'nupinogano.” Sajunoporogano.

Muuduko 37:20 ပူးပေါင်းရင်းမြစ်များ

Muuduko 37:19

Toro tooro aro sajunoporogano. “Nemoro wojo mollago tova aka tool abadopiyo.

Muuduko 37:26

Toro mokavla'mdopure toorai Joosepollu gadai'yago tooro kwonoporogano. Toro wonyuno sumaveyokwe gadai'yago su tooraida'ai Juuda'wol gavuge avalo todorotai aro kuudokaikono. “Nevu nemi nellugwai'yago Joosepollu romiyosowa'ji gamoro mujako tov yiulo abwososa'ji tov noonyumwonyu nuugwiyo'mdeyo pun mamaranonogano.

Muuduko 37:32

Toro ino sumaveyokwe youro kumi'yago sugumaluko toul momworaro'mno kemi kuunumiyago toollomno amokavlavoporogano. Toro mokavla'mno sumaveyokwe kemi kuunumiyago toollu aro soukuu'nuudoporogano. “Youro so'mgonomarowo akav Joosepolluro'mdukono oo a'mwo pwolluro'mdukono? Guu sumdo doonono.” Soukuu'nuudoporogano.

Muuduko 37:33

Toro te Jekoopol youro tovi wonoma'no sumaiyokwe adokaikono. “Oo moro kwolaiyo Joosepollurokwono. Ibesa'ai kuulludaiyo pwol moro muugunyo Joosepollu me'no adovanokaldeyo.” Adokaikono.

Muuduko 45:3

Joosepol kumdato me'no dopino sumaiyokwe gami gadai'yago toorai aro kuudokaikono. “Nuu Jooseponyugono. Mi nyunumiyago tool kuuno dukomwallo?” Toro kuudoka tovi gadai'yago tooro wuu'no'mno luko bwotonyo soporogano. Toro ino sumaveyokwe Joosepolluro kuudoganoka tovi kemoro yogalo puruv muudoporogano.

Joon 3:12

Nuvu noonyumwonyu kwako akavi imo'nodupudo su tonyuno ikudodo'mure tovi kuudo muubwepi tov Gooti toolluro ago muunyu kai'muuda'ai tonyuno aikudumi to'gwowi adadomgu'aro kuudo uubwepinorekuldukono?

Taitos 3:3

Kuudo neya jaullulo. Muudu'nodo toga ne kunol kuruv junorukuudo tooro yau'dowa Gooti toolluro yogalo tovi kisuvolo kwiyajuwonogano. Aki kuunano yogalo youkuu'nanekudodopure toorai kaduko wiyodowa noonyumwonyu kwanyu sumdo kinuwiyo'mo pasudo toorogai'aro nevnokwenollu ilaiyo igollunyo'mo pasudo toorogai'aro su toorai kiroungovlaiyo'moneyokwe ki'nato womdo sajuwonogano. Aki toro tonol magu'nyo kuudo toorogai'aro kwekuullu kuudo toorogai'aro you'movla'mdowa a'mwo abolo togai sumwoluko gwabo sungovlaiyajuwonogano. Muudu'nodo toga nevu kaiya'no pasudo su toro toorogai somjomwekovlaiyajuwonogano.