Muuduko 3:6 - Gooti Toolluro Yogalokwono

⁶ Toro wuujuno sumaiyokwe abolo tov ikulsulo tovi wonoma'no sumaiyokwe toga kuudo saurokakwono. Oo iko akal sugumalukekono. Aki toro toolluro ikulsulo ton ilaiyo nokwo nonyo'mogano. Toro tovi nuu amanmi tov pi'mwo kuudo tov nokwo youroma'mo'mideyo. Kuudo saurokakwono. Toro kuudo yau'no sumaiyokwe toga ikulsulo tov muudanyuno sumaiyokwe pun gami kwolo tool gavuge mwaloduke toollu wiyo'no amanokaikono.

Muuduko 3:6 ပူးပေါင်းရင်းမြစ်များ

Muuduko 3:12

Toro samuugojoka tovi a'mwo tool aro kuudokaikono. “Abolo nuuge yogaimo'nyo'mo anyabodo akav iko su toolluda'ai ikulsulo pullugwo amuudonyamoka tov amanmonyugono.” Kuudokaikono.

Muuduko 3:17

Toro wuujuno sumaiyokwe aki Adamollu aro kuudokaikono. “Guu abolo tovi kaduko wiyodum moro ikulsulo, kumakokwono, agudo toolluda'ai amanmodo tovino tov tabunyuwuulo akav gubwemekugono. Toro amanmado tovi nuvu aro gubwemekugono. Aga kwako sugudo tovi kaiyako igolosumonyugono. Toro te wosamujuko ton yasuwa'no mabilapinogano. Toro te guu wosamujuko ton mallo'mo tekwogu yiuwi'nokai toga womdo bwotonyo yo'bi yonugovla'mwalbinekugono.

Muuduko 39:7

Lukomgu Pootifalluro abolo tov Joosepollu kwanyu sumdo kinuuwino sumaiyokwe aro kuudoganokakwono. “Guu nuuge sumwonyo nokwo yesunekudeyo?” Kuudoganokakwono.

Muuduko 6:2

Toro sumo'nopo toga Gooti toolluro iko tovasuda'ai tooro a'mwo yasuwa'no mwalodupudo tooravuro sujuraiyo sugumaluko tonyu kwonyajuporogano. Toro tonyu ilaiyo sumdo kinuwiyodupu kevnokweravuro kuudo tovida'ai nokwo malluno malluno sajuporogano.

Matyuu 5:28

Toro kuvi kuruv nuvno'gwowi aro ikudumo'monyugono. A'mwo pwol abolo puvino kwonyalo'mo sumdo ainuwiyo'ji su tov gamoro poowokalago tovi abolo tokwe kwonyalo me'no sungikekono.

1 Timooti 2:14

Aki puruv Adamol Satanyolluro kuunano yogalo youkuu'nuudoduke tovi kaduko mwiyokaikono. Toro kuvi kuruv Iviyo'gwowi Satanyolluro kuunano yogalo youkuu'nuudoduke tovi kaduko wino sumaiyokwe ma'no ma'nodo tovi abwoloorokakwono.

1 Joon 2:16

Kuudo neya jaullulo. Kwako akavida'ai pasudo tooro arorogano. Kulako tobuuravuro ilaiyo igollunyo'mo pasudo tokwono. Aki kwanyu sumdo kinuwiyo'mo pasudo tokwono. Aki ilomoropunyo'mo pasudo tokwono. Yiuwi'nokai pasudo su toro tooro nemi Nellunumiyago Gooti toolluda'ai mabodupudorogano. Toro kuvi kuruv yiuwi'nokai pasudo su tooro kwako akavida'ai bodupudorogano.