Muuduko 3:23 - Gooti Toolluro Yogalokwono

²³ Toro juno sumaiyokwe Gooti Yawel Adamollu kuudokaikono. “Guu womdo Idenda'ai bolokwo'bi kwako puvino dovlavono. Kwako su tov gumi saguukwollo tovi julloburoudanogawono.” Gooti Yawel Adamollu toro abilomodovomjopiyokaikono.

Muuduko 3:23 ပူးပေါင်းရင်းမြစ်များ

Muuduko 2:5

Muudu'nodo toga Gooti Yawel yiuwi'nokai kwako tokwe sulugumdo tokwe tonyu jokwollosoduke toga noonyumwonyu ikodeyo gwo'gwoptodeyo ton yere mabilallajupogano. Su toro toga buuruko maviyajukokwono. Aki a'mwo noburaujo'mo pworo nonagutogakono.

Muuduko 2:7

To'no'gwowi Gooti Yawel a'mwo muudu'nodo toollu yakwollo'mo tool kwako puruv malluno sumaiyokwe a'mwo toolluro kulako tov sakwollokaikono. Toro yakwolluno sumaiyokwe toga Gooti Yawel a'mwo toollu aiyo imo'nono'moneyokwe gamoro subuupuuto tovi'aro pwo'mi muujudo kuuwapiyoka toga a'mwo tool aiyo sumo'nokaikono.

Muuduko 2:8

Toruda'ai Gooti Yawel kuujo sumdo sulopiyamoka tomgu womdo puruv soburoudosokaikono. Toro soburoudosoka toru'no yovo tov Idenorukono. Toro towai a'mwo sokwollosoka toollu auluumwallokaikono.

Muuduko 3:19

Toro te guu womdo tov dukwogulo imo'naro'bi nyomjonomwekovla'mwalbinekugono. Toro tekwogu nuvu kwako tovida'ai saguukwollo tooku kwako tovi aki aiko te pla'binekwogugano. Tabunyuwuulo akav toro agubwemono.” Gooti Yawel a'mwo toollu toro kuudokaikono.

Muuduko 3:22

Toruda'ai Gooti Yawel aro sajunokaikono. “Aga'no'gwowi a'mwo tool nevubusuko sumo'numokaikono. Toro tool kuudo sugudo togai'aro kuudo ma'no ma'nodo togai'aro tonyuno me'no souroma'mokaikono. Toro tovino tov a'mwo su tool aiyo yiunokuudo nomjomwekovlawo'jokwe tov iko aiyo yiunokuudo mujomwekovlaiyo'moneyokwe toolluro ikulsulo tov nomuudano'jo.” Sajunokaikono.

Muuduko 3:24

Toro modovomjapino sumaiyokwe toga a'mwo tool iko aiyo yiunokuudo mujomwekovlaiyo'moneyokwe toolluro ikulsulo tov noulomuudano'jokwe puuto tovi duuwato'mo tov seruubim ensel pworai kuudapiyokaikono. Toro toorai womdo Iden toru kuujo tool sulopiyamoka tomgu wuudapiyo'no aki puuto tovi uullukullo'mo kwallu'mopto puruv kwosokaikono. Kwallu'mopto su tov du'wiyo to'no nodowo gunyumwo gunyumwoga yodowodo tov kwosokaikono. Toro kwosoka su ton a'mwo pwol iko aiyo yiunokuudo mujomwekovlaiyo'moneyokwe toollu wobo toru nuuwipiyokweyo'mo kwosokagano.

Muuduko 4:12

Toro tekwogu noonyumwonyu wosamuju'womdo aburaudubi su ton ilaiyo mabilapinogano. Aki gumi ago yiunokuudo mwallo'moneyokwe puru nonagutekwogugano. Yasuwa'no ga tomuu ga tomuu mwolomollumwalbinekugono.” Kuudokaikono.

Muuduko 4:2

Toro mullowaro'no mwalno sumaiyokwe lukomgu aki aiko te kwolaiyo sumwoluko puruv sumo'nokakwono. Toro te Kenollu gagwai'yago Ebelollu somarokakwono. Toro todoral aguto gulluno sumaleyokwe toga gagwai'yago Ebelol sipsip toorai moduvomwallokwe sumo'nyajukekono. Aki gadai'yago Kenol wosamuju'womdo ton saujajukekono.

Muuduko 9:20

To'no'gwowi Noowal wain ikulsulo womdo tonyu kuujo'mo tov kwolda'ai amollubworosokakwono.