Muuduko 3:14 - Gooti Toolluro Yogalokwono

¹⁴ Toro te Gooti Yawel gabakuto toollu kuudokaikono. “Guu toro soukuu'nuudumodo tovino tov tabunyu nogubwemekugono. Tabunyuwuulo su tov noonyumwonyu ibesa'aiyo pworai muubwemokwono. Yiuno guu judo tookujuno gubwemokwono. Toro tooku yiuwi'nokai aiyo kuuno amjomwekovla'bi iruko tobuullu sumwolkado to'no plavo'bi sullukwako tov nugovla'mwalbinekugono.

Muuduko 3:14 ပူးပေါင်းရင်းမြစ်များ

Muuduko 3:1

To'no'gwowi su toro toga Gooti Yawelluro yiuwi'nokai ibesa'aiyo sokwollosoka tooravuro pwol youkuu'najo'mo kuudo tov yiuwi'nokai pworai kuuwoleyajukekono. Toro kuuwoleyajuko tool gabakuto tookono. Toro te gabakuto su tool abolo tovi kuudoganokaikono. “Gooti tool nebal'no aro aikudokaldukono. Kevu yiuwi'nokai iko womdo akavida'ai adakwopo tooravuro ikulsulo ton mamuudanbullunono. Aikudokaldukono?”

Muuduko 4:11

Toro wuujuno sumaiyokwe aro kuudokaikono. “Guvu toro sumado tovino tov aga tabunyuwuulo akav gubwemekugono. Jugwai'yago aromiyosumado toolluro mujako tov kwako akavi me'no kuumokakwono. Toro te kwako mujako kuumoka su tovi mamwalbinekugono. Toro kweku kuruv kwako su tovi wuugollu'movo'bi pumuuno neya pla'binekugono.

Muuduko 9:6

Aro tovinokwono. Nuu Gooti toonyu a'mwo toorai nuvubusuko sokwollosorogano. Toro tovino tov a'mwo pwol a'mwo pwollu romiyosowo'ji gamoro mujako abwolawo'ji tov a'mwo toro so'ji su tool a'mwo gabovo pworavuro ato tovi'aro neya bolonekono.”