Muuduko 28:12 - Gooti Toolluro Yogalokwono

¹² Sa wolluno sumaiyokwe wojo tov aro suwo'nokaikono. I'deko puruv kwako tovi'aro i'muu Gooti toolluro ago tomuu'aro wo'duke tovi kwonokaikono. Toro te Gooti toolluro ensel pworo i'deko su tovi ilno wolabino yodopure toorai kwonokaikono.

Muuduko 28:12 ပူးပေါင်းရင်းမြစ်များ

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Muuduko 15:12

Toro irugolapino sumaiyokwe kuujo tool noolomwollo'mo yoduke toga Eburamol sa tov bwiyo pwolbusuko kworokaikono. Toro tool wolluno sumaiyokwe dugumwuulo bwotonyo puruv kimwonyoduke tovi wono'no luko bwotonyo sokaikono.

Muuduko 20:3

Toro kuumokabopo kuvi kuruv surakuuto su tollugwoji Gooti tool Abimelekollu wojo tovi'aro bwiyalo'no'no aro kuudokaikono. “Abolo ama'mwakudo su tov a'mwo pwollurokwono. Toro tovi guu ama'bi tov nobolbinekugono.” Kuudokaikono.

Muuduko 41:1

Toruda'ai kworomo pullal me'no kuuwolo'noka toga Feroo tool wojo puruv iwo'no'no aro tovi kwonokaikono. Feroo gavnokwe tool wonyo Nailovi wolo toru davo'no kwonokaikono.

Matyuu 1:20

Joosepol toro kuudo yau'duke kuvi kuruv Aguto toolluro ensel pwol wojo tovi'aro bwiyalo'nyuno sumaiyokwe aro kuudokaikono. “Joosepoloo, Devitolluro jukweyago kwolaiyo tooku Mariyavi mallo'mo tovino luko mibinono. Abolo su tovuro sumwoluko tovida'ai kwolaiyo aulomnasuko su tool Gooti toolluro Kuullo toolluda'ai sumo'nadopiyo.

Matyuu 2:19

Joosepol kwako Ijup toru kuuno amwallajukekono. Mwalno sumaiyokwe lukomgu Herootol abolokaikono. Toro aboloka toga Aguto toolluro ensel pwol wojo tovi'aro biyalo'nyuno sumaiyokwe aro abuudokaikono.

Joon 1:51

Jisasol toro wuujuno sumaiyokwe aki puruv aro kuudokaikono. “Nuvu nebal'no kuunodo gudumo'mokwono. Kevu Gooti toolluro ago muunyu kai'muu nousoda'mdowo'jure tovi noonpinorekikono. Aki muunyu kai'muuda'ai Gooti toolluro ensel pworo A'mwo Kwolaiyo Kuunodo toonyu'aro ilno wolabino yodopure toorai noonpinorekikono.” Kuudokaikono.

Hibruu 1:1

Aiyoga Gooti tool nemi nellukweyago toorai gamoro yogalo tov proofet toorai'aro kuujajukekono. Toro tool bwotonyago toga judo'no judo'nodo tomgu'aro kuujajukekono.

Hibruu 1:14

Yiuwi'nokai ensel tooro kuullo pworogano. Toro tooro Gooti toolluro womdo tovi yodupudorogano. Ensel su tooro Gooti toolluro a'mwo abolo tonyu mollomwalmwalpino'moneyokwe modapiyodowodorogano. Gooti toolluro a'mwo abolo nomollurolovomokalokwodowo'jure tobuurai mollomwalmwalpino'moneyokwe gamoro ensel su toorai modapiyodowodorogano.