Muuduko 28:10 - Gooti Toolluro Yogalokwono

¹⁰ To'no'gwowi Jekoopol Mesoopootemiya tomuuno plaiyo'moneyokwe Biyasiba toru wuugollu'mo'mno sumaiyokwe puuto tov wagwolago Haran tomuu'aro amjo'movlaiyajukekono.

Muuduko 28:10 ပူးပေါင်းရင်းမြစ်များ

Muuduko 11:31

To'no'gwowi Tera'wol Bebelooniyada'ai wagwolago Uur toru wuugollu'meyo'moneyokwe gami muugunyo kwolabolo Eburameke Saraiyokwe teyauke'aro gami muugunyo Haranolluro kwolaiyo Looteke'aro tonumdoto wuugollu'mo'mno sumaveyokwe Kenan'no avlavoponumdotogano. Toro tonumdoto plaino sumaveyokwe kwako Kenan toru yere mai'movapogano. Toro kun kuruv kwako puwai ki'mo'mno sumaveyokwe amwaloponumdotogano. Kwako su towai'no yovo tov Haran dodupudorukono.

Muuduko 12:4

Toruda'ai Eburamol Gooti Yawelluro kuudoka kuvinono kuumjunokaikono. Toro te Eburamol 75 kworomokwe tool Looteke tonumdal Haran toru kuugollu'movolonumdakono.

Muuduko 12:5

Toro te Eburamol nuugollu'meyo'mo toga gami abolo Saraiyokwe'aro gami gagwai'yago toolluro kwolaiyo Looteke'aro kemi yiuwi'nokai kuto ivito togai'aro aki Haranda'ai womdo wiyo'moneyokwe amaropo togai'aro tonyu Kenan'no amokavlavokaikono. Toro ton plavo'mno kwako Kenan toru aulapogano.

Muuduko 26:23

Toruda'ai lukomgu Aisakeke ton su towai wuugollu'mo'mno sumaveyokwe kwako Biyasiba'no avlavopogano.

Muuduko 27:43

Toro wuujuno sumaiyokwe aki aro amadokakwono. “Guu moro kwolaiyo tookugono. Toro tooku moro yogalo agudumi akavi neya duumjunono. Moro nyo'mwo Lebanol wagwolago Haran amwalluko toollomno lukado yere dovlavono.

Muuduko 46:1

Toruda'ai Jekoopol gamoro yiuwi'nokai buro'nyo buro'nyo kuto ivitodeyo a'mwo abolo kwoloraiyodeyo tonyu momwora'no sumaiyokwe avlavokaikono. Toro ton plaino sumaveyokwe wagwolago Biyasiba toru ai'movopogano. Toro ki'mo'mno sumaveyokwe Jekoopol gami ganumiyago Aisakolluro Gooti toollu wiyo'moneyokwe sipsip pwollu romiyo'no kwiroudapiyokaikono.

Kuurotokwe 25:13

Toruda'ai iruko pubuul me'no avlavopo toga a'mwo aguto kig Agripa'weke gami jo'mwo Benaisokwe tonyo'mwolal gavman a'mwo aguto Festosollu ilaiyo mollo'moneyokwe wagwolago Sisariya'no kwolabolonyo'mwolakono.

Kuurotokwe 7:2

Toro samuugojoka tovi Stivenol kuudokaikono. “Oo mi nyunumiyago nyugwai'yagoruvavoo, kevu neya donuu'nyulo. Aiyoga nemi nellukweyago Eburaiyamol wagwolago Haran toru yere mabai'movo'no Mesoopootemiya tomuu kuuno mwaloduke toollu Gooti Jurogudo Kuunodokwe tool muunyu kai'muuda'ai wolabo'no abwolluru'marokaikono.