Muuduko 27:4 - Gooti Toolluro Yogalokwono

⁴ Yo'bi pwollu abolo'bi tov donumokabono. Gamoro wuullo tov nuu ilaiyo nodumdo to'busuko kubalno guu doto ailomokabi tovi nomwalmonyugono. Nuu me'no no'mi yere mabolodo'mure toga moro sugudo tov dagubwemonyugono.” Kuudokaikono.

Muuduko 27:4 ပူးပေါင်းရင်းမြစ်များ

Muuduko 14:19

Toro tool Eburamollu sugudo tov aro adubweyokaikono. “Gooti Yiuwi'nokai Tonyu Uuwolo'mdowodo tool sulugumdo tokwe'aro kwako tokwe'aro tovallu sokwollosokaikono. Gooti su tool Eburamollu sugudo pun nokwo uubweyogawono.

Muuduko 24:60

Toro ton nomorapiyo'mo toga Rebekavi sugudo uubweyo'mo tov aro kuudopogano. “Nemi nellunanyagovoo, guu a'mwo abolo kwolallo kuunodo tonyu kuuneyago neya duuwimo'nono. Aki gumoro jukweyago kwoloraiyo ton kemi ikomago toorai neya uuwolopinogano.” Aduubweyopogano.

Muuduko 27:14

Toro kuudoka tovi Jekoopol kaduko wino sumaiyokwe meme bwopto pworal gami ganeyago toviyo'mo agalomworarokaikono. Toro galomolluno sumaiyokwe Rebekav Aisakolluro wuullo wiyodowodo to'busuko kubalno doto sokakwono.

Muuduko 27:17

Toro ibweno sumaiyokwe Rebekav wuullokwe meme muugupto tokwe'aro bret pugai'aro doto sosoka ton Jekoopollu kuumallokakwono.

Muuduko 27:19

Toro kuudoganoka tovi Jekoopol aro soukuu'nuudokaikono. “Nuu gumoro kwolaiyo muudo'nodo sanuwosunodo Isoo'wonyugono. Toro toonyu gumoro yiuwi'nokai anyudumado tov me'no sovrovogumokamonyugono. Toro te guu dukovomwalo'bi wosamujuko akan no'bi sugudo tov nubwebinonyugono.” Kuudokaikono.

Muuduko 27:23

Toro tool aro kuudo miyaurokaikono. Oo Jekoopoldeyo. Kuudo miyaurokaikono. Isoo'wolluro kula'waroto to'busuko tovi kuumworogai'noka tovino tov, Jekoopoldeyo, kuudo miyauro'no sugudo tov uubweyo'mo kwinokaikono.

Muuduko 27:25

Toro soukuu'nuudoka tovi Aisakol kuudokaikono. “Yowa'nogano. Moro muugunyo tookujuro muugupto aromiyonumokamado tov nyabo'bi nuu anmo. Toro toonyu me'no no'mi toga sugudo tov dagubwemonyugono.” Kuudokaikono. Toro wuujuno sumaiyokwe Jekoopol wosamujuko tov mokabo'no abuuwiyoka tovi Aisakol amanokaikono. Aki wain wonyo pugai'aro abuuwiyoka tovi amanokaikono.

Muuduko 27:27

Toro kuudoka tovi Jekoopol bino sumaiyokwe gami ganumiyago toolluro suwado tovi molluduuduulo amollokaikono. Toro molloduke toga Aisakol Jekoopolluro youro tovi sudo uumuuro'gwonyuno sumaiyokwe sugudo tov uubweyo'mo tool aro adubweyokaikono. “Moro muugunyo tookujuro sudo anuunmoka akav Gooti Yawelluro sugudo kwosungiko i'womdo tomuuda'ai sudo nuunodowodo to'busukokwono.”

Muuduko 27:31

Toro bai'mo'mno sumaiyokwe Isoo'wol kwol kuruv muugupto wuullokwe ton doto me'no yomwora'no sumaiyokwe gami ganumiyago toollomno amokabokaikono. Toro mokabino sumaiyokwe aro kuudokaikono. “Mi nyunumiyagekwono, guu dukovomwalo'bi muugupto me'no aromiyogumokamo akan donono. Me'no no'bi sugudo tov danubwebinonyugono.” Kuudokaikono.

Muuduko 27:5

Toro wuujuno sumaiyokwe Isoo'wol gami ganumiyago toollo'mo allu kuulolorodeyo pwol romimokabiyo'moneyokwe i'womdo tomuuno avlavokaikono. Sumdomgu Aisakol gami muugunyo Isoo'wollu toro wuudoduke toga Rebekav me'no au'nallajukokwono.

Muuduko 27:7

Nuu allu kuulolorodeyo wuullokwe ton nonumo'moneyokwe guu pwollu romimokabo'bi doto jonumokabono. Toro tovi me'no no'mi yere mabolodo'mure toga Gooti Yawelluro sumdo tovi sugudo tov gumi dagubwemonyugono. Aisakol Isoo'wollu toro wuudoduke tovi kuu'nume'gono.” Rebekav Jekoopollu toro abuudokakwono.

Muuduko 27:9

Guu meme ki'duvolodupudo tomuuno plavo'bi meme bwopto pworal galomokabo'bi mi bonyabono. Nuu gumi junumiyago toolluro wuullo wiyodowodo to'busuko kubalno doto ime'gono.

Muuduko 28:3

Toro tookuji Gooti Jurogudo Kuunodo tool sugudo to'no neya amagujono. Toro amagujo'ji tooku kwolaiyo taiyo sawosunbi ton kwolallo bwotonyago imo'nupinogano.

Luuk 2:34

Toro yourukwapiyodole teyaullu Gooti tool ilaiyo igolono'moneyokwe Simiyoonol yogalo sugudo pun aduubweyokaikono. Toro duubweno sumaiyokwe Mariyavi aro kuudokaikono. “Neya duu'nono. Kwolaiyo sumo'nadopiko akal Gooti toolluro me'no ajesokaikono. Toro toolluno tov Isuraiyolda'ai a'mwo abolo bwotonyago tonyu nobwolomorumwogapiyawonekono. Toro bwolomorumwogapiyawo'ji kuvi kuruv Isuraiyolda'ai a'mwo abolo bwotonyago punyuno'gwowi nomoduko'bworapiyonekono. Aki kwolaiyo su tool Gooti toolluro duuwallo to'busuko imo'nodowo'jure toollu a'mwo abolo pun kisuvolo nuuwimwalpinekono.

Luuk 24:51

Toro me'no duubweno sumaiyokwe Jisasol gami uumjunyokwe su toorai wuugollu'movo'no muunyu kai'muuno sulokaikono. Toro iloduke toollu Gooti tool gami ago muunyu i'muuno amokailokaikono.

Hibruu 11:20

Aki Aisakol Gooti toollu kuudo kuubweyajukekono. Toro kuubweyajuko tovi'aro gamoro kwolaiyo Jekoopeke'aro Isoo'weke'aro todorallu lukomgu ilaiyo wimo'nyo'mo tovino Gooti tool subuu'yamju aduubweyokaikono.